راح يزن يتبرع لها بعد الفحوصات ودخلوا على فيّ بعد ماقامت
راحت امها تحضنها وهي تبكي
فيّ بتكشيرة: شفيتس ماما؟ تبكين هذاني قدامتس ومافيني الا العافية
راحت دانة تحضنها واخوانها وباقي عائلتها
تنحنح فيصل عشان تتغطى بيدخل تغطت ودخل وهو يتبسم: الحمدلله على سلامتس فيّ
في بأبتسامة تعب: الله يسلمك
فيصل: ابشرتس مسكوا سليم ومشاري معه واحتمال كبير حكمه اعدام لانه لقوا اشياء مره كثيره عليه
تتهدت براحة تنطق: بعد سنة قدرت امسكه ابن ال#*#**
دخلت عليهم الممرضة: تقدرون تطلعون الحين لازم ترتاح وننقل لها الدم
طلعوا كلهم ونقلوا لها الدم واعطوها مسكنات عشان الألم
بعد ايام~
انتشر الخبر انها مصابة والكل جاء يزورها من عائلة مترك وصديقاتها...
يوم الاثنين~
يوم خروج فيّ من المشفى
دخلت القصر بمساعدة سلمان ويزن وقعدت معهم شوي وتوجهت لغرفتها تنام بسبب تعبها
واصرت عليهم انه يوم الاربعاء بروحون يخطبون البندري
مر شهر بدون احداث كثيرة ومهمة~
بدت في تتعافئ ورجعت لشغلها وحب فيصل لها يزيد
سلمان خطب البندري الي انصدمت بس استخارت وارتاحت فوافقت وعرسهم بعد 3شهور مع الملكة وبدوا يمونون على بعض ونص وقت هواش على اشياء سخيفة
_بارت35
المدرسة~ عند ريتال
جالسة وقدامها شلتها
مرام بهمس: بنات شوفوا جوليان جاية عندنا
ريتال: شتبي ذي النشبة؟ واضح ناوية تتكفخ
روان: ريتال لا تكلميها خليها لو جتك اعطيها حقها
هزت راسها بهدوء
جت جوليان ووقفت قدام ريتال مع شلتها ونطقت بدلع: اوه رتولة هنا
ريتال تحاول تمسك اعصابها: طيب شتبين؟
جوليان باستفزاز: شوفوا روح مامتها خايفه بتبكي وضحكوا صديقاتها معها
ما كملت ضحكتها الا تحس باحد يضربها شهقت روان تحاول تبعد ريتال عنها بس وين حاولوا يفرقون بينهم لين جت الوكيلة وصرخت عليهم: انتِ وياها امشوا على مكتب المديرة
نهضت ريتال تشمر اكمامها وتمشي بهدوء وقامت جوليان وهي تبكي
دخلوا للمكتب والمديرة تصرخ: عيال؟؟ عيال انتم! وش بقيتوا للعيال تتضاربون! مهابيل انتم!
ريتال بهدوء: هي جايتني ماسويت لها شي
المديره وهي شوي وتنجلط من برودها: اسكتي انتِ انكتمي بتصل على ولي امركم اقعدوا مكانكم
عند ماهر~
كان بسيارته طالع مع نياف قاعدين يدندنون ومروقين على الاخير قطع عليهم اتصال لماهر
عقد حواجبه من شاف رقم مديرة مدرسه ريتال: ياربي شمسوية ذي بعد
_بارت36
المديرة: السلام عليكم ولي امر الطالبة ريتال؟
ماهر: اي اتفضلي في شي؟
المديرة: والله يا استاذ ماهر ريتال كاسر لوحدة خشمها ومتهاوشين بنص المدرسة وضروري تحضر
انصدم ماهر ونياف معه لانه كان فاتح سبيكر: تمام مسافة طريق بس
هزت راسها وسكر
لف يشوف نياف الي ماسك الضحكة ويحاول يكتمها: انكتم انت بعد وش يضحك تقولك كاسرة خشم بنت!
انفجر نياف ضحك لين دمع: اخخ ماهر قسم كنها فيّ تكسير خشوم مره واحدة!
عطاه نظره وتنحنح يسكت وصلوا المدرسة ونزل ماهر ودخل عندهم
شاف ام وبنتها تبكي وجالسة وريتال جالسه بالكرسي الي قدام بهدوء: السلام عليكم
الكل: وعليكم السلام
المديرة: شوف وش سوت بالبنت!
ريتال: هي جت تحارشني! تستاهل الي جاها
ناظرها ماهر بحدة وسكتت جاء بيتكلم وقطع عليهم طق الباب
المديرة:ادخل
الطالبة: اا استاذة انا كنت حاضرة الهوشة وشفت شصار والي بدا كانت جوليان جت تحارشها هي وشلتها وشفت ريتال جالسة ماتكلمت بس ما ادري شقالت لها وضربتها
ناظرت المديرة جوليان بعدها ريتال: ريتال صح الي تقوله ولا لا؟؟؟
هزت راسها بهدوء بدون رد
فكرت المديرة لثواني: مدام كذا جوليان بتوقعين تعهد وتاخذين فصل اسبوع وريتال بتوقعي وتاخذي فصل ليومين لانك مديتي ايدك عليها
وقعوا وطلعوا وطلعت ريتال بهدوء مع ماهر وماكنها مسوية شي
طلعوا لبرا وقعد يناظرها وهي تناظره ببراءة: شفيك مهوري؟
رفع حاجبه: لا صدق مهوري؟ كاسرة خشم البنت يا ادمية!
ريتال بنرفزة: ياخي ماسمعت البنت شقالت؟ هي جايتني برجولها تستاهل ماجاها
زفر بقلة حيلة منها ومن عنادها: امشي الله يخلف عليك بس
راحت وركبت ورا وهي ساكتة وركب قدام مدت يدها تقرص فخذه من كرسي السائق عشان تكلمه لف لها وهمست: تكفى خذلي كوفي قبل مانرجع البيت
ماهر: لا
ريتال: ياخي العزيز الغالي احبك تكفى
ضحك بخفة: طيب اعقلي
ضحكت بخفة ترجع ظهرها للخلف جاهلة عن الي سامع كلامها وضحكتها ترن باذانه!
_بارت38
المحكمة~
قضية تتولاها المحامية منيرة بنت راجح وكعادتها تطلع ناجحة بالقضية!
دخلت مكتبها تتصفح جدولها بحاسبها رفعت اناظرها لدق الباب ونطقت بهدوء: ادخل
دخل عليها الطرف الثاني من القضية (الي كانت ضده) وكان يصارخ ويشتمها ناظرته بصدمة كيف يتجرا يدخل مكتبها كذا!
منيرة بغضب: اعنبوك اطلع ياقليل الادب جاي تسب عندي وتشتم؟؟ انقلع لاجيب لك الحين الحراس
تقدم لها متجاهل كل تهديتاتها ومنيرة ترجع للخلف بخوف......
