ငွေရောင်လေးက အစောပိုင်းတွင် စိတ်ဝင်စားစရာကောင်းသော တိုက်ပွဲဖြစ်လာမည်ဟု တွေးထင်ခဲ့သည်။
သူတို့၏ နယ်ပယ်အဆင့်ကြားမှ ကွာဟချက်က နည်းနည်း ကြီးသော်လည်း အနည်းဆုံးတော့ ကိုယ်လက် လေ့ကျင့်ခန်းလုပ်ခွင့်ရမည်ဟု ထင်ခဲ့သည်။
သို့သော် ဤကျင့်ကြံသူများက အားနည်းလွန်းလှသည်။
၎င်းက အစမှအဆုံးထိ ထောင်ချောက်ဘော်လုံးများကိုသာ ပစ်ပေါက်ခဲ့၏။
ယင်းက ငွေရောင်လေးကို အလွန် စိတ်ပျက်စေခဲ့သည်။
ပြောရလျှင် ယခုလက်ရှိ ငြိမ်းချမ်းရေးခေတ်က ကျင့်ကြံသူများ အပေါ် သက်ရောက်မှု ရှိနေခြင်း ကြောင့်လည်း ဖြစ်နိုင်၏။
၎င်းတို့က စစ်မှန်သော တိုက်ပွဲဝင်စွမ်းရည်ကို ရရှိရန် လုံးဝအလေးအနက် မရှိဘဲ သက်သောင့်သက်သာ နေထိုင်ခဲ့ကြသည်။
ငွေရောင်လေး၏ အမြင်တွင် နယ်ပယ်အဆင့်က အသုံးမဝင်ပေ။
စစ်မှန်သော တိုက်ပွဲဝင် စွမ်းရည်ကလည်း နယ်ပယ်အဆင့်နှင့် ထပ်တူထပ်မျှ အရေးကြီးသည်။
ယခင်ကဆိုလျှင် စိတ်ဝိညာဥ်ဖွဲ့စည်းခြင်း အဆင့် ကျင့်ကြံသူ တစ်ယောက်သည် တစ်စက္ကန့်အတွင်း လက်သီးချက် တစ်ရာမထိုးနိုင်လျှင် နယ်ပယ်အဆင့်ကို ပြောရန်ပင် ရှက်ရွံ့ခဲ့ကြ၏။
အကယ်၍ သင်က ထိုအရာကို စွမ်းဆောင်နိုင်လျှင်မူ ဝေဖန်မှုအားလုံးကို လုံးဝ လျစ်လျူရှုနိုင်မည် ဖြစ်သည်။
ဤခေတ်တွင် ကြီးကျယ်သော ကျင့်ကြံသူ အများအပြား ရှိသည်ဟု ဆိုနိုင်သော်လည်း ခေတ်သစ် ကျင့်ကြံသူများ အကြားတွင်မူ စစ်မှန်သော တိုက်ပွဲဝင် စွမ်းရည်က အားနည်းလာပြီ ဖြစ်သည်။
ယင်းက ခေတ်ရေစီးကြောင်း တစ်ခု ဖြစ်လာနေပြီ ဖြစ်ကြောင်း ဝန်ခံရပေမည်။
မှော်ပညာအပိုင်း နှင့် တိုက်ခိုက်ရေးစွမ်းရည် အပိုင်းတွင် ကျင့်ကြံသူအများစုက မှော်ပညာကိုသာ အသုံးချဖို့ ရွေးချယ်ခဲ့သောကြောင့် တိုက်ပွဲဝင်စွမ်းရည်က လမ်းဘေးသို့ ရောက်သွားခဲ့သည်။
