احلى من العقد لباسه الماسه تلبس الماسه

بارت13

الخارجيه بحكم انه الجو حلو (تعالوا بشرح لكم كيف هي بوابة رئيسية كبيرة يوم يدخلون القصر قدامهم وكبير ويتوسع بالخلف في جلسه كبيرة شوي وحلوة ومن قدام المقلط معروف انه الجلسات الي برا للبنات عشان كذا نادرا العيال يجون) نزلوا الضيافه وقعدوا ينتظرون وقفت من وصلتها رساله من جموح تبشرها بوصولوها تحرك سعود بعد مانزل جموح الي كانت تناظر القصر باعجاب دخلت لجوا وشافت هِتان الي باستقبالها سلمت عليها بحرارة واخذت الورد والحلا منها تقدمت للداخل تفصخ عبايتها ونقابها ونطقت هِتان وهي تتأملها: ما شاءلله تهبليي ياحياتي
ضحكت بخجل تعدل شعرها بالمرايه ومشت معها للجلسه وقفوا البنات يسلمون عليها وتعرفت عليهم تجلس ضحكت دانة: على كذا نشكر الحادث الي صار على القمر ذا الي جانا
ضحكت جموح: ابوي منعني من السواقه ياشيخة
ضحكت فيّ بقوة: المشكلة مالتس دخل انتِ والغلط من ذي الخبلة واشرت عليها
هِتان: اص بس ياشيخة اذا تبين الدباب اعطيتس ياه تدللي
وكلموا جلستهم بضحكهم وتعرفهم على بعض. قامت الدانة بعد ماوصلها اتصال من فهد وابتسمت ترد: لبيه
ضحك فهد بخفه: لبيتس حاج ياعيوني
ضحكت بخجل تلف لجهة البنات: في شي؟
نزل من سيارته: اي والله متى تبين الملكة؟ ترا رمضان باقي له شهرين وابيها قبله
مسكت جبينها بتفكير: مادري وش قولك انت؟
ابتسم: الود ودي اخذتس الحين انا وكمل من سمع سكوتها دليل خجلها: خلاص نخليه بعد شهر
ويمديتس  تتجهزي تمام؟
هزت راسها بطيب: ان شاءلله باي
سكرت منه تتوجه للبنات: بناتتت
هاجر: لبيهه شبلاتس
الدانة وهي تلف رايحة جاية: فهد حدد الملكة بعد شهر يقول يبيها قبل رمضان وانا ماجهزت شي ولا فستان حتى
يقين وهي تشرب قهوة: بكرة تعالوا البوتيك واختاروا الي تبون
هزت راسها بالايجاب: تم الفساتين طيب القاعة محتارة احط قاعة ولا شاليه؟
جموح بابتسامة: عندي صديقة تعرف بالشاليهات اذا تبين راقي بكلمها تحجز لك ياشيخة
صفقت بحماس الدانة: اشكرتس ياشيخة تسلمينن
وكملوا يخططون وش بيسوون بحماسس وجموح طبعا معهم بعد مااصرت عليها هِتان

اليوم الثاني~

طلعت من غرفة الاجتماعات بعد ماخلصوا تتوجه لمكتبها رفعت جوالها من جتها مكالمة وابتسمت بفرح من شافته من صديقتها ردت: ياهلا بعيونيي كيفتس؟
ابتسمت بتعب ترد: ياهلا بسمية بنتي بخير وانتِ
عقدت حواجبها بعدم فهم وسرعات ماتعالت ضحكاتها بفرح من فهمتها: اسالتس بالله؟ولدتيي
هزت راسها بالايجاب: بنوتهه ياعيوني
صرخت بحماس: تكفيننن يالبيه جايتك الحين واستوعبت وتجمعت الدموع بمحاجرها: سميتيها باسمي؟
لفت انظارها لبنتها: طبعا
هوت على دموعها: يلا جايتك بأي مستشفى؟
سكرت بعد مااخذت منها اسه واخذت شنطتها تطلع لمكتب ناصر دقت الباب تدخل بعد ماسمح لها ناظرته محيوس بالاوراق الي قدامه: استاذ ناصر
رفع راسه من سمع اسمه من منطوقها: سمي
انتبه لعيونها الي واضحة فيها الدموع توتر يناظرها ونطقت: عادي استأذن؟
هز راسه بالايجاب بدون تفكير وكمل بتردد: احد صاير فيه شي؟
ضحكت بخفة من فهمت انه ناظر دموعها: لا الحمدلله دموع فرح ذي
وطلعت من عنده توقع وتتوجه لصديقتها طلع جواله من دق: ارحبب تراحيب المطر
ابتسم:البقى صرت اب يناصرر
ضحك ناصر بفرح لصديقه: يوه يوه ما اتخيل وينك جاي لك
اعطاه الموقع يطلع من الشركة متوجه له
المستشفى~
دخلت عند الاستقبال:وين غرفه الين عبد الهادي
ولادة؟
موظفة الاستقبال: غرفة231
طلعت متوجهه لها ودقت الباب طلع له «ثامر» زوجها طلع من الغرفة عشان ياخذون راحتهم دخلت لها بفرح ببوكيه ورد: الينيييي
ابتسمت بتعب: يروح الينتك توجهت تسلم عليها وحطت الورد: وينن سميتيي
دخلت عليهم الممرضه بسريرها وحطتها بجانب سرير امها وطلعت
توجهت هاجر لها: ودلبوسيي انا السميه وش ذا الجمال
التفتت لالين: تشبهتس ياييي
ضحكت تاخذها وتحطها بحضنها ودمعت عيون الين تناظرها: تكفين شوفي كيف صغيرة
طلعت جوالها تصورهم مع بعض: عادي اكلها كأنها كيكة يالبيه
قعدوا يتكلمون شوي واندق الباب وكان ثامر وقفت هاجر: بخليتس مع زوجتس شوي وارجع ها
وخر ثامر من الباب من طلعت ودخل رفع عيونه بذهول يشوفها: هاجر؟
لفت انظارها باستغراب وشافت ناصر: هلا
ضحك بخفه يتوجه لها بس بمسافه: وش تسوين هنا
هاجر: صديقتي ولدت
طلع ثامر وبيده هاجر وتوجه لناصر: وهذه بنتي
ضحكت هاجر بصدمة: تعرفون بعض؟
هز راسه: اي اصحاب ونزل انظاره لهاجر الصغيرة واخذها من يدين ثامر ضحك يلاعبها بلطف: وش اسمها الحلوة ذي
ثامر: هاجر
رفع حواجبه بذهول واعجاب وهمس: يا انه اطلق الاسماء
سمعه ثامر وابتسم بخبث يأشر لهاجر: روحي لها تراها وحدها راحت من عندهم والتفت ثامر لناصر: ها شقلت لي؟ اطلق الاسماء
ناصر وهو يمثل الاستغراب: ها؟
ثامر بنفس الخبث: اعترف يولد تخبي علي شعندك
ضحك بخفه يشتت انظاره: طحت وماحد سمى علي
ضحك بقوة: يولد من وين تعرفها طيب
ناصر وهو يعدد باصابعه: موظفه عندي وخاله صاحبي وجيراننا وابوها صديق ابوي من زمان
ثامر: شفت كل الطرق تؤدي الى روما خلاص واضحة ذي
ناصر: ياخي ابي المح لها بس ماعندي افكار
حط يده على جبهته يفكر وفز: عندي خطه
ناصر بحماس وش
ثامر: هي صديقه حرمّي وكل وحدة بتسمي بنتها بأسم الثانية بروح عند حرمّي وانت لما تطلع افتح معها سالفه وقول لها بتسمين بنتك الين؟ واكيد بتقول ايه قول لها حلو الين ناصر عبد الرحيم وهي بتفهمها
ضحك ناصر بعدم تصديق: يولد من وين تجيب افكارك
ضحك معه: يلا بس بدخل وانت سويها
هز راسه بالايجاب وتركه ثامر يطق باب غرفه الين بعد ثامر من فتحت: بدخل شوي اذا ماعليك امر
هزت راسها تطلع ودخل ثامر لالين حط هاجر بالسرير وتوجه يقبل جبينها قعد بالكرسي جنبها بحماس: اسمعيي
بالخارج
طلعت توقف عند الانتظار وتوجه لها ناصر بتوتر يوقف تنحنح ينطق: بتسمين بنتس الين؟
هزت راسها بالايجاب بضحكة: وعد طفوله بيننا(الين وهاجر كانوا مع بعض من الابتدائي وكبروا مع بعض واتفقوا يسمون اسماء بناتهم على بعض)ابتسم ناصر ينطق وهو يشتت انظاره عنها: حلو ونطق بثقه بصوته عكس التوتر الي يحسه: الين ناصر عبد الرحيم آل منصور
رفعت انظارها له بفهاوة رمشت ثواني تستوعب الي يقوله وتوردت ملامحها تفهم وش يقول سكتت بتوتر وانقذها ثامر الي طلع توجهت للغرفه تسرع بخطواتها لها واول مادخلت سكرت الباب تشيل نقابها: يمه الين يمه انقذي قلبي تكفين
ضحكت الين الي قال لها ثامر كل شي: ها؟ اعترف لك
وجهت انظارها لها بصدمة: شدراتس انتِ بعد؟
ابتسمت بغباء: ثامر قلي تراها خطته
مسكت راسها: حسيبك ربي يثامر تكفين الين كيف بشوفه الحين كيف بدخل شركته ببكي
ضحكت الين بقوة: لا تضحكيني توني والدة ياخي والله كيوت شوفي كيف اعترف خسارة بس بثامر ماجت له الا الخطط الحين
بالخارج ضحك ثامر من وجه ناصر: شصار
ناصر بتوتر: ياخي قلت لها كذا وقعدت تناظرني المسكينة اكلت صدمة
ربت على كتفه وهو يضحك: ماعليك ماتنرد انت
_______••________
البوتيك~
كل البنات فيه من ال مترك ومنصور وزايد يختارون فساتين لملكة دانة (مارح اكتب التفاصيل كلها لانهم كثير بكتب يوم الملكة للضرورين بس) خلصوا اختيارتهم بعد عناء
هاجر بضحكة: فيّ ماتغيرين لون الاحمر انتِ؟
هزت راسها بالنفي تبعد شعرها بغرور: مايزهى فيني الا الاحمر
ناهد: صادزة قسم انتس موتٍ حمر
هِتان: الله يعين الي ياخذها لا يطلع ثور
انفجروا البنات ضحك جمان وهي تهبد هِتان: كلي هوا اخخ بطني
هِتان وهي تمسك مكان هبدة جمان: ولعنه يدي وانا الصادزة
لفت رهف بحماس للدانة: وش نسبة حماستس للملكة
الدانة وهي تفكر: مادري احس حلو
نزلت راسها فرح تتحشى نظراتهم وهي حلفت على نفسها تنسى فهد وتعيش حياتها
خلصوا يومهم وتوجهت كل وحدة لبيتها
_______••________
نزلت الماسة من السيارة تتوجه للداخل وقاطعتها سيتي: ماما في طلب لك انتا
عقدت حواجبها باستغراب: بس انا ماطلبت شي
رفعت اكتافها بعدم معرفه وتوجهت للمطبخ ومعها الماسة توسعت عيونها بصدمة تشوف بوكيه ورد باللون الوردي كبيره مدت لها سيتي وضحكت بتوتر: اي هذه من صديقتي تزاعلنا اخذتها تسرع بخطواتهت لغرفتها فصخت عبايتها تتوجه للورد طلعت منها كرت وكانت نفس الاغنية بس الحروف متغيره هذه المره وكانت(YL) ناظرت الورد وانسدحت على فراشها تفكر من مين ممكن تكون
_________••________