دخل مفجوع من صوت صراخهم ودخل المطبخ من سمع الاصوات هناك تجمد الدم بعروقه يشوف سلسبيل الي السكينه ببطنها وتنزف دم وميهاف الي مذهوله وواقفه مكانها وعروب تصرخ: قتلت ولدك يعناد قتلته!!
ماعرف شيسوي غير انه صرخ على اسيل: جيبي عبايتها بسرعه
جابتها ولبسها يغطي وجهها بالطرحه وطلع لسيارته بسرعه ركبها يركب وانطلق بسرعه كبيره للمدينه والوقت بنظره بطيء وصل يطلب الطوارئ ويصرخ وجو الممرضات يحملوها بالسرير وعناد معهم ودخلوا الطوارئ قعد على الكرسي والدنيا مسوده بعيونه من الي صاير وطلع جواله يدق على خويه تميم: اذا ماعليك امر جيب اهلي للمستشفى برسلك اللوكيشن
سكر منه تميم يناظر اللوكيشن الي ارسله ياه وطار لبيت عناد كلمهم وطلعو كلهم وركب عقاب قدام وعروب والبنات ورا وكانت عروب تصارخ على ميهاف: اخرتك تقتلين طفل ماجاذ على الدنيا حتى والله لاجرجرك بالمحاكم يبنت الكلب
صرخت ميهاف عليها وهي من اول ساكته: اهلي لا تسبيهم ولا تذكريهم على لسانك تراني ساكته لك
وكملوا مناقرتهم لين وصلوا نزلو على طول لهم وميهاف الي تحس معدتها مقلوبه وماتدري من وش
ناظروا عناد الي واقف مع الدكتوره وعروقه بارزه والعرق يتصبب منه ونطقت الدكتوره: لازم ارفع بلاغ ونبلغ الشرطه السكينه تعتبر دليل وبنشوف على مين بصماتها
طلع هويته يمدها: الشرطه هنا مايحتاج افتحو ملف وخذوا بصمات السكينه باسرع وقت
هزت راسها تروح وبالفعل تم نقل السكينه عشان يشوفون البصمات لمين لف لامه الي تقدمت له مع عقاب والبنات وناظر ميهاف الي كانت نظراتها ثقه ويعرف مستحيل تسويها بس هم مايعرفون لف لابوه الي ربت على كتفه: شصار عليهم؟
تنهد يغمض عيونه كيف بينقل الخبر لهم وهو تلقاه وفقد ضناه: الله يعوضنا
لفت عروب لميهاف بصراخ: والله ماخليك تقتلين حفيدي!!
تكلم عناد من بين اسنانه: يمه اهدي السكين بنطلع البصمات لا تتهمين
لفت له: هي الوحيده الي كانت بالمطبخ مع سلسبيل مين غيرها!
اخذ نفس يصد ورجعه بهذول لليلى الي صرخت من شافت جسد ميهاف يتهاوى مسكها عناد تطيح بحضنه مغشي عليها وصرخ ينادي الممرضات اخذوها للغرفه ودخل معهم بقلق يمسك راسه من الي قاعد يصير معه ناظر الممرضه الي قاعده تقيس ضغطها
ولفت له من خلصت: ضغطها نازل
سكت مايرد عليها وطلع من قالت له عشان الدكتوره بتدخل تسوي لها فحوصات ناظر غرفة سلسبيل الي للحين ماصحت ومر عليهم بعض الوقت ناظر للدكتوره الي تقدمت منه وبيدها اوراق الفحوصات ونطقت: اتمنى تنتبه لها زوجتك حامل ووضعها الصحي تعبان
ذهول وفرح كبير صابه ربي عوضه بسرعه عوض كبير اخذ نفس بفرحه وكسره على وضعه ورجع ينتظر النتائج حق سلسبيل واخيرا طلعت اخذ ورقة التحليل يناظرها لثواني وفتحها يناظر الاسم غمض عيونه يشد على الورقه بيده ودخل غرفة سلسبيل وفزت عروب من دخلته وصرخ عليها وهي كانت توها صاحيه: سليبيلللل!!!
ارتجفت من صرخته عليها وتقدم يرمي الورقه بوجهها والعصبيه معميته: هذا ايش!!! السكين عليها بصماتك ياسلسبيل انتِ كيف قدرتي تسويها!! انتِ ام! كيف تقتلين ولدك ياسلسبيل عشان وش تكلمي
بلعت ريقها بصدمه لانها نست كليا امر البصمات توها تستوعب وش سوت فقدت ولدها والحين بتفقد عناد ونطقت عروب: وش تقول انت؟
عناد: السكين ماعليها الا بصماتها! ولف لسلسبيل: انتِ طالق طالق طالق
صرخت سلسبيل تغطي اذانها: لا ياعناد تكفى ميهاف ذي مو انا
تركها يطلع مو مستوعب انها قتلت ولدها تجاهل كل الافكار يدخل على غرفة ميهاف ورفعت راسها بصداع تناظره تقدم يجلس جنبها ويناظرها ومد يده يمسح على بطنها استغربت تناظره من تصرفه وهمس: بصير اب منك
سكتت تستوعب وحطت يدها على يده بنفس الهمس: حامل؟
هز راسه وضحك بدون شعور من شاف الدموع تتجمع بمحاجرها حضنته تبكي بفرحه: ببشر اهلي
هز راسه: خلصي المغذي وباخذك لهم
هزت راسها ترجع تنسدح وتتلمس بطنها
