كانت تساعد ناهد تروح لغرفتها لانها حست الم ببطنها انسدحت ناهد وطلعت جوري بعد ماتطمنت عليها ناظرت فيّ الي كانت جايه من برا وهي مبتسمه ورفعت حاجبها: الله يعلم سر هالابتسامات
رجعت خصل شعرها لورا فيّ تضحك: بلا مبزره بس امور كبار
شمقت لها ومشت معها بتدخل وهم يسولفون وقاطع عليهم صوت فارس: ياولدد
فزت جوري تلتفت لفيّ وفيّ ارتبكت معها من فزتها بدون سبب وراحو بفهاوه كل وحده بالطريق الخطا جوري كانت بتطلع لفارس وفيّ بتدخل ووسعت عيونها جوري من لمحته ترجع لورا ومسكت فيّ: يبنت من هنا
ابتسمت فيّ بغباء لفهاوتهم ومسكتها جوري تهمس: مين ذا؟
فيّ: خالي
عضت شفتها جوري: ياحظك بس
وسعت عيونها فيّ تمسك كتفها: ايا ياقليلة الادب عجبتس؟
قبل ماترد دخل فارس ظنه انه مافي احد لانه ماحد رد عليه:ساعه نناد...
صرخت عليه فيّ: ارجع يوصخ البنت هنا
وتقدمت له تلف لها: جوري ادخلي
دخلت جوري ومسكت فيّ فارس بتحقيق: اعترف شفتها؟
هز راسه بالنفي بانكار: لا
رفعت حواجبها بشك: انت شايفها من قبل؟
استغرب فارس من اسئلتها يهز راسه بالنفي: يبنتي لا وش ابي فيها
ابتسمت فيّ تمسح على عضلاته: البنت طاحت ومحد سمى عليها
ناظرها فارس يرفع حاجبه بثقه: الله يلوم الي يلومها
كشت عليه: مالت على هالثقه وبعدين وش كنت تبي تنادي
فارس: بدخل انام
هزت راسها وتقدمت تشوف الطريق له ودخل فارس الغرفه ياخذ غفوه لان بالليل عندهم عزيمه بقرار من عبد الرحمن
دخل رعد كعادته عليها وهو له يومين ماجاء قعد على الكرسي امامها وكان هادي نطقت حور: ابوي رح يجي بعد شوي
رفع حاجبه بسخريه: وش اسوي في بابتك؟
عقدت حواجبها بنرفزه من سخريته: قلت ابوي وش بابتك انت اجلس وبتعرف
سكت مايرد عليها وبعض دقائق وطق الباب: ادخل
ابتسمت توقف من دخل مسفر وسلمت عليه ووقف رعد باحترام يسلم عليه عقد حواجبه مسفر يناظره وكأنه مشبه عليه سكت لثواني ينطق بتشبيه: ولد سعد؟
رفع حواجبه من معرفته بوالده يهز راسه وضحك مسفر: والله اني مشبه عليك كيفك يولدي اخبار ابوك؟
صدمه صابت رعد مسفر الان الخيط الي بيوصله للحقيقه! ونطق: الله يرحمه ياعمي من وين تعرفه؟
عقد حواجبه مسفر بحزن عليه: الله يرحمه صديق لي كنا نشتغل مع بعض
حس رعد الحقيقه بتنكشف الحين وسأل بلهفه: متى اخر مره شفته؟
سكت لثواني يتذكر: قبل سبع سنين اعتقد هو كان عنده بنت صغيره بعد صح؟
وسعت عيونها حور بذهول ونطقت قبل رعد: إيلاف؟
ابتسم مسفر يهز راسه: اي إيلاف
غمض رعد عيونه يحس بنشوة الانتصار وفتحها يناظر مسفر الي جاء اخر حلوله ونطقت حور: رعد ابوي بيقرا عليك الحين وبنعرف اذا مسحور او لا
مسفر كان عنده خبره سابقه فحور علمته بالسالفه ووافق وعشان كذا جاء جلس رعد على الكرسي ووقف مسفر على راسه يحط يده وبدا يتلي بعض الايات غمض عيونه رعد يحس بحراره بجسمه بدا يتعرق بشده وعروقه تظهر بلع ريقه يحس بسكاكين تنزل بصدره ورفع يدينه بعدم وعي لاذانه يسكرها ويصرخ: اسكتتت اسكتت الله يلعنك
بعد مسفر من استنتنج حاله ومسك راسه رعد ينحني ويظغط عليه من الصداع الي داهمه ويتنفس بثقل شبك يدينه مسفر ورا ظهره: رعد لازم تروح عند شيخ بكلم لك واحد وبروح معك
مارد عليه يضغط على راسه بالم لفت حور للباب الي انفتح ودخل منه سمير ونطقت بانزعاج: ماتعلمت تدق الباب!
ناظره مسفر بذهول من وجوده ينطق بحده: شتسوي انت هنا؟
ارتخت ملامح سمير للخوف من شاف سفير حقيقته بتنكشف لا محاله رفع راسه رعد على اصواتهم ينطق بصوت غليظ موجه كلامه لعمه: تعرف مين ذا؟ ذا الي بخليني اقتلك ياسمير
وقف تحدت نبرته اكثر: تدريي شقال؟؟؟ إيلاف موجوده!! لا هلوسات على كلامك ولا غيره والله لاذبحك بيديني انت وزوجتك هين
عقد حواجبه مسفر من كلامه يوجه كلامه لسمير: انت شقايل للولد؟ وش صاير هنا
ضحك رعد بغل وقهر سنين: هذا الي مايتسمى مخليني مجنون بنظر الناس!! اختي إيلاف موجوده ويقول هلوسات وانا وحيد اهلي؟؟ من بعد الحادث يقول اني فقدت ذاكرتي! مانا بزر تلعب عليه ياسمير
تقدم يمسكه من ياقته ويقربه لوجهه الي احمر من شدة غضبه: والله لادفنك بيديني لو ماطلع اختي
مسكه مسفر يرجعه بهدوء: لا تخاف بنطلع حقك وإيلاف موجوده وانا شاهد وان ماطلعه القانون بيطلعه، وسكت لثواني يكمل: رعد امشي معي اليوم عازمك ومابي تردني وانت ياسمير قريب بنكشف كل شي انت وزوجتك
طلع رعد مع مسفر ولبى دعوته له وطلعت حور بعدهم ركب مسفر سيارته جنبه رعد ووراهم حور وبدا رعد يحكي له بالتفصيل للي صار له ومسفر يحكي له عن سمير وعداوته بالماضي مع اخوه!
