اخذت نفس من اعماقها تقرر قرارها النهائي بعد ما استخارت رفعت جوالها بعد ماتصلت على ملاك ردت عليها: هلا بعيوني
ابتسمت رهف بخفه: كيفتس
ملاك: بخير وانتِ؟
هزت راسها كأنها تشوفها: بخير بس بقولتس
نطقت ملاك من سكتت: وش؟
غمضت عيونها: اذا يبيني غسان يخطبني انا موافقه
سكرت بدون ماتسمع رد ملاك الي توسعت عيونها بفرحه وذهول ورفعت راسها من دخل غسان تصرخ: وافقت ياغسان وافقتت
عقد حواجبه من صراخه: شفيك من وافقت
حضنته بفرحه: رهف تقول اخطبها موافقه
مسك كتفينها يبعدها بذهول وعدم تصديق: تمزحين؟ ملاك الموضوع مافيه مزح
هزت راسها بالنفي وهي تضحك: والله وافقت والله ياغسان خذها قبل لا تروح منك
ضحك بفرحه يحملها وملاك تصارخ من فرحتها نزلها يضحك: بكلم ابوي
هزت راسها تمشي معه للمجلس
انسدح يزن بتنهيده: اخخخخ يالدنيا
رفعت حاجبها سماهر: اشبك وش بها الدنيا؟
تكى بيده بحزن متصنع: الكل تزوج الا انا مالقيت فتاة الاحلام ماعندتس؟
سكتت لثواني تبتسم: اف يزون وربي عندي وحده تناسبك مرهه مناسبين
اعتدل بجلسته قدامها يتربع: من جدتس؟ مين هي؟؟ اقارب؟؟
هزت راسها بالنفي: صديقة الماسه سوسن
وغمزت: جداويه برضو حتعجبك نكلم بابتك؟
هز راسه على طول: ماقول لا لازم اتزوج طفش وزباد خاين سحب علي
ضحكت توقف معه ودخلو المقلط الي جالس فيه عبد الرحمن ومحمد جلسو عند محمد ويزن يقهويه: سم ياطلق اب انا اشهد انك اكسجيني
ناظره محمد بشك يعرف وراه بلاه واخذ الفنجال: سم الله عدوك شعندك
مسكت يده سماهر: يخويَ ماتحس ولدك كبر يعني لازم نزوجه وكدا فهمتني
رفع كفه عبد الرحمن: بس عرفت يبي يتزوج الولد
ضحك يزن: احب الي يفهمني
محمد: لا حول ولاقوة الابالله شبلاكم انتم واحد ورا الثاني وانت من تبي مايجي وراك خير
تكلمت سماهر قبله: افا عليك يخويَ البنت مني ما شاءلله اهل وحسب ونسب ذا سربوت لا تثق فيه انا الي اخترتها له
وسع عيونه يزن يناظرها وغمزت له يعني مشيها وهز راسه محمد: خير ان شاءلله خير
دخل الغرفه يستريح من انتهت مناوبته ونزع بريهته يجلس على سريره يحسب ايامه متى يرجه لجُمانته دخل احدى العساكر الي معه يجلي على سريره وطلع جوال من تحت السريع: تبي تتصل؟
ابتسم عاصف بامتنان كبير له: اذا ماعليك امر
ابتسم يمده له ويطلع واخذه يسجل رقم فيّ دق وسكرت بوجهه ودق مره ثانيه وثالثه لين ردت: نعم يخوي شتبي
ابتسم عاصف: افا بس وش ابي
توسعت عيونها: عاصففف
ضحك: عيونه
كشرت بحزن:وينك ياخي متى ترجع جُمانتك تبيك
عض شفته: قريب ان شاء الله
وسكت ثواني يكمل: عطيني رقمها
هزت راسها تمليه رقمها وسكر منها بعد ماودعها يدق على جُمان الي ماردت من شافته غريب صار يدق اكثر من مره لين طفشت ترد: هلا؟
ابتسم بكسره من صوتها الي واضح فيه البكيه: هلا بشرايين قلبي
ارتجفت شفاها تنزل دمعه وتهمس: عاصف؟
غمض عيونه من نطقها لاسمه: عيونه وروحه
بكت بدون صوت ماترد ونطق: ماقدر اكلمتس كثير بتسكتين؟
نطقت بصوت مهزوز وخافت: متى ترجعلي؟
عاصف: شهرين بالكثير وارجعلتس ياجُماني لا ترهقين عيونتس بالدموع تكفين ادعي لي وان كتب ربي انا راجعلتس
سكتت لثواني تمسح دموعها وتنطق بصوت خافت: انتبه لنفسك
سكر منها من دخل خويه يحذف رقمها ورقم فيّ ومده له يشكره وانسدح يغطي عيونه بذراعه ويتخيل ملاكه
