نزلت بعد ماربطت نقابها تركب السياره جنبه متوجهين للمطار ابتسم تميم يفتح مواضيع معها: بنروح النمسا
هزت راسها اسيل بصمت وهذا روتينهم بطول هالاسبوعين اسيل ماتعودت عليه كثير وتميم يكسر الحواجز بينهم ركن سيارته ينزل ونزل شناطهم يتمسك بكفها ويدخل اخذ جوازها والتذاكر وجلسو بصالة الانتظار ينتظرون رحلتهم نطق تميم يكسر الصمت: تبين قهوه؟
هزت راسها بالايجاب ووقف: شوي وجايك
مشى للمقهى الموجود واخذ كوبين قهوه يرجع لمكانهم وعقد حواجبه من شافها مو موجوده حط القهوه يتلفت يدورها بعيونه وطلع جواله يتصل على رقمها ردت عليه اسيل: هلا
تميم: وينك؟؟
لف من وصله صوتها من ورا: كنت بالحمام-اكرمكم الله-اخذ نفس براحه يمد لها القهوه وجلست جنبه ينتظرون مده قصيره ونادو طيارتهم يطلعون واقلعت الطائره تترك ارض السعوديه
فتحت عيونها تسترجع احداث ليلة امس من حضن إياد لها الي ماغيرت ملابسها واقتراب منها إياد يعلن الوصل بينهم، توردت ملامحها تشوف إياد عاري الصدر الي نايم بجانبها اخذت روبها المرمي على الارض تدخل للحمام اكرمكم الله بهدوء عشان ماتزعج إياد اخذت دش تلف المنشفه على خصرها وتطلع تاخذ لها فستان ابيض ميد طويل الاكمام خفيف ويناسبها كعروسه، مشت للسرير تهز كتف إياد: إياد يلا قوم
فتح عيونه يناظرها وابتسم بنعاس يسحبها لحضنه: شفيتس؟
ابتسمت بخجل تمسك ذراعه الي محاوطتها: بنتاخر على العزيمه
جلس يفرك عيونه ويستغفر وسرق قُبله سريعه من خدها يوقف ويدخل الحمام اكرمكم الله ضحكت تاخذ الاستشوار وتجفف شعرها وخلصت تحط مكياج هادي يبرز ملامحها فيرت اطراف شعرها تلبس ذهبها ولفت له من طلع وبيده المنشفه الصغيره جلس على الكنبه: تعالي
تقدمت له ومد لها المنفشه وابتسمت من فهمت مقصده تقترب وتبدا تنشف شعره سحبها يجلسها على رجوله وهو محاوط خصرها خلصت تبتعد: قوم البس يلا
وقف يطلع ثوبه الابيض ولبسه ياخذ شماغه والعقال يوقف عند المرايه اخذ الكبك يثبت اكمامه وشخص شماغه ياخذ عطره ويتعطر لف يشوفها جاهزه تلبس كعبها وقد لبست عبايتها وضبطت نقابها تاخذ شنطتها وتطلع معه اخذ شناطهم للسياره وحرك لقصر آل مترك ضحكت بخفه وحب من شغل اغنية'احلى من العقد'بداية حبها له فيها بدا يردد وراها وهو ماسك كفها: احلى من العقد لباسه
واحلى من العقد لباسه يزهى بها العقد في جيده
كملت معه: الماسةٍ تلبس الماسه
كمل يغني معها بكل احساس وحب يشعر فيه معها دخل سور القصر يركن سيارته وينزل معها وسلمت على خالد وعبدالله تدخل لجوا استقبلتها هدى تهلي وترحب وفرحانه فيها سلمت على البنات تدخل معهم وابتسمت جُمان بين سوالفهم: وين بتسافرون
بادلتها الابتسام ترفع اكتافها بعدم معرفه: مادري ما قال لي
دخل إياد عليهم بدون مايتنحنح ولا غيره لانهم كلهم حلاله وسلم على امه والبنات يجلس جنب الماسه وابتسم ينطق: بنروح نسلم على ال زايد بعدين بنروح المطار رحلتنا العصر
ابتسمت ريتال: وين بتسافرون
إياد: هولندا
كملو يسولفون مع بعض ووقفت هُدى تجهز الغدا لهم وللرجال طلع إياد الغدا يتغدا مع الرجال بالمقلط والماسه مع الحريم وتقهوون بعد ماخلصو تلبس عبايتها وتودعهم وتطلع لاياد يروحون لقصر ال زايد
دخلت من بوابة الحريم تستقبلها عليا مع الحريم والبنات ودخلت تتقهوى معهم وتسولف لبست عبايتها تودعهم وطلعت تسلم على عمانها واخوانها وابوها تطلع مع إياد ويمشون للمطار
