بعد ثلاث اسابيع مرت مروا بين تعارف يزن وسماهر وتقربهم من بعض بدرجه كبيرة وكأنهم طنجرة ولقت غطاها،، وفيّ وفيصل الي ماجمعتهم اي مواقف بسبب انشغالهم لكن قلوبهم تقول العكس،،ميهاف الي ضيقتها تزيد يوم عن يوم بسبب إهمال عناد لها بسبب سلسبيل وكذبها بتعبها،،طلال او نقول تولين الي صارت الصديقه الالكترونيه لروان ومصدق نفسه يكلمها اغلب وقته،، إياد مقرر بيخطب الماسه بعد عرس زياد وهاشم،، روان وريتال الاختبارات قربت وماعاد يجتمعون نفس اول بسبب مذاكرتهم وجوليان الي صارت قريبه منهم،،مجد الي سحبنا عليها ماهي معطيه اي فرصه لمقبل كرامتها ماتسمح لها وعايشين كأنهم اخوان والشي الوحيد الي يربطهم جنى،، زياد وهِتان اكثر كوبل سعيد للحين بسبب تفاهمهم وارواحهم الي اقل مايقل عنها مندمجه ببعض بسبب انسجامهم،،ناهد الي مو طايقه مازن بسبب حملها الي موثر عليها بشكل والحين هم بالرياض عشان زواج ضحى الي تحدد،،وناصر وفهد حياتهم مثل السمن على العسل مع حرمهّم.
حطت اخر لمسات كشختها ترش عطرها ابتسمت تتأمل فستانها الموف القصير والي يتزين بالكامل باللؤلؤ طلعت من غرفتها تتوجه لغرفه فيّ الي موجودين فيها البنات: هاييي
الماسه بإعجاب: اويلي على الموف
دارت حول نفسها: شرايكم؟
فيّ: ياجعلني فداتس بس
ضحكت بخجل تجلس بالسرير: اخلصوا نروح للبنات
لفت لجوالها الي يدق وكان يزن وضحكت ترد: هايي
يزن: انزلي اشوف كشختس حالف ماروح الا يوم اشوفها
ضحكوا البنات لانها مسويه سبيكر ونطقت فيّ: روحي بس ليموت علينا
وقفت تنزل لتحت وهي لسا تكلمه: وينك انتا
دخل القصر هو قبل يرد وسكر يصفر وهو يناظرها: يناس ايش ذي العمه الحلوه
ضحكت بخجل ترجع شعرها ورا اذنها: حقتُلك استحي
ضحك وطلع ورده من يده الي من جاه وهي ورا ظهره ضحكت بفرحه من يزن حبته كثيرر رغم انها اسابيع معه الا انه يدللها بشكل كبير ويحبها كأنها اخته حضنته بفرحه: يزن والله اُحبك واحُب الورد
ضحك يبعد عنها وطلع الشاعر الي بداخله: تُحب الورد والورد من حسنها يرتوي
مسكت وجهه تقبل خده بقوة: يحلوك صدق الله يرزقك بوحده رومانسيه
رفع يدينه: يارب
ضحكت تودعه وتطلع للبنات وبيدها الورده ناظرتها فيّ: اعنبوه الجحود اخته وماعمره عطاني وانتِ نا شاءلله اخخ بس
يقين: خيانه شفتي كيف
ضحكت سماهر بدلع: ياخي قولوا ما شاءلله
ضحكو يكملوا تجهيزهم لانهم بيتحركون للقاعة الحين وفضلوا يتجهزون بالقصر
تحت عند يزن الي طلع لسيارة سعود بيروحون مع بعض ركب جنبه: معليش تأخرت
لف له سعود بيرد بس سكت يناظره لف له يزن باستغراب لسكوته: شفيك
هز راسه بأسى: اعوذ بالله من سوء المنظر بس
رفع حواجبه بذهول: ابك وجهي سوء منظر مالت على وجهك بس
نزل المرايه سعود يأشر له: شوف بس
لف لها باستغراب وفتح عيونه بذهول يناظر مكان بوسه سماهر الي بخده لف له: وقسم بالله انها عمتي اهجد ياخبيث
ضحك سعود: عمتك اجل يالكذوب عمتك متزوجه ببيت زوجها مادرت عن وجهك
رفع حواجبه: من افهم انا سوق بس لاكفخك
ضحك يحرك واخذ يزن مناديل يمسح مكان بوسه سماهر وطلع جواله يرسل لها تسجيل: الله يهديتس يسمهوره فضحتينا قدام الورع ذا يقول عن وجهي سوء منظر
ضحك سعود بسخريه: سمهوره اجل
ناظره بطرف عين يناظر رساله سماهر: وش سويت؟
يزن: بوستس بخدي
ارسلت له ضحكه تلف للبنات الي يلبسون عبايتهم: امشوا
مشوا ينزلون كلهم يتوجهون للقاعة الي فيها الرجال والحريم من قبل وصلوا ينزلون ويتوجهون لغرفه العروس الي فيها ضحى والميكب ارتست والهيرستايل وهِتان معهم تقدموا يسلمون عليها بحرارة ويباركون لها ويحاولون يخففون توترها دخلت حور وفرح والعنود ورهف الي معها ذياب لابس ثوب ومتكشخ ابتسمت ضحى باتساع من شافته وفتحت يدينها له ركض لها بفرحة يحضنها: ماما
ابتسمت تميل راسها من كلمته الي جت بقلبها ودخلت فتون: امشوا استقبلوا الحريم
نزلوا كل البنات وبقت ضحى لوحدها بعد ماطلع ذياب للرجال
