دخل البيت مع جوليان وتوجهت لغرفتها تاركته، دخل غرفته وناظر كعب روان بيده يضحك حطه تحت سريره يفصخ ثوبه ورمى شماغه يدخل الحمام وانتم بكرامه ياخذ دش طلع ينشف شعره عاري الصدر ومنشفته تلتف حول خصره طلع بجامه يغير وينسدح واخذ جواله يطقطق فيه دخل الانستا يشيك على حساباته والي عنده ودخل ستوري جوليان الي كانت منزله رقص روان مع ريتال وممشنتهم؛ لانها اخذت حساباتهم، وبحكم انه حسابها خاص فنزلته ناسيه وجود طلال ضحك يشوف ريتال الملثمه بالشماغ تراقصها ودخل على حساب روان ابتسم بخبث من جته فكرة ودخل حسابه الثاني الي ساحب عليه وغير اسمه ل'تولين'وحط افتار بنت ياخذ حساب روان ويضيفها بعد دقائق قبلت اضافته او اضافه تولين سكر جواله يغطي عينه وينام.
لفت لعناد الي داخل وتكتفت تناظره: شرفت
رفع يده لجبهته يضغط عليها: ميهاف ممكن نتكلم
بعدين؟
ميهاف: وليه حضرتك تعبان عشان المدام؟؟ ثلاث ايام ياعناد وانت عندها
عناد: المره حامل ياعيون عناد اهدي وخلينا انام
صدت عنه بغيض ماترد ووقفت بتطلع بس منعتها يده الي مدها له وقفها قباله يناظر عيونها وناظرت عيونه المرهقه شتتت انظارها عنه نام بطلع عند ليلى
هز راسه بالنفي ينسدح بالسرير وهي بحضنه: نامي معي
سكتت تلف له وحاوطت ظهره بيدها ترفعها لشعره وتلعب فيه بهدوء ابتسم بخفوت من حركتها وجلس يحط راسه بحضنها وفهمته تلعب بشعره وينام بحضنها
صف سيارته ينزل منها ونزلت معه تحاوط ذراعه ويدخلون الشركة جنب بعض بدت همسات الموظفين عليهم ومن دخولهم الي مو متوقع توجه لمكتبه وهي لمكتبها وماهي الا ثواني ودخلت نجمه ابتسمت توقف وتسلم عليها وبعدت تضحك وتناظرها: فاتك ماشفتي وجه نجلاء كيف مصفوق
هاجر: حسافه ابي اشوف
نجمه: والله انكم مناسبين اخخ طيور الحب
ضحكت بخجل وطلعت نجلاء تكمل شغلها واخذت ملف هاجر تدخل مكتب ناصر بدون ماتدق الباب رفعت حاجبها تناظر نجلاء الجالسه ولفت لها نجلاء: ماتعلمتي تدقين الباب؟
تقدمت تحط الملف على الطاوله وتلف لها: احد طلب رايتس؟ ولفت تحط يدها على كتف ناصر: مكتب زوجي وادخل متى ما ابي
توسعت عيون نجلاء من سمعت'زوجي'وناظرت كفها الي على كتف ناصر المبتسم يناظر هاجر
لفت لها بدلع: ممكن تطلعي برا عندنا مواضيع
لف ناصر لها: تفضلي
وقفت نجلاء تطلع وهي شاده على يدها من قوة قهرها لف ناصر لهاجر من طلعت وسحبها يجلسها على فخذه: اي شقلتي لي موضوعتس؟
فصخت نقابها تلف له بغيره: شعندها مرتزة بمكتبك اشوف عاجبك الوضع
مد يده لخصرها يقربها من وجهه: اشوفتس تغاري
هاجر: طبعا! ممتلكاتي ولي حق اغار
اتسعت ابتسامته من كلامها ونطق: خلينا نرجع البيت بس ويصير خير
وقفت من عليه تلبس نقابها: اي يصير خير
طلعت من عنده ترجع لمكتبها تاركته مبتسم
نزلت من السيارة تدخل البقاله واتجهت لقسم المشروبات بتاخذ كودرد مدت يدها بتاخذ وحدة وسحبتها من تلامست يدها مع شخص ناظرت الشخص تعقد حواجبها من نظراته لها وناظرت البقاله الي تقريبا فاضيه وصدت تبتعد
تجمدت اطرافها من مسك كف يدها ولفت بذهول وقبل لا تسوي اي شي فتحت عيونها على وسعها بذهول من الشخص الي تقدم ولكمه غطت فمها تناظره يضربه، قام عنه طلال يمسك ياقته: لا اشوفك مره ثانيه تت#*#*عند بنات الناس ياكلب
دفه بغضب ووقف الشخص يمسح الدم ويطلع بسرعة لف نظره لروان الي الدموع بعيونها وتنهد بغضب: مره ثانيه تنزلين مع اخوك او ابوك تفهمين!
ماردت عليه تصد واخذت الكودرد تتوجه للمحاسب حاسبت تطلع لاخوها حرك للمدرسه تنزل ودخلت تناظر بعيونها ريتال فصخت عبايتها تناظرها من تقدمت لها
عقدت حواجبها ريتال من عيونها الي واضح فيها البكيه: روان شفيتس؟
مسكت يدها تقعد وهي جنبها وبدت تحكي لها كلشي صار معها، ناظرت ريتال الي تسمع مصدومه وسرعان ماابتسمت ريتال: ياويلي احس حبيت الولد غيور
رفعت حواجبها بصدمة: وش غيور انتِ بعد؟
ريتال باحلام: شوفي كيف ضربه عشانتس يخبله وعصب بعد وش تفسري ذي؟
هزت راسها بأسى توقف : الله يخلف عليك صدق امشي بس قدامي
