طلعت جوالها بسرعة تتلفت ولفت لروان: امشي بسرعة،، وقفوا جنب بعض وبدت تلتقط لهم صور فزت من سمعت صوت احد ودخلت الجوال بصدرها حطت اذنها على الباب تتسمع لين راح لفت لروان تفتح الباب وطلعوا ماكانهم سووا شي توجهوا للفصل قعدت بضحكة على كرسيها: اخخ بشتاق لايامنا ذي
روان: جد احس بشتاق لهواش جوليان
تعالت ضحكاتها تكمل سوالف معها وقفوا يلبسون عبايتهم من رن الجرس كونها الحصه الاخيرة لفوا طرحهم يطلعون من المدرسه كعادتهم يتمشون وقفت جنب شباك سيارة مظلله وبدت تعدل طرحتها وتكلم ريتال: مدري بشوف اذا قدرت اجي
ريتال: تجين غصب ولا ياويلتس
ارسلت لنفسها بوسه من خلصت تعديلها: ان شاءلله
لفوا اثنينهم من انفتح الشباك وتوسعت عيونهم يناظرون طلال
لف من وقفت وحدة تعدل طرحتها ورفع حاجبه من عرفها تكى يناظر حركاتها وكلامها مع ريتال ورفع حواجبه بذهول بابتسامة من ارسلت بوسه جاهلة وجوده مد يده ينزل الشباك يناظرها: الحين البوسه لي؟
روان بصدمه: تخسي
طلال: مالقيتي الا هنا يعني تعدلي طرحتك؟ اعترفي يعني معجبه وتبين السناب عادي
ضحكت ريتال بذهول تناظر روان المصدومة: مصدق نفسه ذا اقول توكل بس
جت جوليان وصفقت روان: كملت
جوليان:شوضعكم انتم؟ يع بس
روان: وربي ياجوليان لو ماهجدتي لقوم اتوطى فيك
ابتسمت جوليان بخبث: ترا اعرف انكم جايبين جوال ويمديني اعلم عليكم
ريتال بعدم اهتمام: عندتس دليل؟ لا توكلي وتراتس جايبه بعد مسويه طالعه منها
جوليان: كذابه ماجبت
مدت يدها بحركة سريعة تطلعه من جيب مريولها: جد والله؟
عصبت تمد يدها وتاخذ جوالها: باي حق تاخذيه
قاطع عليهم طلال: مطولين انتم؟ وانتِ بعلم امي انك جايبه
لفت له: خير طلال تكفى لا
روان بتقليد: خير تلال تكفى لا
ضحكت ريتال منها ومشوا من عندهم
مجتمعين كبار العائلات الثلاث_عبد الرحمن وعبدالله وعبد الرحيم_بالمطار لاستقبال شخص او فرد جديد يينضم لعائلتهم،، نزلت من الطيارة القادمه من جده دورت بعيونها عليهم اتسعت ابتسامتها من لمحتهم تقدمت لهم وحضنت عبد الرحمن: بابا
ضحك يمسح على شعرها وبعدت عنه تحضن عبدالله: بابا اتنين
ضحكوا من حركاتها وحضنت عبد الرحيم: بابا رقم تلاته
ابتعدت عنهم وحاوط كتوفها عبد الرحمن: جاهزة
هزت راسها: يعني شويه احس حتوتر قدامهم هم كتير صح؟
مشت معهم ورد عبدالله: كثيرين بس بتحبيهم
ركبوا السيارة الي يسوقها السواق ومشوا لقصر ال زايد الي مجمعين فيه كلهم وصلوا ونزلوا تنزل معهم بتوتر دخلوا المقلط الي قاعدين فيه الكل البنات بجهة اليمين والعيال والرجال بجهة اليسار والحريم الكبار بالوسط، لفوا انظارهم لهم من دخلوا صدوا العيال من شافوا البنت معهم وعبايتها الملونه وطرحتها الي على اكتافها وقفت عليا بترحيب: ياهلا ومرحبا بسماهر
ابتسمت بخجل وتقدمت تحضنها وقفت سلمى ترحب فيها بعد وتحضنها وقف فيصل بيطلع ووقفه عبد الرحمن: اجلس يافيصل
نزل عيونه للارض يلف له وكمل: مامن غريب عمتك ذي
عم الصمت لثواني واردف باستغراب: عمتي؟؟
هز راسه يكمل: واخت عيال عبد الرحيم وبناته وعبد الله
عقدت حواجبها فيّ: شتقول يبه؟ كيف يعني
زياد: انلحس مخي
تنهد عبد الرحيم يتنحنح ولفت كل الانظار له: سماهر محمد بنت سلمى وعليا وزوجه عبدالله الله يرحمها من الرضاعه رضعوها مع جمان وهاجر وهاشم كانت تعيش بالمانيا من ثلاث سنين بعد ماماتوا اهلها من حادث مدبر وهي الوحيدة الي نجت ورجعت لجده من شهر عشان تضمن سلامتها والحين هي بذمتنا وتحت حمايتنا
يزن: العائله مرضع كل اطفال الناس اخاف انام واصحى وعندي اخ
ضحكوا بعز جدية الموضوع من تفاهة يزن
وقفوا محمد وعبد العزيز وسالم ومسفر وراجع وخالد الي يعرفون بالموضوع وسلموا على اختهم تحت خجل سماهر وحيّاهَ ولف عبد الرحمن للعيال: الحين كل ذول محارمتس
رفعت نظرها لهم وكان عددهم فعلا كثير ومزيونين: ما شاءلله عائلة تورث الجمال خاصتا دا
واشرت بصبعها على يزن
يزن قعد يطالع نفسه بصدمة واشر على نفسه: انا؟ انا؟؟
ضحكت بخفه: اي
وقف يعدل اكتافه بغرور وتوجه لها: لا تعالي على تسذا والله ماتروحين
حط يده على جبهته عاصف: مين يسكته الحين
حاوط كتوفها: اي وش قلتي لي ماعندتس وحدة مزيونة تناسبني
فز من رمى عقاله محمد عليه: اعقل يولد قدامنا بعد
بعثر شعره بوهقه: امزح والله
ضحكت على جوهم الي عجبها وسحبوها البنات يطلعون من عندهم: نستاذن منكم
دخلوا الصاله يفصخون جلالاتهم
وبدوا يعرفون على نفسهم: وانا فيّ بنت محمد
ابتسمت سماهر: اسم ابويا
ضحكت تهز راسها
الماسه: خلصتي دراسه؟
هزت راسها: ايوة محاميه
منيره: العببب مثلتس
اخذتهم السواليف مع بعض لين قاطع عليهم يزن: يولد
تغطوا البنات يدخل يمشي باستهبال لين ماوصل لسماهر: وخروا عن ممتلكاتي
رفعت حاجبها هاجر: ممتلكات ايش انت بعد
حاوط كتوفه: والله هي قالت اني حلو وانا بنشب لها
ضحكت سماهر وغمز يزن: اويلي على الضحكة
هبدته هاجر: نسيتني ياصعلوك
ضحكوا عليهم ودخلوا الحريم من المقلط
لف يزن لسماهر: عطينا الرقم بطلع تاخذون راحتكم
سماهر: من عيوني سجل
عطته رقمها وطلع يزن للمقلط، وقعدوا الحريم مع البنات وجهزوا غرفه لسماهر الي بتقعد معهم رسميا
