دخل المحقق على سمير يبدا يحقق معه بامر إيلاف والسحر وموت سعد وزوجته استمر التحقيق لمدة نصف ساعه قضت بين اجبار وضغط على سمير عشان يعترف الا ان اخيرا اعترف ببشاعة اعمالهم طلع يقابل فيصل: السحر خوله سوته مدفون بحوش بيتهم تحت الشجره الموجوده إيلاف موجوده بدار الرعايه بنبحث ونطلعها ان شاءلله وقتل سعد وزوجته كان حادث طبيعي مو مدبر
هز راسه فيصل: تسلم ماقصرت
طلع ينقل المعلومات لفهد وبالفعل اخذو شيخ وراحو للسحر المدفون يطلعوه وتم فكه وفهد راح لدار الرعايه مع رعد يبحث بالسجلات عن إيلاف وخوله تم نقلها للسجن النسائي بعد ماثبتت التهمه عليها وكان جوابهم ان دافع كل هذا فقد الغيره والشيطان اعمى بصيرتهم،،،، جلس رعد على الكرسي بتوتر يشوف فهد يناظر بسجل الاسماء: إيلاف سعد موجوده؟
سكتت مديرة دار الرعايه لثواني تفكر: اي اعتقظ موجوده عمرها10؟
هز راسه رعد بلهفه: اي اي تقدري تجيبيها؟
هزت رأسها بالايجاب تطلع تاركه رعد المتوتر دقائق معدوده ودخلت رفع راسه رعد ينتظر دخولها على احر من الجمر وانتشر صوت ضحكة بريئه بالغرفه من دخلت إيلاف الي كانت تلعب مع الاطفال اقتربت منه إيلاف تتعرف على ملامحه وصرخت بفرحه تحضنه: رعوديييي
حاوطها رعد يحضنها بفرحه ماقدر يمنع دموعه الي فاضت من شم ريحتها ريحة اهله فيه بعد سنين الحين إيلاف رجعت له ابتسم فهد لمنظرهم مع بعض وبعد ماوقعوا طلعت إيلاف مع رعد وفهد متوجهين لقصر ال منصور
نزل عزام من غرفتهم بعد ماتجهز بيطلع سمع صوتها بالمطبخ وكانت تغني بصوت هادي وهي تغسل المواعين:يااامجنون مش انا ليلى ولا بنسمة هواك مايله عايزني اقول بحبك ليه بحبك بس مش قايله
ابتسم عزام يتقدم بهدوء بدون ماتنتبه وحاوط خصرها يلصق ظهرها بصدره فزت من حست فيه لفت تناظره وناظرت ابتسامته تنزل رأسها بخجل وتكمل تغسيل ميل راسه على كتفها: شرايتس نطلع؟
ميلت شفايفها بصوتها الهادي: الي تبيه
تقشعر جسمها من قبل كتفها: تجهزي
هزت راسها بدون رد من خجلها وبعدت تنشف يدها بارتباك ومشت تطلع وتتجهز
بقصر ال منصور~
والي بعد مارجع رعد مع إيلاف كعادته عبد الرحيم قرر يسوي عزيمه وحلف على رعد الي ماقدر يرد وهو منحرج منهم دخلت إيلاف مع فهد لعند البنات وابتسمت دانه من شافته تقدمت حور لها تمسك يدها واخذتها تجلس جنب البنات وتتعرف عليهم ببراءة وخجل طفله اشرت دانه له بمعنى تعال وابتسم يحك راسه ومشى معها لقسمهم سكرت الباب تلف له: ليه طلعت؟
رفع حواجبه بذهول: كيف؟
ميلت شفايفها بنبرة بكاء: تخوني صح؟
تقدم لها فهد: وش اخونتس يبنت الحلال توني مرجع البنت
سكتت لثواني: ممنوع تطلع ياخي اقعد معي
فهد: ابشري يلا اقعدي
هزت راسها بالنفي: ابي اعضك
مسك راسه من وحامها يشمر كمه:خلي الاولى تروح بعدين عضي
مسكت يده ماتعطيه فرصه حتى وعضته باقوى ماعندها صرخ فهد بخفه يحاول يسحبها:فكيي يادانه
فكت دانه تبتسم ومسحت على مكان عضتها بلطف: كيوتي
عطاها فهد نظرات يعني حسي على دمك شوي بس لا حياة لمن تنادي رفعت حاجبها: شفيك تناظر تسذا؟
هز راسه بالنفي: ابد طال عمرتس بطلع للرجال انا
ولف وطلع للمقلط يجلس جنب سلطان
