جلست جنب عبدالله بعد ماناداها: امر ياعيوني
ابتسم عبدالله يمسح على ظهرها: انتِ تدرين انتس كبرتي يابنتي وانا مادري متى ربي يأخذ امانته والله اني اشوفتس البزره الي لسا تلعب قدامي بس الزمن يمشي ياعيون ابوتس وعاصف خطبتس امس استخيري ياعيون ابوتس وعاصف ولدي وتربيتي معه وكلنا نعرف اخلاقه وعطيني رايتس
ضحك من شاف عيونها الي فيها الدموع وحضنته تبكي بحضنه لان كلامه اثر فيها رفع يده لشعرها يمسح عليها بحنان وناظر ماهر الي دخل مع خالد ضحك ماهر يجلس بعد ماسلم: شفيها البكايه ذي
عبدالله: حدك على بنتي بقوم اتوطاك
رفع كفه ماهر: نعتذر طال عمرك
بعدت جُمان عن عبدالله تمسح دموعها ونطق ماهر: الا اقول يبه بخطب
عبدالله: عيالنا مسخنين؟ فجأة كلهم يبون يعرسون
حمر وجه جُمان توقف وتطلع وضحك ماهر: والله اختيار ريتال مالي دخل
خالد: ومن الي تبيها؟
ماهر: معلمتها اعرف اخوها
ابتسمت من دخل راكان ورفع حاجبه يبتسم: لو داري انتس بتصيري هاديه كان سويتها من زمان
توسعت عيونها: انقلع الشرهه علي ابتسمت لك ياقرد
جلس جنبها يضحك:لا تظلميني والله اني حلو
ميلت شفايفها: يعني شوي بس قرد تبقى
رن جواله وعقد حواجبه يشوفه رقم مو مسجل عنده وسكر يحطه ورجع يدق وعقدت حواجبها غزيّل: رد يمكن مهم
اخذه من رجع يدق يرد ويفتح السبيكر وغزيّل منسدحه على بطنها جنبه تجمد الدم بعروقهم من وصلهم الصوت: راكان؟
بلع ريقه يناظر وجه غزيّل الي انقلب ونطق بجمود:
شتبين؟
بلعت ريقها ريماس ببكاء: راكان اذا تحبني الحقي تكفى امي بتزوجني ولد خالي غصب عني واخذت جوالي تكفى تعال لي
جلس راكان ينطق: الله يستر عليتس انا انسان متزوج ياريماس لا عاد اشوفتس متصله
كانت بتنطق بس سكر بوجهها يبلك رقمها وناظر غزيّل الي ساكته تناظره: مابي غيرتس
ماردت تفتح يدينها له وحضنها تحاوط عنقه وترخي راسها على صدره
ابتسمت جوري الي تكلم نجد: كذابه ادري اشتقت لي بالله من مايشتاق لي المفروض تحمدين ربك علي
صرخت ناهد الي كانت جنب نجد: خفي علينا والله لو انتس انا يانرجسيه
ضحكت نجد: شبلاكم انتم مصافيق
مدت جوري يدها بدلع: تقول نرجسيه وتمدح نفسها وع
ناهد بتوعد: طيب ان خليتس تلمسين ولدي
ابتسمت جوري تحط الجوال على التسريحه وطلعت من الدولاب ملابس مواليد وتقدمت عند الجوال: شوفوو وش شريت لحبيب عمته
عضت شفتها نجد باستلطاف: تكفينن يهبلونن
ناهد: خلاص بسمح لتس تلمسيه
ضحكت جوري: بالشهر الكم الحين؟
مسحت ناهد على بطنها: بدخل الخامس
ضحكت نجد: عقبالك
لعبت جوري بخصلة شعرها: وينن توي صغيره
ضحكت ناهد تصفق كفها بكف نجد: سعيله سعيله
جوري: مايضحكك ياسخيفهه
ضحكت نجد بعلو صوتها: ارحمينا يالسعيله بس
صرخت جوري بقهر: كلو زقق اي سعيله شعندكم
ناهد باستفزاز: قولي لفارس ينتبه ينسى يعطيتس رضاعتس
بكت نجد من الضحك: ناهد يرحم امك اسكتيي خلاص بنفجر
جوري: على زق بس انتِ وياها
سكرت تضحك على سخافتهم ولفت لفارس الي دخل الغرفه وتوه راجع من دوامه وابتسمت توقف وتحضنه حاوطها ببتسامه وبعدت عنه بنفس ابتسامتها: غير ملابسك وانزل سويت مجبوس
ضحك فارس يقبل غمازتها: تعرفين تسويه؟
رفعت حاجبها بثقه: افا عليك بس انا بنت عدنان
بعدت عنه تنزل تجهز ونزل فارس الي غير ملابسه يقعد وقعدت جنبه جوري بعد ماحطت الاكل: يلا ذوق اشوف
سمى بالله يذوق اول لقمه وابتسم يناظرها: والله وتعرفين
ابتسمت جوري: ماشفت شي
