بمكان مجهول اول مره نزوره
##: متاكد هذه هي؟ بنت محمد؟
:اي هي نفسها ابيها عندي الاسبوع الجاي
بضحكة خبث##: البنت حريقه
وضحك الطرف الثاني معه: تسلم ايده جاب لنا الشي الي تعور يد محمد
_______________________________________
بالامارات
الماسة وهي تشاهق: بابا لا تقولها ابوس يدك لا تقولها مابي اسمع لا لا لا!
عبد العزيز وهو يتنهد على حال بنته: يبنتي هذه قدر الله مانقدر نعترض ترحمي عليه..
ماقدر يكمل كلامه الا ودموعه تنزل ماقدر يمسك نفسه قدام عياله
والبيت مقلوب فوق تحت حزن
ماتت، ماتت ضوء بيته ام عياله وحبيبة قلبه؛ شيخة
كان عندها مرض خبيث وما اكتشفوا الا متاخر ولللاسف ماقدروا ينقذوها
بعد اسبوع من انقلاب حالهم وايام العزا وقالوا للي بالسعودية
كان وجه الماسة باهت وشاحب والحزن كاسيه
كانت تحب امها قبل ماتكون امها كانت صديقتها وتفهمها بس الحين تركتها وراحت
اجتمعوا بطلب من ابوهم وقعدوا معه
تنحنح عبد العزيز مايدري كيف يبدا: اسمعوا يعيالي ادري مو هين بس هذا قضاء الله وقدره والحين انا جمعتكم عشان الاسبوع الجاي بنرجع السعوديه
ناظروه عياله بصدمة! كيف بعد ماعاشوا حياتهم هنا ينتقلون السعودية صعبة عليهم صعبه!
تتهد من طال الصمت وتكلم: جامعتك يااسير والماسة نقلت لكم هي هناك
وعزام والايهم مافي مشكله شغلكم ينتقل بسهولة جهزوا اغراضكم الاسبوع الجاي بنمشي
وقام من عندهم وهم للحين مصدومين بس مستحيل يعارضون قرار ابوهم
_______________________________________
عند آل زايد طبعا عرفوا بموت شيخة والكل كان حزين ورجعوا لبيوتهم بهذا الخبر المفجع اما الدانة كانت زعلانه والحزن كاسيها بسبب زعلها على الماسة(الماسة والدانة مره علاقتهم قويه!)
غرفه دانة~
تنهدت تدق على الماسة تحاول تغير جوها
دانة بابتسامة حزن: الماستي كيفتس ياعين اختس
تنهدت الماسة تخفي حزنها: الحمدلله دنو متخيله اسبوع وبقابلك!
دانة عرفت انها تخبيه حزنها وتبي تغير الموضوع فجارتها: جد بخليتس تنسين الامارات من تجين بنشب لتس نشبه ونطلع كل يوم ومافي اعتراض
ضحكت الماسة بوسط حزنها: وانا اقولك لا؟
وكملوا يسولفون ودانة تحاول تغير جوها
فيّارت16
4ايام بدون احداث مهمة~
عند فيصل كان قاعد بمكتبه يشتغل بجهد على معاملاته
وصله اتصال من سلمان: فيصل الحق بسرعة
فز فيصل من مكانه: شفيتس ياولد؟ شصاير!
سلمان بقهر: جمال... جمال رجع و
توسعت عيونه بصدمة من طاريه: وش سوا الخسيس وش صار!!
سلمان: خطف فيّ!
انقبض قلب فيصل من الصدمة والخوف عليها: لحضه شتقول انت! كيف ووين وش صار
حكى له سلمان الي صار وطمنه فيصل انه بيحدد موقعه من المكالمة ويروحون
فلاش باك للي صار~
كان مجتمع الجد واحفاده وعياله وعليا وحريمهم
يزن: وينها فيّ يا دانة ماجت معتس؟
ناظرته دانة باستغراب: طلعت وكان لسا عندها حاله وقلت لها برسل لك السواق ووافقت وقبل شوي رسلت لي رساله انها بترجع مع سلمان
دخل سلمان عليهم بذي اللحضه: مين الي بيرجع معي؟
توسعت عيون دانة بخوف وقلق على فيّ: سلمان وين فيّ؟؟ مو قالت انت بتمر لها
دق جوال محمد(ابو فيّ) وكان رقم غريب عقد حواجبه ورد وفك الاسبيكر: السلام عليكم مين؟
ضحك المتصل: اوه ماعرفتني يا محمد؟
توسعت عيون سلمان والجد ومحمد من عرفو صاحب الصوت نطق بعصبيه: جمال! شتبي وليه داق ان شاءلله
ضحك جمال بخبث: اوه يعني ماتبي تشوف بنتك؟
توسعت عيون الموجودين واخذ سلمان الجوال من يده: شتقول انت شتهبد يا*##* وربي وربي ياجمال لو يصير لاختي شي منك مايحصل لك خير
جمال باستفزاز: صراحة ماتوقعت الزين اخت الشين وبنته وتعالت ضحكاته باستفزاز
وقال بنبرة كلها خبث: ان ماحرقت قلبك يامحمد على بنتك ماكون جمال!
وسكر كان الوضع فوضى مايدرون شصاير طلع سلمان بسرعة لسيارته ودق على فيصل يقوله
اما عندهم نطق يزن بعدم استيعاب: يناس وين فيّ فهموني! مين جمال ووش يبي منا!!
تنهد الجد وقال: عداوة قديمة بيننا يايزن والحين بينتقم مننا بفيّ
محمد بصدمة: بنتي بنتي ابيها مارح يحصل لها شي صح؟ وصرخ بصوت عالي: قولو مارح يصير لها شي والله لاشرب من دم جمال لو اذى بنتي
بدوا البنات يبكون على وضعهم ويزن يحاول يكلم سلمان
(ملاحظة طبعا بتقولون كيف انخطفت فيّ صح؟ فيّ كان عندها لسا شوي حالات مراجعة بس ويوم طلعت بعدت عن المشفى شوي كانت تمشى وهي على جوالها بتكلم دانة مايمديها تتصل الا في ايد شخص بايده منديل حاطه على وجهها حاولت تقاوم بس احتاجت للنفس واتنفست وداخت اوخر شي شافته وجه.. وجه جمال بابتسامة خبيثه وطبعا هو من كلم دانة برساله عشان انه مايجي)
نرجع الواقع عند فيصل~
سوا فريق مداهمة كامل من عرف الموقع وكان يبعد عن الرياض نص ساعة
تحركوا وكان يسوق بسرعة خوف على في وقلبه ينبض بسرعة
_____________________________
_بارت17
