(ما احلل القراءه بدون نجمه)
نزلت العنود تركب سيارتها وحركت على موقع راكان بالسناب وهي عصبيتها واصله منه صفت سيارتها تنزل ودخلت تدور عليه بعيونها لمحته جالس وماسك يد بنت تقدمت بعصبيه لهم: عشتو شهالقعده الرومانسيه؟ اطلب لكم حلا بعد؟
ناظرتها البنت بدلع: مين ذي ركوني؟
وخرت يده: ركوني يركن راستس ان شاءلله زوجته يلا انقلعي يا#**
وقفت البنت بدلع تناظر راكان الي متفشل من حركات العنود: بعدين اكلمك حبيبي
ومشت تطلع مسكت يد راكان تسحبه معها وتطلع ركبت سيارتها وركب جنبها بهدوء واخذا نفس تصرخ: متى بتعقل؟ كل يوم مع وحده؟ راكان وقسم بالله والي رفع السماء عن الارض لاقول لجدي وابوي واخليك وقتها تعقل مثل خلق الله ما تستحي انت؟
راكان بعصبيه: انتِ شدخلتس! تحشرين نفستس ليه ماحد طلب منتس بكيفي ياخي هم راضيين من شكى لتس الحال؟
العنود:كلزق بس يابزر خلني اشوفك طالع اليوم من المقلط وربي لاقول لجدي وماكون بنت سالم لو ما سويتها
سكت راكان بعض شفته بغضب من تحكمها ونطقت بسخريه: رقم كم ذي؟
رد بنفس سخريتها: يمكن ال15
العنود باستفزاز: ان مازوجتك ياقرد طيب
راكان بعدم اهتمام: مادام حلوه ماقول لا
تعالت ضحكات منها: احمد ربك لو في وحده بتقبل فيك انت وراسك المربع ذا
تجاهلها وصفت سيارتها تنزل معه دخلت القصر ودخل راكان على طول لغرفته فصخت طرحتها وعبايتها تجلس جنب جدتها بعد ماقبلت راسها
اخذت جوالها تبحث عن رقمه ودقت عليه ثواني ورد إياد الي ابوه كلمه على موافقة الماسه: ارحبيي ياوتيني
ابتسمت الماسه تلعب باظافرها: ايودي
ابتسم إياد: عيونه وقلبه
سكتت لثواني وهي مبتسمه: عادي اطلبك طلب؟
هز راسه كانها تشوفه: تدللي ياعيوني
الماسه: عادي نسوي ملكتنا بالديره؟
رفع حواجبه من طلبها: الديره؟ ابشري بس ليه
رفعت اكتافها بعدم معرفه: مدري بس ودي اشوفها
إياد: على خشمي بكلم ابوي وان شاءلله الي تبيه
وابتسم بخبث يكمل: مستعجله على الملكه لهلدرجه؟
وسعت عيونها الماسه: ياخبيث نيتك وصخه
ضحك إياد وسكر منها بعد ماودعها يدخل المقلط عند ابوه وجده جلس بس ماقبل رأسهم وحك شنبه بيتكلم وقاطعه عبدالله: وراك علم انت اهرج شتبي
ابتسم إياد: تفهمني ياجدي والله ابي اقول ودي بملكتي تكون بالديره
رفع حاجبه خالد: ليه؟
إياد: يعني تغيير وتسذا تعرف
عبدالله: اسال البنت يمكن ماتبي
إياد بدون ماينتبه: لا هي الي تبي اصلا
سكت من استوعب وتعالت ضحكاتهم ونطق خالد الي يضحك: وانا اقول ليش بالديره اثاري ولدي خفيف
ضحك عبدالله بسخريه: مسوي طالع منها؟ ترا ماضيك عندي
سكت خالد يهز راسه بالنفي: لا يبه يرحم والديك
فز إياد جنب جده: شماضيه ياجد قول تكفى
ابتسم عبدالله يناظر خالد:مره انجلد عشان امك كان وقتها عمره16ويتنطط عند بيتهم يبي يشوفها وشفته وجلدته عشان يتوب وما مر يومين الا وهو مسوي نفس الحركه
صفر إياد: اوب اوب والله يبه ماعرفتك
خالد: سد حلقك
ضحك إياد: جيل الطيبين اجل
انحاش وهو يضحك من رمى خالد عقاله عليه
