احلى من العقد لباسه الماسه تلبس الماسه

بارت31

فتحت عيونها تناظر حولها وناظرت فيصل الي نايم على الكنب تنهدت تعتدل بجلستها وانتبه لها فيصل وقف يتثاوب وطق ظهره يتقدم قبل راسها يناظر ساعته وكانت8الصباح دخل الحمام اكرمكم الله يتوضى وطلع يفرس سجادته ويصلي الفجر خلص يطويها وهو يستغفر وناظرها قاعده تتأمله ابتسم بخفوت: بجيب فطور
هزت راسها وطلع من المستسفى يروح يجيب لهم فطور بعد ربع ساعه رجع ودخل يناظرها مخلصه صلاه وواضح من تكشيره وجهها انها تتوجع تقدم يساعدها تقوم؛ لانه الحادث سبب لها اضرار، جلس على السرير وهي جنبه وحط الطاوله يفتح الاكل اخذ بيده يأكلها وابتسمت بهدوء تفتح فمها واستمر فيصل ياكلها وخرت يده الي تمد لها: خلاص شبعت
فيصل: لا كلي وش شبعتي كيتي تاكل احسن منتس
رفعت حاجبها: يعني كيتي احسن مني؟
ضحك يهز راسه بالنفي وبعد الاكل يوخر ورجعت تنسدح وجلس بالكرسي الي جنبها: اي وش نويتي تسوين؟
ناظرت الفراغ قدامها بتفكير: ابي اعرف عمتي ريما يوم انها تدري بجود انها مو بنتها ليه ماتكلمت؟
تنهد فيصل: تعرفين عمتي طيبه وتلقيها هي الي طلبت جود تبقى معها
فيّ: خسييه مثل ابوها بس والله لاندمها
ناظر شعرها الي كان لتحت اكتافها من قصته جود وانتبهت لنظراته تهز راسها: ادري انها هي نفسها ام قناع، ومسكت شعرها تناظره: الله يقص يدها
فيصل: ترا امتس منهاره عليتس واخوانتس متى بتكشفي كل ذا؟
ميلت راسها تمسك جبينها: مادري يافيصل خلني اخلص من ذي العله هي وابوها خوفي ضاري بس يهرب من الرياض
هز راسه بالنفي: ماهو هارب اعطيته الامان وهو مصدق وحكاية الورث ذي كيف بتكذبي فيها بعد؟
ابتسمت بخفوت تبدا تقول له

بعد يومين عدو ناهد الي درت وبكت وتأثرت نفسيتها مع الحمل ونزلت الرياض هي ومازن الي متوهق مع نفسيتها فيّ الي صارت تطلع بكرسي متحرك ومتقنه دورها وبس مرتزه بمكانها وهِتان الي حلفت ماحد يهتم فيها غيرها عشان خطتهم وسماهر الحساسه كل ماشافت فيّ تنزل دموعها عليها ويقين الي ماقدرت فيّ تخبي عليها وتصفقت منها وما بقى على خطتهم الا ايام قليله.

فتحت نص عيونها تناظر سماهر الي دخلت وفتحتها تناظر السقف بملل ناظرتها بطرف عين من جلست جنبها وبدت الدموع تتجمع بمحاجرها: فيّ اُحبك ماقدر الجو مو حلو بدونك حبكي والله
غمضت عيونها تاخذ نفس وكملت سماهر بدراما: احس حموت بدون حسك انتِ تسوين جو كله بسبب فيصل المنحوس من يوم تزوجتيه انصحك تسيبيه ماعاد ينفع فيصل اوت
ابتسمت فيّ وجلست تلف لها: دراما كوين اشغلتيني ترا
فتحت عيونها على وسعها من هول الصدمه فيّ تجلس وتتكلم عادي؟ وكانت بتصرخ بس مسكتها: اسكتي يافضيحه ببرر لتس اهدي
بلعت ريقها: يمه ايش دا
جلستها جنبها تبدا تحكي لها كل شي تحت صدمتها ونطقت والصدمه مؤثره عليها: بنت الرِمه! سيبيني عليها حقتلها بنت الكلب
ابتسمت فيّ: مايطلع الكلام لحد ها
دقت صدرها سماهر: ازهليني يبنت
ضحكت ورجعت لوضيعتها بسرعه من سمعت اصواتهم عند الباب ثواني ودخلوا كل البنات معهم جود الي مسويه دور البريئه جلسوا متوزعين بالغرفه حولينها وسماهر تعطي نظرات لجود ونطقت بعد ماتفحصت وجهها: جود انتِ مسويه عمليات تجميل؟
ابتسمت جود بخجل تلمس خصلة شعرها: لا
هزت راسها: انصحك تسوين على وجهك المفقع دا
ثواني وانتشر صوت ضحك البنات بالغرفه ومسكت يقين بطنها وهي تدمع: ماقدر تكفين بطني
عضت شفتها فيّ تمنع ضحكتها لا تنفضح وحمر وجه جود من الفشيله تناظر سماهر: من زين وجهتس يعني انتِ وشفايفتس المنفوخه ذي
سماهر بدلع: لو سمحتي حبيبتي اسمه فلر دا
جود: سماهر امسكي لسانتس لاجي اقص لتس ياه
وقفت سماهر تتوجه لها: تعالي يرمه وريني ايش حتسوي
كشرت وجهها جود بخبث ومسكت شعر سماهر الي توسعت عيونها تمسك يدها وتدفها للكنبه: انا اوريك يافقمه، تقدمت لعند جود الي ظهرها تألم من دفتها ومسكت شعرها تشده وماحد من البنات تدخل يتابعون بصمت ناظرت المقص على الطاوله وابتسمت بخبث لان فيّ قالت لها ان جود هي الي قصت شعرها ولفت ليقين والعنود: حبيباتي تعالوا امسكوها
وقفوا يمسكونها واخذت المقص تمررره قدام عيونها: اوريك يام كشه
صرخت جود تحاول تتفلت: وخرو عني يا#*##
شدت شعرها تقص بعشوائيه ومن كل جهه قصه ثانيه وقفت بضحكه تناظر جود: بنات مقدر شوفوا كيف صارت
ضحكت العنود تدفها ووقفت يقين بهدوء تقعد جنب فيّ وقفت جود تبكي وتناظر شعرها بالمرايه: الله لا يوفقكم وش سويتوا
هشت بيدها سماهر: هش هش يلا انقلعي غثيثه
طلعت تبكي واتجهت للصاله الي جالس فيها عبد الرحمن وريما وعليا قعدت جنب عبد الرحمن تبكي: جدي شوف وش سوت سماهر بشعري يرضيك؟
وقف يعقد حواجبه بتمثيل للغضب: انا اوريها
دخل لغرفة فيّ وناظرها وغمز لها ابتسمت بخفه تصد  ودخلت جود بعده ناظر سماهر واشر على جود: ايش سويتي يسماهر؟
مدت يدها بدلع تنطق: ماسويت شيI'm just  girl
عبد الرحمن: اعتذري لها يلا
وقفت سماهر: معليش بابا مستحيل
ومشت تطلع تاركتهم وقفت الماسه الي منفسه لانه عليها دلال وطلعت من عندهم: بس يتهاوشون يع
نزلت المطبخ وسوت لها مشروب القرفه اخذته تطلع للحديقه الخلفيه وهي تشرب وكان النسيم يهب عليها ناظرت العشب تصغر عيونها وتلتفت اذا في احد حطت الكوب تنسدح على العشب بارتياح وغمضت عيونها تغفى بالغلط،، دخل عزام مع إياد الي حامل لابتوبه والملفات بيده واستغرب من وقوف عزام: شفيك؟
مد له عزام الملفات الي بيده بسرعه يتجه لالماسه من ظن انها داخت وبدا يدق خدها ويتحسس نبضها ومن خرشته نسى وجود إياد: الماسه يبنت شفيتس
طلع جواله إياد وهو يناظرها واتصل على الاسعاف باستعجال ثواني وفتحت عيونها الماسه تناظر عزام ومانتبهت لوجود إياد وقفت بانزعاج وفهاوه : ماتخلون احد يتهنى انتم ماقدر ارتاح حتى شقى تشقكم يارب
مشت بتروح ووقفت بذهول تناظر إياد الي منلخم يناظر جواله وتوه متصل على الاسعاف ركضت بسرعه للداخل وعزام مذهول يناظر إياد حك حاجبه يناظره: وش ذا؟
بلع ريقه إياد جاحد يعني ماشافها وكذا وصرفه: امشي نشوف ذول
واشر على الملفات واخذهم يقعدون ما كأن شي صار