مسكت ميهاف يدها بحنان: لا تزعلين ياعيوني هذا نصيبك ان شاءلله يكون كويس ورجال وتعرفين عناد مستحيل كان يوافق لو مايعرف اخلاقه
سكتت اسيل تناظرهم اليوم عقد قرأنها وبين الرجال بس وماعليها الا توقع وتصير حرّم تميم دخل عناد بالكتاب وماينقص الا توقيعها وقبل راسها يجلس جنبها مسك يدها بحنيه: لا تزعلين ياعيون اخوك تعرفين ابوي وانا ماني مزوجك الا رجال كفو وتميم والنعم في وبيحطك بعيونه وانا جنبك وسندك
ابتسمت ميهاف لكلامه وناظرت اسيل الي كانت ساكته اخذت القلم توقع واخذ الكتاب يطلع واعتلت التباريك لتميم لفت ميهاف لليلى بهمس: الحين ذي تعرف شمعنى زواج
لفت لها ليلى بغباء بنفس الهمس: اكيد تعرف قد راحت اعراس
قرصتها ميهاف: ماقصد كذا اقصد يعني زواج زواج مع زوجها اشرح لك يعني؟؟
ضحكت ليلى من استوعبت: توني استوعب ماتدري الهبله ذي ماعليك امي بتعلمها
سكتت ميهاف تناظر اسيل ودخلت عروب الي مبتسمه ومبسوطه: العرس بعد اسبوعين
توسعت عيون اسيل: نعم! وش اسبوعين ماجهزت شي ولا سويت شي
اشرت لها بيدها: ماعليك اسبوعين يكفيك وبيساعدوك البنات وترا العرس بالمدينه
طلعت ومسكت راسها ليلى: ياويليي اسبوعين بنات من بكره لازم نطلع السوق
دقت صدرها ميهاف: الفساتين علي صديقتي يقين عندها بوتيك وفستان العرس نطلع كلنا مع بعض
صحت من نومها بالم من نومتها على الكنبه ووقفت تطق ظهرها ماشافت راكان على السرير ماهتمت تقوم وفتحت شنطتها تطلع فستان خفيف بلون البيبي بينك طويل الاكمام وقماشه خفيف على الجسم وقفت بتدخل الحمام اكرمكم الله بس سبقها راكان الي فتحه وطلع توسعت عيونها من شافته قدامها عاري الصدر ومنشفته تلتف حول خصره وشعره يتساقط مويه صدت بغيض: تراك مو وحدك هنا تطلع على كيفك
ابتسم راكان بمُكر من لاحظ احراجها ومسك يدها يلفها له نزل يده لخصرها النحيل يتحسسه وصدرها ملاصق صدرها: زوجتس انا عادي والغرفه غرفتي
حست بحراره بجسمها من حركاته المقرفه بالنسبه لها ومسكت يده بحده تبعدها: لا تتجرا تلمسني مره ثانيه تراني مجبوره عليك يالمتخلف
ضحك راكان باستفزاز: يعني انا الي ميت عليتس؟كلنا مجبورين اذا ماتعرفين
تجاهلته تدخل الحمام اكرمكم الله وسكرته بقوه يوصلها صوته: وكسر ان شاءلله
ابتسمت بسخريه: يكسرك
فصخت ملابسها تاخذ لها دش خلصت تجفف جسمها ولبست روبها تفتح الباب شوي اذا راكان موجود ابتسمت بانتصار من لاحظت عدم وجوده تطلع واخذت فستانها تغير بسرعه لمت شعرها على شكل ذيل حصان وحطت مكياج خفيف تاخذ جلالها وتطلع ابتسمت بخفوت من شافت الحريم مجتمعين بالصاله وسلمت عليهم تجلس جنب العنود الي كانت موجوده فقط من البنات وسما تهلي وترحب فيها وغزيّل مبتسمه بمجامله وصلهم صوت راكان: ياولد
ابتسمت سلمى: ادخل يولدي مامن غريب
دخل راكان وهو لابس ثوبه الابيض ومشخص شماغه رفع حاجبه من شاف غزيّل الي قاعده جنب العنود وناظرته باستحقار تصد عنه قبل راس سلمى وسما يجلس جنب غزيّل بعناد وابتسمت العنود بخبث:قهوي زوجتس
ناظرته بتوعد تاخذ دلة القهوه وصبت له بالفنجان تمد له وناظرت نظراته الاستفزازيه تكبها عليه شهقت بتمثيل: يمه بالغلط
وقفت سما: بسم الله عليك عادي يا امي بالغلط روح غير
وقف راكان بغضب اعتراه وهو يعرف انها متمعده: ماعليه تعالي الغرفه
مشى للغرفه وشياطين الارض متجمعه على راسه وتبعته غزيّل بهدوء وعدم اهتمام دخل قبلها يفصخ ثوبه لف لها من دخلت وسكر الباب يدفها عليها عقدت حواجبها بألم من دفها بقوه ورفع يدينه على الباب ينطق من بين اسنانه: ايش ذي الحركات؟
رفعت يدينها تدف صدره بس ماتحرك: اي حركات انت بعد ماسويت شي
مسك يدينها الي تدفه يقيدها بقوه: حركاتس ذي تمشي على امي مو علي جربي تعيدينها يابنت نادر والله لاكسر يدينتس
ابتسمت بتحدي تتجاهل الم يدينها بسبب ضغطه عليها: بعيدها مره ومرتين وثلاث ووريني وش تسوي
ابتسم على جنب من نبرتها الي تتحداه: تحدي يعني؟
هزت راسها تنطق بحده: وخر يدينك
راكان: والا؟
نفضتها بحده تدفع صدره: انا بوخرها
تجاهلته تطلع وابتسم راكان يمسح طرف شفته ويغير ثوبه
