صحت من نومها تفتح عيونها بتعب كونها نامت وهي تبكي وقفت تستغفر ودخلت الحمام تتوضى وتصلي الفجر ناظرت الساعه وكانت5:00 فتحت شنطتها تطلع مريولها وحطته تطلع الاستشوار وتستشور شعرها ناسيه كل الي صار لها امس خلصت تطلع مكياجها وحطت مكياج خفيف جدا طلعت كتبها تراجع عشان الاختبار ورفعت نظرها للباب الي يندق: ادخل
دخلت جوليان الي كانت متجهزه وبيدها صحن فيه توست نوتيلا وحليب: افطري
حطته على الطاوله وطلعت جوليان الي امها قالت لها كل شي وماحبت تضغط عليها اخذت نفس تجلس وتاكل وهي تراجع وناظرت طلال الي دخل الغرفه ناظرها متجهزه وناظرته من فوق لتحت تحط التوست وبصوت مسموع: الله يسد نفسك
عقد حواجبه من اسلوبها وطنشها ياخذ ملابسه من الدولاب وقفت تلبس عبايتها واخذت طرحتها تلبسها اخذت كتابها بتطلع بس وقفها صوته: انا بوصلكم اجلسي
طنشته تطلع وتبعها بسرعه من خلص ناظرها تمشي وركب سيارته تركب جوليان ورا وتقدم عندها يوقف: اركبي
ماردت عليه واخذ نفس يوقف فتح بابه ينزل لها ومسكها من اكتافها: روان بدون عناد امشي
روان: لا تلمسني وانقلع ماني بحاجتك
ناظر الشارع بسرعه ومسكها يسحبها للسياره وهي تحاول تتفلت منه ركبها قدام وركب يحرك: ماتمشين الا كذا
عضت شفتها بقهر ودقائق ووصلوا نزلت جوليان وبعدها روان وسكرت الباب بقوه غمض عيونه: وكسر ان شاءلله
فتحته تناظره باستفزاز: شقلت؟
ماسمحت له يرد من سكرته مره ثانيه بقوه ومشت تدخل المدرسه فصخت عبايتها تناظر ريتال الي تقدمت لها وحضنتها بدون مقدمات مسحت عليها ريتال باستغراب: شفيتس؟
همست روان: تزوجت
جمدت ملامحها تستوعب الي تقوله روان وبعدتها تمسك كتوفها: روان تستهبلي معي؟؟ مو وقت مزحتس ابد
هزت راسها بالنفي تتجمع الدموع بمحاجرها: ما امزح يريتال ابوي زوجني غصب
ضحكت بسخريه على حالها تكمل: متخيله مين زوجني؟؟
عقدت حواجبها بخوف: مين؟؟
بلعت ريقها: طلال
مسكت راسها بصدمه تستوعب: كيف يروان!! شدراه كيف تزوجتيه
رفعت اكتافها بعدم معرفه ووقفت ريتال من سمعت الجرس يدق: امشي نختبر وبعدين نتكلم
لبست عبايتها الي باللون الاسود واطرافها تتزين باللون الابيض حطت طرحتها على اكتافها اخذت شنطتها تطلع رايحه لمكتبها والي نقل كل شي يخص فيها عبد الرحيم عشان تصير تشتغل هنا نزلت انظارها لشنطتها تبحث عن شي ورفعت بذهول من سمعت سيارة توقف قدامها بالضبط، دخل بسيارته للقصر لانه بيروح دوامه مع يزن بعد مايفطرون نزل انظاره لجواله بيدق عليه ورفع نظره لثواني وتسعت عيونه من شافها قدامه وقف بسرعه وربي ستر ان ماصار لها شي نزل سعود ببدلته العسكريه يناظر سماهر المذهوله: اشبك انت اعمى؟؟
سعود: بالغلط ماشفتك
طلع يزن واستغرب من وجود سماهر تقدم يسلم عليه: ياحيّ سعود والله
عقدت حواجبها ترفع اصبعها وتأشر عليه من فوق لتحت: دا سعود؟
رفع حواجبه من طريقتها وكيف تاشر عليه: اي سعود في شي؟
سماهر: يع يزن تسحب علي عشان دا الرمه
حط يده على جبهته يزن ونطق سعود بصدمه: انتِ الي مسويه الحلا ذاك؟
ضحكت تناظر يزن الي يأشر لها تروح: ايوه انا سم هاري
وشمقت تمشي لسيارة السواق لف يزن لسعود: امشي
قدامي انت
سعود: قول كلمة وبكسر راسك
ضحك وركب معه يمشون لدوامهم
