دخلت ليلى وهي تضحك بقوه وتناقز عند ميهاف ناظرتها ميهاف باستغراب: بسم الله شفيك
جلست جنبها تضحك: امي اخذت اسيل للغرفه
ميهاف: طيب؟
مسكت جبينها تضحك: بتعلمها ياغبيه
تعالت ضحكات ميهاف تناظرها: تكفينن بتنصرع
مسحت على بطنها ليلى وهي تبتسم: وه يادلبوسي متى تطلع لعمتك
ميهاف: امحق عمه
رفعت حاجبها: احمدي ربك بس علي
ضحكت بسخريه وتجاهلها ليلى ينتظرون اسيل تطلع من عند عروب دخلت عليهم بعد مده ووجهه كنه مصفوق من الصدمه وعضت شفتها ليلى تكتم ضحكتها جلست امامهم اسيل وناظرت بطن ميهاف بتقزز: الحين كذا حملتي؟
انفجرو البنات ضحك ونطقت اسيل بنبرة بكاء: بنات يعع مابغى اتزوج تكفون الغو يع يع مابغى عرس وخساير واحتفال اخر شي عشان نتفاصخ بس
مسكت فمها ميهاف: يافضيحهه وجع
كانت ليلى تبكي من الضحك: ماقدر ميهافف بطنييي
ميهاف: اقول جهزتي ملابسك؟ بكره بنمشي المدينه
هزت راسها بالايجاب: اي يبنات مابغى تكفون ليلى تزوجي مكاني ماني متزوجه
رفعت كفها ليلى: دزي بس بمدد عزوبيتي انا
قعدت جنب عليا الي تكتب قائمة المعازيم وارخت ظهرها على الكنب بعد ماقبلت راسها: وين قررتوا العرس؟
ابتسمت عليا تنطق: بفندق الريتز جدتس حجز
اتسعت ابتسامة فيّ: ما شاءلله تستاهل عيوني هِتان
ومتى زواج الماسه؟
ضحكت عليا تغمز: متحمسه على زواجتس انتِ؟
ضحكت فيّ تجاريها: مافاهمتني بس ماني معرسه لين يرجع عاصف
ابتسمت عليا بحزن: الله يرده بخير يارب
همست فيّ بآمين وشوي جلسو اغلب الحريم عندهم ووقفت فيّ تطلع لغرفة الماسه الي مجتمعين فيها البنات دخلت تشوف الي قاعده تكلم بجوالها والي تسوي اظافرها وسماهر لي لافه شعرها برولات وحاطه مسك فحم وتشرب ماتشا وكل وحده بجو وهِتان مو موجوده عندهم ببيت ابوها قعدت على الكنبه تناظر الماسه الي على جوالها وتبتسم:وش سر هالابتسامات
ناظرتها الماسه تضحك: واضحه يعني مايحتاج اقول
ضحكت سماهر: ياخي ايش دا الجو بالله عشاق وحب ابي يزن
فيّ: طيري له طيب
وقفت سماهر تطلع من عندهم ونزلت متوجه للمقلط الي تتوقع فيه العيال الي هم محارمها فقط دخلت عليهم: هاييي
حست بالي يحاوطها بشماغه ويطلعها ورفعت راسها ليزن: يمه شمبك انت خنقتني
رفع حاجبه يزن يبعد شماغه: تستهبلي انتِ سعود موجود
كشرت بقرف: يع دا الرِمه ماعنده بيت؟
ضحك يزن: ادخلي ادخلي بس
بوزت بحزن: وانا جايه عشانك ماتستاهل روح عند الرِمه حقك يلا
شمقت له تدخل لجوا عند البنات وناظرتها فيّ: شفيتس رجعتي؟
سماهر بعصبيه: سعود الرِمه عنده تخيلو سحب علي عشانه! حزعل من يزن مارح اكلمه
ضحكت فيّ باستلطاف: يبناتت عصبيتها تنوكل
رمت المخده عليها سماهر: استحي ترا
لبست فستانها الواسع الي مايضايق بطنها تتعطر ورفعت راسها تبتسم من دخل عناد توجهت له تبخره وقبل راسها بابتسامه يحصنها: انتبهي لنفسك
هزت راسها بالايجاب تلبس عبايتها وطرحتها ونزلت معه وهو ماسك كف يدها من الفندق متوجهين للسياره ركب تركب قدام بحكم ان عروب واسيل وعقاب بالقاعه بس باقي هي وليلى حركو وليلى ورا تناظرهم ومكانها فعلا غلط صدت للشباك تبتسم من مسك عناد كف ميهاف يقبله وميهاف مستحيه لان ليلى موجوده وصلو يصف سيارته ونزلت ليلى على طول من عندهم وضحكت ميهاف: ياخي استحي مو قدام اختك
ضحك عناد ونزلت ميهاف بعد ودعته تدخل وفصخت عبايتها تسلم على ام تميم وتطلع مع ليلى لغرفة العروس دخلت تغطرف وليلى ترقص بكتفينها: حيوو العروس
مسكت فمها ليلى: ياويليي ذي اسيلل اسم الله عليك تهبليننن ياقلبيي
هوت على وجهها اسيل: اسكتو يبنات بموت توتر
ضحكت ميهاف: كلنا مثلك شوفي كيف الحين
واشرت على بطنها ونطقت اسيل: ماتسعدين ابد ليتك منطمه
ضحكت ليلى من اخلاقها: هدي يالعروس
طلعو يستقبلون الحريم والمعازيم الي كانو كثيرين بشكل مهول واغلبهم من طرف ام تميم جلست ميهاف على الطاوله وهي ماسكه ظهرها: ياربي تعبت
ضحكت ليلى توقف: اقول بقوم ارقص خليك
صعدت للمنصه ليلى مع اخت تميم المتزوجه ووقفوا جنب بعض يبدون يتمايلون والحريم يصفقون طلعو بعض بنات المعازيم يرقصون معهم وميهاف مبتسمه تناظرهم صار وقت زفتهم ووقفت اسيل ورا الستائر وهي ماسكه مسكتها بيدينها الي ترجف عدل تميم بشته يستعد يدخل وابتدت زفتهم تنفتح الستائر وتطلع عروسة الليله الي كانت نجمه وسطهم والانظار عليهم يسمون بالله ويحصنوها من جمال طلتها لليوم ابتدت تنزل ودخل تميم يرفع انظاره لنجمته مسك كفها البارد يمشون للكوشه مع بعض واسيل ماناظرته حتى جلسو جنب بعض وطلعت عروب مع ام تميم واخته يباركون لهم واعتلت الاغاني لفرحتهم اليوم طلع تميم بعد مانتهو ومشت اسيل للغرفه مع عروب الي تساعدها تلبس عبايتها
دخلت ميهاف مع ليلى يودعونها ونطقت اسيل برفجه: مابي اروح
عروب: هاو وش ماتبين تروحين خلاص زوجك ذا
طلعت بعد ماساعدوها وكان برا عناد الي يوصيه على اخته مع عقاب وابتسم تميم من لمحها جايه وتقدم يساعدها دخلت السياره بعد ماودعت عناد وابوها وركب جنبها تميم متوجهين للفندق حرك السياره يعم الصوت ومايدري كيف يبدي سوالف لين نطق: جوعانه؟
هزت راسها بالنفي بدون رد وسكت ماعاد تكلم ركن سيارته ينزل ويفتح بابها يساعدها تنزل وبشته بيده طلع معها لجناحهم يطلع البطاقه ويفتحه ودخل معها
حط شماغه وبشته على الكنب وتنحنح ينطق: بجيب عشاء يمديك تبدلي
ماردت يطلع واستغلت الفرصه تدخل الغرفه وتفتح شنطتها فصخت فستانها بسرعه تاخذ قميص روز وتدخل الحمام اكرمكم الله غيرت تمسح مكياجها ومشطت شعرها تلمه كعكه طلعت تناظر اذا موجود وسمعت حسه بالصاله بلعت ريقها تطلع ورفع راسه متوقع يشوفها غيرت لقميص شي حلو هلى الاقل بجامه بس انلخم من شافها بقميص الروز ماينكر حلوه بس وش ذا؟ سكت لثواني يناظرها وماحب يحرجها لانها اساسا تو صغيره: تعالي كلي
هزت راسها بالايجاب تجلس بعيد عنه وحط الاكل تاكل بهدوء قام لانه مو جوعان بيدخل يغير ودخل الغرفه الثانيه لحمامها اكرمكم الله اكلت بسرعه لانها بتموت جوع بس متوتره قدامه خلصت تحطه على جنب ورفعت راسها من طلع تميم الي لاف المنشفه على خصره وعاري صدره وطارت نيتها مع ان تميم كان طالع ياخذ ملابسه فقط بس اسيل فهمت غلط وبدت تبكي انلجم يقترب لها، ومسك كتفها: شفيك؟
بكت اكثر تبعد عنه: وخرر عنيي
تميم: يبنت الحلال وش سويت شفيك؟
اسيل ببراءه وهي تبكي: ليه مو لابس ملابسك تبيني احمل صح وخر عني ولا لاقول لعناد
توسعت عيونه من كلامها يناظرها وده يضحك بس مايبي يزيد الطين بله ومسك خشمه يمنع ضحكته: ما انا مسوي شي اهدي بروح اغير ملابسي
ماردت تبكي ومشى تميم من عندها عشان تهدى وغير ملابسه يرجع لها وكانت هاديه بس ضامه المخده وتناظره بنظرات غريبه راح لشنطته يطلع كيس ورجع لها يمده: خذي
اخذته بتردد: وش ذا
ابتسم تميم: جوال لك
سكتت تناظره: ماعرف استخدمه
هز راسه: عادي بعلمك
هزت راسها بالايجاب وفعلا فتحه تميم يبدا يعلمها كل شي فيه
