صرخت جود بقوه على فتون والصدمه ماثره عليها: شايفه بنتس الرخيصه كيف!!!
تقدمت فيّ لها بنفس صراخها: اقطعي مااسمح لتس ترفعي صوتس على امي ولا تغلطين عليها
لفت عليها جود والقهر معميها ورفعت يدها تعطيها كف عم الصمت من صوت الكف ودخل عبد الرحمن وبعده عياله من صراخهم والبنات الي تغطو وصرخت فيّ الي برد وجهها من الكف: انااا يبنت ال#*#* تمدين يدتس علي والله ماتروح لتس
مسكتها من شعرها تدفها على الجدار بقوه والشرار يتطاير من عيونها مدت يدينها لعقنها تخنقها بقوه ومسكت يدينها جود تحاول توخرها عنها لان انفاسها انكتمت وصرخت فيّ ما شافت فيصل يقترب منها: والله احد يتدخل لاقلبها مجزره اليوم
تقدمت ريما تبكي وهي تشوف جود تحاول تبعد: فيّ ان كان لي قدر عندتس بعدي عنها
ماردت عليها تكمل تخنقها بقوه حست بفيصل الي يكتفها ويبعدها عنها: فيّ خلاصص
ابتعدت تناظر وجه جود الي صار ازرق وسقطت على الارض تستجمع انفاسها تنفست فيّ بقوه من قهرها وتقدمت لجود بصراخ: شفتي الي تقولين عنها رخيصه؟ فيصل زوجي! فاهمه ايش معناها انا وفيصل مملكين على بعض وماكشفنا عشان عمتي ريما بس اما انتِ اعلى مافي خيلتس اركبيه
تركتهم تدخل لجوا وتقدمت ريما لجود بتقومها بس صرخت تبعدها عنها: ابعدوو عنيي كلكم تعرفون وماقلتوا لي!!ليهه ليه خليتوها تسرق فيصل مني ليش! حسبي الله عليتس يافيّ
تقدمت منها منيره الي كانت مذهوله من الي صاير ووقفتها تضربها كف وهي تدمع: لا ترمين نفستس على احد جود قدري نفستس! مايستاهلتس نصيبها ياجود لا تسوين بنفستس تسذا
حضنتها منيره تبكي على حالتها وهي مو اقل منها لفت لعبد الرحمن الي تقدم يحضنها وبعدت منيره تسمح له يحضن جود ومابيده حيله فيصل يبي فيّ ومستحيل يجبره على جود الي الحقد بدا يملا قلبها،
بعد مامشوا الكل تقريبا وكانو منصدمين لانه الحين اعلن ملكتهم وفيّ الي تحس بنار تاكلها من الكف الي ضربتها جود لفت لفيصل الي فتح الباب يدخل وناظرته لثواني تبلع ريقها: فيصل........
دخلت الغرفه تفصخ عبايتها وهي للحين منصدمه بلي صار لفت لطلال الي دخل وصدت تاخذ بجامتها وتدخل الحمام الله يكرمكم تغير واخذ نفس طلال من وضعهم طلع جواله ينسدح على الكنبه وناظرها تطلع وتنسدح على السرير دخل حساب تولين يرسل لها: هاي كيفك؟
ناظرها بطرف عين تبتسم من وصلتها رسالتها وردت على طول: بخير ياعيوني وانتِ
تالين: الحمدلله كيف شعورك وانتِ متخرجه؟
فتحت الفويس تسجل: مره رهيب والله انزاح هم عن ظهري
تورط طلال ومافتح الفويس وثواني ورد: وش بتدخلين تخصص؟
روان: افكر مادخل
عقد حواجبه: ليه؟
روان: مالي خلق والله ويمكن طلال مايوافق بعد مابي اطلبه
زادت عقدة حواجبه بعصبيه خفيفه من كلامها ورد: روان البنت مالها الا شهادتها وطلال ليه ما يوافق مارح تسوين شي غلط
اخذت نفس: مادري بفكر
صوت بكائها يصدو بغرفتها كل احلامها مع فيصل انمحت وقفت من طق الباب المستمر وفتحته ظنها منيره: مني....، سكتت بذهول تناظر فيصل قدامها ودخل الباب يسكر ناظرته بصدمه وتقدم فيصل لها سحبها لحضنه رفع يده يمسح على شعرها بهدوء وجود مصدومه منه بعد عنها يجلس واشر لها تجلس جلست قدامه ومسك كفوف يدها ينرسم وجه جديد على وجه فيصل وجه مافيه الا الخبث والحقد وابتسم بوسع ثغره ابتسامه تدل على خبثه: لا تتعبين نفستس بالبكاء زواجي من فيّ كلها خطه مني جود انا ماحب غيرتس بس فيّ الوحيده الي بتوصلني للي ابيه
ميلت راسها بعدم تصديق وكمل فيصل: الورث ياجود القصر كلشي فيّ الي بتوصلني له وبعطيتس شي وبتكونين معي لين نخلص هذه التمثيليه وبعدها اقتل فيّ قدام عيونتس
رمشت لثواني تبلع ريقها: فيصل بتسويها؟ وش الي بتعطيني
اتسعت ابتسماته: اطلع ابوتس من السجن
