عقد حواجبه باستغراب: وعليكم السلام مين معي؟
لف بانظاره لهِتان: معك عبد الرحمن جارك بديرتنا
ابتسم عبد الحميد من عرفه: ياهلا والله ارحب
هز راسه: البقى، والله ياعبد الحميد اني عازمك اليوم اشتقنا لايام الماضي وعاد لا تردني
عبد الحميد: ابشر
سكر منه يلف لهِتان : تم
ابتسمت لهم ترجع للداخل عند البنات بحماس: فيّ فيّ وافقوا بيجون
ضحكت: الله يعينهم
______________________________
الجامعة~
قاعدة ومركزة مع شرح الدكتور رفعت ايدها تجاوب على سؤال وابتسمت من كانت اجابتها صحيحة خلصت المحاضره توقف وتاخذ شنطتها ولفت على صديقتهها الي حاوطت كتوفها تمشي معها: اقول رهوفة
ردت عليها بالهمهمة: هممم
وقفت تلف لها بحماس: تكفين قولي تم
اشرت على خشمها: على ذا الخشم وش
ابتسمت بوسع ثغرها:اليوم الاهل رايحين عزيمة اهل وبقعد بالبيت لوحدي تكفين تكفين تعالييي
عقدت حواجبها بتفكير: ولله مدري ياملوك بشوف اهلي واذا ماعندي شي
هزت راسها بالنفي ملاك: انا بكلم امك اذا تبين مارح ترفض لي طلب
ضحكت: بكلمها وبشوف
هزت راسها يروحون لكوفي الجامعة
توجهت لابوها الي قاعد بالمقلط مع جدها وخجلت تتكلم شاف خجلها وضحك من فهمها: ها يامي شقلتي ردك
رجعت شعرها ورا اذنها: يبه انا استخرت و
سكتت بخجل تصد بانظارها
ضحك عبد الرحمن : يبنتي تكلمي بس
اخذت نفس تنطق بسرعة: يبه انا ارتحت لفهد وجابر ماقدرت ارتاح
وطلعت من المكان بسرعة
تعالت ضحكات محمد: نعتبر ذي موافقه لفهد؟
هز راسه عبد الرحمن يطلع جواله ويدق على عبد الرحيم وابتيم من وصله الرد: ياهلا بالفاّل الطيّب ياهلا
ابتسم عبد الرحمن يناظر بفهد الي جالس مع العيال: ارحب ارحب
عبد الرحمن: والله ياخوي استخارت البنت وارتاحت ووافقت على فهيّد(لقب له)
اختفت ابتسامة عبد الرحيم يمثل الحزن: الله يوفقهم الله يوفقهم عاد نصيب الله يعوضه
تعالت ضحكات عبد الرحمن من فهم مزحه على فهد: اشوفك على خير
سكر يلف راسه لفهد الي يناظره بصدمة من فهم الموضوع وهز راسه بأسى يمثل الحزن: البنت استخارت وما ارتاحت الله يعوضك
صنم فهد مكانه يحاول يستوعب انه رفضته ولف من تعالت ضحكات جده: امزح عليك ياولد وافقت
ضحك ناصر يدق كتفه: يولد شبلاك تكلم
ضحك بعدم تصديق: جد ياجدي؟؟
هز راسه بالايجاب وقام يضحك بعدم تصديق يتوجه للداخل: يمه يمهه
فزت اروى له: سمي يولدي
ضحك يتوجه لحور ويرفعها ويدور فيها: وافقت وافقتت
ضحكت حور بقوة معه وصرخت بحماس: تكفى صادق؟؟؟
هز راسه بضحكة وقامت اروى تغطرف بفرح وسلمى الي تضحك
عقدت حواجبها فرح بعدم فهم: مين الي وافقت
ولفت انظارها رهف معها لانها مافهمت برضوا
ضحكت حور بعفوية تتطق ناسية فرح: فهد خطب الدانة ووافقت
عم الصمت لثواني وفرح الي مو مستوعبة! فهد يخطب! ومين يخطب؟ الدانة ضحكت بعدم تصديق: مين الي خطب مين تستهبلون؟
لفت رهف الي اساسا فرحت لهم بس فرح تبقى بنت عمتها الطيبة: فرح خلاص
لفت لها بجنون: وش خلاص!كيف خلاص! رهف انتِ سامعة وش يقول
فهد: فرح انا مااشوفتس الا اخت لي ومابي اخذتس غصب ومااتقبلتس ماارضاها على خواتي ومارضاها عليتس
تجمعت الدموع بمحاجرها تقوم لغرفتها تنهار ودخلت عليها عبير: يبنتي خلاص هذا نصيبه
لفت لامها بانهيار: انتم تقولوا هو لي ضربت صدرها تكمل: قلبي حبه طيب مو ذنبي ليه يسوي كذا!، راحت لها تحضنها وشدت عليها تنهار بحضن امها
______________________________
بمكان اول مره نزوره برا السعوديه|بريطانيا
لف انظارها لصديقه يحضنه ويودعه بعد ماقرر يرجع السعودية لانه تعب من الغربه طالب مبتعث ببريطانيا من اربع سنين بين الغربة وناس عرب قليلين لف له:امشي الكوفي باقي للرحله وقت
هز راسه يمشي ولف من ناداه احد: غسانننن
ابتسم غسان بوسع ثغره: ارحبب يابعد حي غسان
توجه له يحضنه بشده: بشتاق لك يولد
شد عليه: ماعليه نتقابل ان شاءلله
بعد عنه يتوجهون للمقهى مع بعض
