فتحت عيونها بتعب تحس بيد فيصل الي محاوطتها بعدتها بهدوء تاخذ روبها المرمي وتدخل الحمام اكرمكم الله اخذت دش تغتسل وتنعش جسمها المتعب طلعت تلف الروب على جسمها واخذت فستان ابيض ميد يغطي اكتافها ورقبتها وفيه فتحه من الصدر مزين بسلاسل صغيره وفيه فتحه من الفخذ الايسر لاخره حطته على الكنب وفرشت سجادتها تلبس جلالها وتصلي فرضها سلمت تناظر فيصل الي لسا نايم وواضح متعمق بنومته وتركت شعرها المبلل على راحته تنزل للمطبخ فتحت الثلاجه الي كان مجهزها فيصل وابتسمت تطلع المكونات وتسوي فطور خلصت تحط الاكل على الطاوله وطلعت لغرفتهم تتكي على الباب ببتسامه وهي تشوف فيصل الي توه صاحي ويطق رقبته: صباح الخير
اتسعت ابتسامته من ناظرها يوقف: صباح النور
اتجهت للكنب تنطق له: غير ملابسك سويت الفطور
هز راسه يفتح دولابه واخذ ملابسه يدخل وياخذ دش ويغير طلع يجفف شعره وماشافها وصلى فرضه ينزل لتحت جلس جنبها يفطر معها بهدوء وابتسم: متى تبين موعد السفر؟
رفعت نظرها له: ما ادري متى تبي انت؟
فيصل بهدوء: والله جهزي نفستس بتغيبين شهر عنهم يعني بعد ثلاث ايام ودعيهم وبنبدا نروح مكه نعتمر ونسافر من هناك
ابتسمت تهز راسها بالايجاب وخلصو يفطرون تاخذ الصحون للمطبخ وغسلتها تنشف يدها وتطلع لغرفتهم اخذت فستانها تلبسه وجلست امام التسريحه تجفف شعرها وتفيره حطت مكياجها تلبس ذهبها رفعت نظرها من المرايه لفيصل الي لبس ثوبه وخلص تعطرت تاخذ المبخره الالكترونيه وتتوجه له فتح شماغه يحاوطها وابتسمت تبخره معها بعدت عنه تاخذ عبايتها ولبستها تلبس كعبها الاسود واخذت نقابها تنزل معه طلعو من البيت يركب سيارته وركبت فيّ جنبه يحرك لقصر آل زايد دخل اسوار القصر من انفتحت البوابه وركن سيارته ينزل يمسك بكف فيّ ويدخلون افترقو يدخل فيصل المقلط وفيّ جوا واستقبلوهم الاهل يسلمون عليهم ويدخلون لجوا جلست فيّ جنب يقين والابتسامه مافارقتها صبت لها قهوه يقين تجلس: وش سر هالابتسامات
ضحكت بخفه ترتشف من فنجانها: نبتسم لوجوهكم الي تجيب الخير
رفعت حاجبها يقين بعدم تصديق: كملي صدقتس وين بتسافرون؟
رفعت اكتافها فيّ بعدم معرفه: فيصل قال بعد ثلاث ايام اول شي بنروح نعتمر بعدها نسافر من مكه
ابتسمت يقين بحب: وهه اخوي كيوت الله يخليكم لبعض يارب
ابتسمت فيّ تهمس بآمين وكملت سوالف مع امها والحريم دخل عبد الرحمن توقف فيّ تسلم عليه وتقبل راسه وسلموه عليه البنات يجلس جنب عليا وفيّ جنبه من الجهه الثانيه وابتسم ينطق بهدوء: بعد بكره رايحين المزرعه حق عبدالله عازمنا عليها
ويمكن نطول عاد جهزو نفسكم
هزت راسها عليا: ان شاءلله
وجّه انظاره عبد الرحمن لفيّ: فيصل قال بتسافرون بعد ثلاث ايام يمديكم تجون معنا صح؟
ابتسمت تهز راسها بالايجاب وتقبل كف يده: نجي لعيونك يابعدي
عقدت حواجبها من حست بتميم الي حاوط خصرها من وراها نزل دقنه على كتفها رفعت نظرها لهم من المرايه وبلعت ريقها من الحراره الي سرت بجسدها طلع علبه تميم يفتحها وابتسمت أسيل بخفه وخجل من شافت السلسال الناعم اخذه بيده يوخر شعرها للجهه اليمنى ويلبسها وتشقعر جسمها من قبل عنقها من الخلف لفت له ترفع يدينها لصدره وتنطق بتاتأه: شو...شكرا
ابتسم تميم ينطق: ليه تتوترين؟ ماني ماكلك ترا
بلعت ريقها باحراج: ادري بس ماتعودت عليك
ضحك يبعد عنها مايبي يحرجها اكثر واخذت جوالها تطلع للبلكونه الي بالكوخ وتتهرب منه فتحته تناظر الصور الي ارسلتها ميهاف لها وطلع تميم لها يعقد حواجبه من شافها تبكي تقدم يمسك كفها: اسيل شفيك؟
لفت له الجوال بدموع وبراءه: شوف طالعين كشته بدوني وقاعده تقهرني
جلس تميم يرفع حاجبه: الحين تبكين عشان كذا؟
هزت راسها بالايجاب وهز راسه بأسى منها يطلع جواله ويدق على عناد رد عليه يرحب فيه: ارحب
ابتسم تميم يناظر اسيل: تخيل اسيل تبكي
عقد حواجبه عناد: ليه وش مسوي فيها ياسربوت
ضحك تميم: والله زوجتك السبب مرسله لها صور كشتتكم تقول ليه كاشتين بدونها
تعالت ضحك عناد وسمعته اسيل لانه فاتح السبيكر: اسالك بالله عشان كذا؟ الله يعينك
ضحك تميم يكمل يسولف معه واسيل تناظره بصمت وهي حاضنه المخده سكر منها يلف لها: ولا تزعلين ترا بكره راجعين المملكه
استعت ابتسامتها تقرب منه بعدم انتباه: الله جد؟شكرا تميم
ارتكزت انظار تميم على ثغرها الي نطق باسمه وارتبكت من نظراته بترجع بس مسكها تميم يمنعها تبعد عنه وقربها له يقبلها ارتجفت تغمض عيونها بمغص داهمها ببطنها من حركته ارتخى جسمها بحضنه وسكرت عيونها بقوه تتمسك فيه من وقف وهو لسا يقبلها سكر البلكونه ينزلها على سريرهم ويطبع قبلاته واثاره على جسمها يعلن وصلهم
