لف لها باستغراب: ليه؟
رفعت اكتافها بعدم معرفه ومشت لسيارتها تتركه
حركت من المكان تشوف جوالها الي وصله عدة مكالمات من فّي اتصلت عليها تنتظر ردها: وينتس يبنت؟اقلقتيني عليتس الله يهديتس
ميلت راسها تركز بطريقها:بالاسطبل
حست فيّ بصوتها وعبرتها المخنوقة ولفت راسها تشوف هِتان الي قدامها: شرايتس تروحين عند حور تغيرين جو؟
تنهدت تنطق: تمام قولي لامي مارح اجي
سكرت منها ترسل لحور انها جايتها مرت تاخذ لهم حلا وقهوة وشافت محل ورود ابتسمت بخفوت تدخل له وتاخذ باقة فيها ورد وردي حاسبت تمشي لسيارتها تتركه بجانبها ومشت دربها ركنت سيارتها تنزل وتاخذ الاغراض لفت من دخلت سيارة فهد ووقف سيارته ينزل ويناظرها صدت عنه تدخل للداخل وشافت حور الي مستقبلتها اخذت الورد منها تنطق: يالبيه الوردي اموت فيتس ياشيخة
ابتسمت تشد على حضنها بعدت عنها تتوجه لغرفة حور تفصخ نقابها وعبايتها جلسوا وجابت الحلا والقهوة قدامهم ضيقت عيونها تركز بعيونها وانفها المحمرين: دانة
شتت انظارها عنها من عرفت انها بتسألها وكملت: كنتي تبكين؟
هزت راسها بالنفي وتقدمت حور تجلس جنبها لفت وجهها تشوف الدموع الي تحمعوا في عيونها وسحبتها لحضنها تسمح لها تنهار مسحت على ظهرها
تهديها وهي ماتدري اصلا شفيها رفعت انظارها لها بعد فترة من هدت ومسكت وجهها بكفوفها: وش مضايقتس يبعدي؟
ميلت راسها تتردد تنطق: جاء
عقدت حواجبها بعدم فهم: مين؟
رفعت انظارها تحبس عبرتها: جابر
تربعت قدامها تمسك كفوفها: مين ذا جابر الزفت وليش زعلانة؟؟ دنو لا تخبين علي
بلعت ريقها تبدا تقولها ذكراها الي ماتنساها الي بقت بمخها من سوؤها وختمت كلامها وهي تشوف ملامح حور الحزن عليها والصدمة والغضب: حاولت والله حاولت اتخطى بس ماقدر كل مره ارجع لنفس النقطة نزلت انظارها لكفوفها ودموعها سيل: جاب لي عقدة صرت اكرهه بعد ماكنت احبه كان اعجاب بس كرهني فيه والله فيّ تدري وحاولت تخليني اتخطى بس ماقدر والله سكتت من جتها الغصه وكملت تبكي وسحبتها لحضنها: ابن الكلب الله لا يوفقه دنوتي خلاص ماعليتس منه شوفيه هذا هو عايش وماهمه عليتس السالفه من زمان تخطيه وخلاص ادري صعب بس حاولي يا امي
رفعت انظارها لها: جيتهم مامنها خير والله وراها شي نزلت انظارها لجوالها الي يدق وكان رقم غريب سكرت بوجهه تتجاهله ورجع يتصل
بالخارج
عند فهد الي كان مستغرب وللحين فضول فيه يبي يعرف ليه تبكي توجه للداخل يبي يطلع لغرفته وعقد حواجبه من سمع صوت بكائها من جديد حك حواجبه لثواني يروح او لا بس فضوله غلبه وتوجه لجنب باب غرفة حور تقطع قلبه على بكائها ومايدري ليه سمعها تقول اسم جابر واستغرب ليه شد على يده من بدت تحكي وصوتها الي واضح يبكي عض شفايفه بغضب من ذا جابر الي يفكر انه مايعرفه
تأفّفت من الرقم الي يدق ونطقت حور: ردي يمكن يكون مهم
ردت تفتح الاسبيكر تتكلم: نعم؟
رد بابتسامة مكر: ما اشتقتي لي
ارتعش جسمها من عرفت الصوت ووجهت انظارها لحور المستغربة وهمست: جابر
جمدت ملامحها بصدمة ورجع يتكلم: افا ماتردين علي؟ شدعوة يدنو
بلعت ريقها تعجز عن الرد واخذت حور الجوال ترد بغضب: نعم؟؟ شتبي يالمعفن
رفع حاجبه بصدمة: نعم؟ مين انتِ
حور بقلة صبر: مال امك دخل انقلع يالمازوخي
كتمت ضحكتها الدانة من سبتها بين دموعها
ونطق بغضب: وين دانة؟
حور: القم بلوك بس
سكرت بوجهه تلتفت لدانة الي تناظرها وهي مبتسمة: احبتس
ضحكت تحضنها: مايبي لهم الا تسذا عيال اخر زمن صدق
فزوا من اندق الباب ورفعت حور صوتها: نعممم
فهد وهو عاجبه تصرف حور وقرر ياخذ الدانة تحدي لاسباب يدري لو ماتزوج جده بيزوجه فرح بالغصب وهو مايشوفها الا اخت له والدانة من يوم الخيل وهي سارقته وشاش راسه من هذا جابر: يالدانة
التفتت لحور باستغراب ورجعت نظرها للباب: آمر
فهد ونطق بثقة واضحة بصوته عكس ارتجاف داخله من انها ترفض: اذا جيت اخطبتس اليوم توافقين؟؟
جمدت ملامحها بصدمة تستوعب الي قاله ورمشت لثواني ولفت لحور الي منصدمة بمكانها وتنحنحت حور: يالطيب اول شي تراني موجودة ثاني شي شقاعد تخربط انت؟
رفع حاجبه: صميها انتِ اكلم دانة انا ابي موافقتها
لفت انظارها للدانة الي متوردة ملامحها: والله ياحبيبي زوجتك المستقبلية الحين كانها بندورة ماتقدر تجاوب
اتسع ثغره من كلمة"زوجتك المستقبلية "وضحك من وصله تألم حور وواضح انها هبدتها: اليوم موعدنا
ورجع ادراجة لفت حور لدانة تمسك يدينها بحماس: بتصيرين زوجة اخوي؟؟ ماني مصدقة وصرخت بحماس
ضحكت بعدم تصديق: يا ادميه توني ماوافقت حتى على كيفتس؟
غمزت لها: بتوافقين فهد ماينرد
صدت عنها تفكر وتوردت ملامحها من جديد من تذكرت كلامه
