نرجع للرجال
تنهد عبدالله ينطق: عبد الرحيم صديقي انا وعبد الرحمن من ايام الديرة لين جاب ولده مسفر وراح ينقل للمدينة وافترقت دروبنا عن بعض والحين القدر جمعنا ولف له وابتسم
بدوا قعدتهم العيال بعد صدمتهم ذي
ونطق عبد الرحيم: وينه عبد الرحمن ليكون هو بعد بعيد عنك؟
هز راسه بالنفي: لا والله يخوي هذا بيتهم الي هنا جنبنا لكن الحين مسافرين الديرة
لف فهد لماهر بسرعة ينطق: ليكون سلمان يقرب للجد عبد الرحمن؟؟
هز راسه بضحكة: اي والله ابن ابنه
ضحكوا على الصدف الي جمعتهم وكملوا سهرتهم وتعشوه بعد ماتجمعوا الخويين من جديد!
_______________________________________
مر اليوم الثالث على الديرة عادي وجاء وقت رجعة هاجر
راحت لأبوها تقبل جبينه: يالغالي بظطر ارجع اليوم عشان دوامي اعذرني وباخذ معي اسير ولا نياف
هز راسه بالموافقة: روحي دربك خضر يبنيتي ابتسمت تروح تودع البنات كلهم
ونطقت حنان بزعل: هجورة تكفين ماشبعنا منتس لسا!
ضحكت بخفة: شسوي دوامي توني جديدة وماينفع اتاخر خلصت تودعهم وطلعت لسيارتها الي يسوقها اسير
مشوا على الساعة7المغرب وهم يسولفون والضحك معبي السيارة
ضحكت تنطق: اي ما قلت لي يالسربوت وش تخصصك؟
قوس شفايفه تمثيل الزعل ينطق: افا هذا وانا ولد اخوتس تنسين تخصيي! وصل جرحتس وصل
خبطت كتفه: اقول ياورع خلك بس تمثيل مايليق
ضحك: صادزة وتخصصي ياطويلة العمر ادارة اعمال واتبدلت ضحكته لابتسامة حزينة: مثل ما امي كانت تبي
هزت راسها من حست بحزنه تهمس: الله يرحمها
وعم الصمت فترة وصلوا للبيت وراح اسير ينام من تعب الطريق وهاجر نفس الشي بعد ماصلوا العشاء
_______________________________________
الصباح~الساعة8
قاعدة تتجهز عند المراية وتظبط اخر لمساتها الخفيفة نزلت بعد ماخلصت تفطر واسير الي نايم
ضبطت نقابها تطلع لسيارتها تتوجه لشركتها مرت لها كوفيه تاخذ ماتشا (طبعا هجورتي تعشق شي اسمه ماتشا!)
وصلت للشركة تنزل وتتوجه لمكتبها ابتسمت من التقت بنجمه: صباح الخير
نجمة بابتسامة: صباح النور حبيبتي اشتقنا لك بذي اليومين ترا
هزت راسها بضحكة تتوجه لمكتبها اندق الباب لتنطق: ادخل
دخلت نجمة: الاستاذ ناصر يبيك
هزت راسها تتوجه لمكتبه ودخلت بعد ماسمح لها بالدخول
همست بهدوء: السلام عليكم
رد السلام ينطق: الحمدلله على سلامتك
ابتسمت له واكتفت بهز راسها
وضح له انها ابتسمت من ضاقت عيونها شبك يدينه يحط دقنه عليهم: استاذة هاجر بوكلك بمشروع تروحين تشرفين عليه بنفسك وهو نفس المشروع حق فكرتك
توسعت ابتسامتها تنطق: ومتى الوقت؟
ناظر لساعة يده: على الساعة11
هزت راسها بتفهم: ان شاء لله
طلعت لمكتبها دخلت تتمايل فيه بفرحة وتشرب من حقها الماتشا
_______________________________________
عند اسير ~10صباحا
صحى من النوم وراح اخذ شاور وتكشخ وتعطر
ونزل شاف قطوه في(كيتي) مع العاملة تأكلها ابتسم وراح ياخذها ويلعبها شوي ضحك ونزلها وراح يفطر
وطلع متوجهه لجامعته لأن عنده محاضرات
_______________________________________
ال10ساعة ونصف~
طلعت متجهة مع العمال وناصر وصلوا للمكان وناظرته بأعجاب كانت فعلا فخمة ومميزة بشكل يجذب
راحت للحديقة الخلفية وبدت تمتر مع العمال وتخطط معهم تحت انظار ناصر الي مبتسم بهدوء
بعد تقريبا 40دقيقة خلصوا مشت لناصر تنطق بابتسامة: خلصنا
هز راسه بهدوء: مشكورة
ركبت سيارتها ونزلت شباكها من حست بأحد يدق فيه شافت ناصر: انزلي
عقدت حواجبها باستغراب ونزلت اشر لها على الكفر وضربت جبينها من شافته مبنشر التفتت له من نطق بعد تردد: تعالي بوصلك معي
هزت راسها بالنفي بأحراج: ماله داعي بكلم ابن اخوي
هز راسه بهدوء وتكتف عند سيارته يناظرها دقت على اسير وانتظرت شوي لين رد: اسوري تكفى فاضي؟
حك حاجبه لثواني: لا والله عندي محاضره الحين ليه تبين شيء
عضت شفايفها لوهلة: لا خلاص باي
سكرت منه والتفتت تشوف ناصر لسا واقف توجه لها ينطق اركبي وبخليهم يوصلون سيارتك هزت راسها بالموافقه بعد تردد
وركبت ورا ركب السيارة يرفع نظره لها من المراية: ارسلي لي اللوكيشن
مد لها جواله تسجل رقمها وترسل له الموقع
فتحت جوالها تطقطق فيه وابتسمت من وصلها اتصال من~ دانة~
ردت عليها تنطق: ياهلا ياهلا بالي ناسيتني
ضحكت تلف نظرها للبنات الي يتهاوشون: ينساتس الموت يابعد حـي بس تعرفين مافي نت وكذا
هزت راسها كأنها تشوفها تنطق: اي وكيف الديرة بدوني؟ ادري شينه بس يلا
ضحكت بصدمة تنطق: اعقبي يالنرجسية تراني موجودة
كشرت تنطق: طيب سلكي وجع
الدانة وهي توقف: اقول بروح اشوف شعندهم ذول باي
اخذت نفس تنطق: باي بيبي
سكرت تنزل انظارها للجوال تكمل طقطقة فيه جاهله عن نظراته وتركيزه بكل كلمة قالتها
كمل طريقه واستغرب من وصل لحيهم وصل لعند الموقع وناظره بصدمة نفس بيت عبدالرحمن الي قال على عبدالله لف ناظرها من المرايه: تقربين لسلمان؟
استغربت كيف يعرفه: اي ولد اخوي
ضحك ينطق: سالفه طويلة ترانا جيرانكم واشر على القصر الي يتعدى قصر مترك باثنين
لفت بصدمة له كيف كذا وضحكت بخفة وكمل كلامه: وترا ابوك وعبد الله وابوي اخوياء من زمان لا تقولي له خليها مفاجأة
عقدت حاجبيها بصدمة من الصدف الي قاعدة تصير ونزلت تنطق: مشكور ماقصرت
هز راسه ببتسامة: ولو
دخلت للداخل تفصخ نقابها وتتوجه لغرفتها راحت تتوضى وتصلي الظهر لبست بلوفر اسود وبنطلون باللون الاسود برضوا ورفعت شعرها ذيل حصان ونزلت للمطبخ تسوي حلا عشان تروح بيت عبد الرحيم
خلصت وابتسمت برضا وراحت تتغدى من جهزت العاملة الغداء
وصل اسير من جامعته وتغدوا مع بعض وقالت له ان في جيران جدد ويروح لهم
خلصت وطلعت لفوق ترتاح عشان بعدين تروح لهم
_______________________________________
بالديرة
ماكان في شي مميز عادي (شوفوا صراحة ماعندي شي اكتبه او مواقف بس عندي لحق المدينه فسوري)
العيال يطلعون للعزبة مع بعض والجو يجنن والبنات يسمعون قصص جداتهم ويروحون للجيران
ومافي شيء جديد
_______________________________________
الساعة 4~العصر
انتهت من حط روجها البني وحطت قلوس عليه ابتسمت برضى عن شكلها واخذت اخر لمساتها العطر حطت على مكان النبض ورشت على ملابسها كانت لابسه جمبسوت اسود عاري الاكتاف والاكمام ويغطي منطقه الصدر ريش ومن عند قدميها في فتحات صغيره فيه اخذت جوالها تصور نفسها عدة صور وتظهر عظام رقبتها
انتهت واخذت عبايتها تتوجه لتحت لعند اسير ابتسمت تلف حول نفسها: شرايك بس؟
صفر بأعجاب مع غمزة: حسافة انتس عمتي ولا كان اخذتس من زمان
ضحكت تضرب كتفه: ورع اص قلة ادب
ضحك وضبطت نقابها تتمسك بايده بعد ما اخذت الحلا من العاملة
توجهوا لبيت عبد الرحيم
الي كان فيه اساسا ال مترك ابتسمت من تحت النقاب من لمحت ناصر الي طلع يقلط اسير وتوجهت هي للداخل
ابتسمت بخجل من سمعت سلمى: يا هلا والله تو ما نور البيت يبنت عبدالرحمن
توجهت لها بعد ما فصخت عبايتها ومدت لعاملتهم الحلا تقبل راسها كاحترام ابتسمت سلمى من تصرفها ودققت فيها: ما شاء لله نسخة من امتس
اكتفت بابتسامة مشت معها للداخل
دخلت داخل تسلم عليهم وعلى ريتال والبنات
بالمقلط~
توجه يقبل راس عبدالله وعبد الرحيم (من باب احترامه حبايبي انا محترمين) يبتسم بهدوء بعد ماسلم عليهم يقعد جنب اياد
جلس يسولف معهم ودخلوا بجو بعض والجدان يناظروهم بابتسامة
بالداخل عند هاجر
كانت قاعدة تلاعب ليلاس الي حبتها وجدا وضحكاتها تتعلا والبنات يسولفون مدت لها ايدها ببراءة: عطيني
مسكت خدودها: وش اعطيتس يابعدي
اشرت لها على جوالها الي بحضنها ابتسمت تمد لها ياه بعد مافتحته: خذيه يابعدي بس لا تروحي مكان هزت راسها بحماس تاخذه وتلعب فيه بينما هاجر راحت للبنات تسولف معهم
قاعدة تلعب بالصور وبدون ما تنتبه وش تسوي دخلت على صور هاجر الاخيرة الي كانت بلبسها وضحكت تضغط المشاركة ارسلت لكل الي قدامها بدون ما تنتبه او تعرف هي وش تسوي! وطلعت لقسم الرجال بجوال هاجر
عند نصوري
طلع جواله بعد ما وصلته رساله وعقد حواجبه من شافه من هاجر طلع من عندهم بهدوء ويده بجيبه والثانية ماسك فيه جواله صعق مكانه يوم فتح الصور والي كانت4 وكانت لها سرح فيها يقلب بدون ماينتبه على نفسه وعقد حواجبه من سمع صوت بالحديقة الخلفية توجه لها بهدوء بحيث مايشوفوه
عند هاجر التفتت تدور ليلاس بعيونها ومالقتها راحت تدور لها وشافتها بالحديقة الخلفية اول ما شافتها بدت تركض وهي تضحك هاجر وهي تركض وراها: ليلي جيبي جوالي
ماردت عليها وهي مستمرة تركض اسرعت خطاها لها تمسكها وهي تضحك اخذت نفس من تعبت من الركض: اوف ليلي ترا تعبتيني
اخذت جوالها منها بعد ماشافت رسايل كثيرة جاهلة عن الي يناظرهم وفهم كيف وصلت الصور له! نزل نظره لجواله يعض شفته يتاملها من جديد وحفظها عنده
لف من سمع شهقتها لفت لليلاس تتطق: يامي وش سويتي!
هزت راسها ببرائة: وش سويت؟
مسكت راسها من شافت صورها عند قروب البنات وناصر بالتحديد عضت شفايفها باحراج وسرعان ما ارتاحت من شافته مادخل المحادثه وهي تظن انه ما شافها بس هو مفعل هذه الميزة
حذفت الصور بسرعة تمسك ايد ليلاس وترجع للداخل وحك جبينه بتوتر يرجع للداخل
بالديرة
قاعد مع اخوه يسولفون ويتقهوون
لفوا انظارهم من دخلت وهي متلثمة بالشماغ وبيدها سيف شغلت الراديو على عرضه وبدت تعرض وتلعب بالسيف ضحك عبدالرحمن من شافها وعبد الغفور معه جو الحريم يشوفها وهم يضحكون وتوجهت لجدها توقفه وتلعبه معها بدوا البنات يدخلون معهم بحكم ان كل العيال بالعزبة
بدوا يلعبون مع بعض والضحك بينهم
تنهدت من انتهت العرضة: رايكم؟
الجد وهو يربت على كتفها: يهبل مثلتس
ابتسمت تقبل راسه تتوجه للداخل مع البنات
_______________________________________
بعد مرور ثلاث ايام
صار وقت رجعتهم من الديرة وبعد احضان ودموع من البنات والسلام الحار مشوا جاهلين عن المفاجأة الي تنتظرهم!
عند هاجر سوت عزيمة لرجعتهم والبيت كل العاملات مستنفرين فيه تجهيز وتنظيف وبخور وغيره
وعازمة ال مترك وال منصورعلى الساعة4العصر وصلوا بالسلامة
نزلت هاجر تستقبلهم هي واسير
هاجر بحماس: يبه عندي لكم مفاجأة
عبد الرحمن بابتسامة: وش هي يبنيتي
ابتسمت تتغطى: اول شيء بنات تغطوا
تغطوا البنات باستغراب
واسير دخل ينادي الرجال من جوا وهي دخلت تنادي البنات(سلمى وعليا يعرفون بعض اكيد)
طلع عبد الرحيم بابتسامة وكل العيال ورا والحريم نفس الشي سلمى والبنات وراها
لحضه صمت صارت يقطعها عبد الرحمن برجفه صوته: عبد.. عبد الرحيم!!
توسعت عيونها تنطق: العميد؟
التفت بنظره لها ينطق وسط مبسمه الي ما غاب وعرفها من صوتها: الاستخباراتية في!
توجه له عبد الرحمن يحضنه وسلمى توجهت لعليا وعليا دمعت تحت استغراب الباقيين من آل زايد
دخلوا الرجال للمقلط والحريم لجوا
عبد الرحمن: ياعيالي هذه خويه وصديق سنيني عبد الرحيم من ايام الديرة والقدر جمعنا من جديد!
ابتسم ينطق: وصرنا جيرانكم بعد
توجهت انظار سلمان بصدمة لفهد: فهد!
ضحك ينطق: هالله هالله
توجه له يحضنه ويسلمون على بعض ويقعدون
واخيرا الثلاث اخوياء وعائلات ابطالي تجمعوا!
وعند الحريم نفس الشي حكت لهم عليا سلمى وتعرفوا البنات على بعض
دانة وهي تناظر حور: احستس جوي ياخي مدري ليه
ضحكت حور تنطق: خلاص اجل من الحين صداقة!
قعدوا جنب بعض يتعرفون على بعض
توسعت ابتسامتها تنطق: انتِ دانة الي فزتي بمسابقه الخيول ذاك اليوم صح؟؟
هزت راسها بابتسامة تنطق: شدراتس؟
حور: اخوي فهد كان مشارك وهو الي فاز برضو
وكملوا لمتهم وسوالفهم
_______________________________________
مرت الايام على ابطالي وعائلتهم بسرعة الماسة الي خلصت تدريبها وتخرجها من الجامعة بعد شهر وفيّ وفيصل الي الاشغال على روؤسهم كثيرة واعداء لعائلة آل زايد يطلعون واشياء كثيرة بطريقهم دانة وحور الي صاروا مقربين من بعض وفهد وسلمان نفس الشي وصار وقت ملكة وعرس البندري وسلمان الي مناقرتهم ما تخلص
يوم ملكة البندري&سلمان~
الكل مستنفر يتجهز ويستعد عشان يتوجهون للقاعة، الشباب رايحين للحلاق مع سلمان وهم يغنون والوناسه معبئة المكان والبنات راحوا للقاعة من بدري عشان الميكب ارتست كانوا مجتمعين بغرفة العروس والكل لابس روب وردي الا عروستنا لابسه ابيض يسوون شعرهم والمكياج ويغنون فيّ وهي تضحك: بنات اول مره بحياتي اشوف البندري مستحيه ماقد صارت
خزتها بعصبية: سدي حلقك ورفعت ايديها تدعي بطقطقة: يارب زوج فيّ بسرعة ورجعت انظارها لها: بشوف وقتها كيف توترك
قلبت عيونها بتغنج: ما استحي انا يمامي
الدانة وهي تلف لهم: صادقة احس العريس بيستحي وهي لا
انفجروا البنات ضحك وفيّ معهم و البندري بدت تهدا شوي
خلصوا كل شيء والتجهيزات والرجال بالمثل
قصر آل زايد كل العيال فيه بحكم انه البنات مو موجودين
فيصل وهو يطلع من الحمام: اعنبوك يازياد وين عقالي! زياد وهو متقروش مع نفسه: ياخي شدخلني انا تقلع
عض شفته بغضب منه وراح يدوره حصله بعد تعب وراح نسف شماغه يعدله واخذ الكبك يثبته
راح لتسريحته يتعطر من العود خلص ونزل ولقى الكل جاهز وريحة العود والبخور فيهم اخذ البخور يتبخر فيه وراح لعند سلمان يبخره
فهد بطقطقة على سلمان الي ابتسامة تشق وجهه: شوي شوي ياعريس لا تشق وجهك ترا فهمنا انه عرسك
سلمان وهو مكمل ابتسامته: شحار دمك انت
خزه فهد بضحك وكملوا
الساعة7 الليل بالقاعة والي كانت مقسومة قسمين للرجال والحريم
عند الرجال المعازيم كثيرين من اصدقاء واهل واحباب
والحريم نفس الشي البنات بغرفه العروس والحريم تحت يستقبلوهم
