واخذت عبايتها تلبسها ونقابها وطلعت لمازن مسك يدها وتوجه لسيارته ركبت جنبه وحرك للمستشفى صف سيارته ينزل معها دخل قسم النساء والولادة وانتظرو مده ودخلوه على الدكتورة
ابتسمت الدكتورة: اتفضلوا
جلسوا ونزلت نقابها ناهد
الدكتورة: بوش تحسين؟
بدت ناهد تشرح لها انقلاب معدتها هذه الايام والخمول الي فيها وتعبها
ابتسمت الدكتورة من عرفت وتأكدت وش فيها ووقفت بمساعدة مازن تنسدح وكشفت عن بطنها تقشعر جسمها من حطت الدكتورة الجل عليه ودهنته تاخذ الجهاز وبدت تمرره على بطنها ابتسمت الدكتورة بخفوت واخذت مناديل تمده لناهد الي اخذته تمسح بطنها جلست الدكتورة على مكتبها تبدا تكتب ومدت لمازن: روح المختبر وسوي ذي الفحوصات وارجعو لي
هز راسه يطلع مع ناهد للمختبر وسحبو دم وطلعوا ينتظرون بعد وقت راح للمختبر واخذ الفحوصات لمكتب الدكتورة جلسوا
مازن: فيها شي يدكتورة؟
الدكتورة: مافيها الا العافية ومبروك لكم زوجتك حامل من اسبوعين
سكتوا مايستوعبون الي تقوله
مازن: يعني بصير اب؟
هزت راسها الدكتورة وضحك بفرحة يستوعب وناظر ناهد الي دمعت ماتصدق وقفت الدكتورة تعطيهم مساحة وطلعت سحبها مازن لحضنه يشد عليها يستوعب انها حامل بطفله بعد يبوس جبينها وضحكت ناهد بدموعها: الحين حامل؟
هز راسه يتفهمها وحضنته بفرحة
مازن: البسي نقابك بنروح نبشر امي
هزت راسها تلبس نقابها وطلعت معه والاثنين الارض مو واسعة فرحتهم نزلوا للبيت ودخل مازن: يمهه
شافها جالسه وتوجه يقبل راسها ويجلس
خلود: وش فيك يولدي؟
ضحك يناظر ناهد الخجلانة: ولدك بصير اب
رفعت حاجبينها بذهول وضحكت بفرح تناظر ناهد: اسالك بالله؟
هز راسه يضحك ووقفت خلود تغطرف بفرحة
طلعوا نجد وجوري
جوري: وش فيكم؟ مين تزوج
ضحكت خلود: بتصيرون عمات
ناظروا البنات بعض بعدم تصديق وصرخت نجد بحماسس تتوجه لناهد وتحضنها بعدتها جوري تحضنها
وتخصرت نجد: افكر اصير العمة التستس
ضحكوا عليها وسحب مازن ناهد من بينهم: خلوها ترتاح شوي
دخل للغرفة وهي معه وعلقت عبايتها دخلت تغير لبجامة قصيرة وطلعت تناظر مازن الي انسدح بسريره فتح له يدينه وابتسمت بخفوت تتوجه لحضنه توسدت صدره وغلق يدينه يشد عليها قبل كتفها بحنان ونطقت ناهد: عادي نروح للرياض نبشر امي؟
هز راسه: ابشري بخلص اشغالي بنروح
غمضت عيونها تنام ونام معها
الديرة~
فتحت عيونها بانزعاج من عناد الي نص ثقله عليها ضربت كتفه تصحيه: ياخي وخر خليني انام
مارد عليها وهو بسابع نومة وكشرت تقرصه: حشى كيس نوم
عقد حواجبه بانزعاج: نامي ياادميه
ميهاف: طيب وخر شوي خليني انام زين
فتح عناد نص عيونه وناظرها ووخر شوي وسحبها تنام على كتفه
ميهاف: ماقصرت
تجاهلها يغمض عيونه وينام بس قاطع عليهم طق الباب العالي وقف عناد وراح يفتح الباب وناظر سلسبيل الي عنده: شفيك؟
مدت له سلسبيل جهاز الحمل واخذه عناد يناظره رفع حواجبه يناظر خطين وضحك بفرحة يسحبها لحضنه ابتسمت سلسبيل بشر وحاوطته بعد يقبل جبينها وكانت سلسبيل متوقعة انه ميهاف توشفهم وغيرانه بس ميهاف ماهي بواديها اول ماقام عناد انسدحت تكمل نومها
عناد: بالصباح نبشر امي وابوي
هزت راسها: عناد عادي تجي تنام عندي؟
لف لميهاف الي نايمة ورجع ناظرها يهز راسه سكر عليها وراح لغرفته مع سلسبيل يكمل نومه
