نزلت هدى الي لابسه مخور وتجمعوا الثلاث يروحون لبوابة القصر الداخلية
ابتسمت ميّ بخفوت تنزل من سيارتها من انفتحت لها البوابة دخلت تركن سيارتها ونزلت تدخل ابتسمت بهدوء من شافت ريتال وحرمة معه ووحدة واضح بنفس عمرها تقدمت لهم وبدو يسلمون عليها بحرارة دخلت معهم للداخل واتصلت ريتال على البنات الي تأخروا ومفروض يجون من قبل (رهف حور فرح الماسة) بس الي رح يجون لانهم فاضيين دخلوا البنات وبدو يسلمون على بعض وتقدموا يسلمون على ميّ جلسوا يتقهوون ويتبادلون السوالف وريتال الي لو ودها تطير من فرحتها انها جت وكملوا يومهم بعد ماتعرفوا البنات على ميّ.
*
29شعبان~12
نزلت من غرفتها بعد مالبست مخور وردي مزين بالماسات صغيره ولابسه عقد الماس خفيف مع خاتمه واقراطه وشعرها يتزين بالولو ابتسمت تشوف دانة الي نزلت ولابسه مخور بعد طلعوا للحديقة الخلفية الي فيها عليا والحريم والبنات تقدمت الماسة تسلم على راس جدتها وبعدها الدانة قعدو جنب بعض يتكلمون ويسولفون وحماسهم فل عشان رمضان بس مخرب عليهم روحة فيّ بثاني رمضان وعند الرجال كانوا مجتمعين بالعريش كل رجال آل زايد وبكل قصر من قصورهم نفس الشي صارت الساعة 2الليل ووقفوا كل البنات يدخلون المطبخ ويبدا يحضرون السحور خلصوا يبدون يجهزون الطاولة وطلعت هاجر تنادي عاصف الي جاء مع نياف يبدون يطلعون سحورهم اجتمعوا كل منهم على سفره وحدة وبدت اجواء رمضان عليهم واذن الفجر عليهم يصلون وينامون.
*
الساعة3العصر|الخبر
الثلاث مجتمعين بالمطبخ وباديين يجهزون الفطور لفت نجد من دخلت خلود: ياهلاا بقلبي ياهلاا
ابتسمت لها خلود وتوجهت لهم تشوف ناهد الي قاعدة تلف السمبوسة وجوري ونجد الي يجهزون اكلات للفطور تقدمت تطلع المكونات وابتسمت نجد: اكيد سمبوسة
ضحكت خلود: طبعاا ويكمل الفطور بدونها؟
ضحكت وكملوا يسوون فطورهم بضحكهم وسوالفهم
قصر ال منصور
الرجال كلهم مجتمعين بالمقلط وقاعدين يقرون قران بعد صلاة العصر وبالداخل البنات والحريم يسوون الفطور وكل وحدة عليها شي ونفس الشي عند ال مترك وال زايد
بالديرة~
لابسه قميص روز باللون الاحمر وعاملة شعرها كعكة لفوق وقاعدة تساعد ليلى وأسيل وكانت اصنافهم تتنوع بين مرقوق ومطاطيز وجريش واكلات معتادة دخلت سلسبيل المطبخ تناظرهم
ميهاف بسخريه: ليه قمتي طال عمرك كان كملتي نومة
تعالت ضحكات البنات ونطقت بغيض: شدخلك انتِ اصحى متى مابي تحشرين خشمك ليه؟
تجاهلتها تكمل حشي الشيش برك دخل عناد البيت يشم الريحة وابتسم: ايش ذي الريحة الحلوةة
ابتسمت ليلى وتعمدت تغيض سلسبيل: مرتك السنعة ياحبيبي ما شاءلله عليها
ضحكت ميهاف: توكم ماشفتوا الحلا
ضحك عناد وتقدم يدخل المطبخ: تسلم يدينك
ناظرتهم سلسبيل وانقهرت انه ماهتم لها ومشت تطلع من عندهم
وهمست اسيل: رفله يناس
ضحكوا البنات بهمس وطلع عناد يوزع التمر والفينتو على اهل الديرة لانها عادة عندهم.
