MUNAFUKIN MIJI

Chapter 49-50

"Abba" ta furta cike da kunya shi kuma ya riƙe ta da tafukan hannayensa, dukda cewa ita ta yi requested auren a wajan shi, amma ji yake kamar ta shiga zuciyarsa, dukkan wasu ƙofofi na zuciyarsa a buɗe suke ƙara raya kan su suke da farfaɗo abinda ya kusa macewa a tsakiyar ƙirjinsa. Hajja Azizat ta ce "Congratulations" Baba ƙarami ya saki hannunta baya ya yi mata runguma ƴar sunna ya koma ya zauna a hankali ya ce "Allahamdulilah" ta nemi waje ta zauna ta ɗan buɗe mayafin kanta sukai shiru can baba ƙarami ya ce

"When last rabon dana ganki haka kusa dani Azizat?"

"Tun ranar ɗaurin aure na" ta furta cikin ƙasa da murya ya jinjina kai kamar yadda Abbiey yake idan yana son kawar da zancen addu'a ya yi sosai mai tsayi kana ya shafa ya ce.

"Allah ya bamu zama lafiya"

"Amin"

"Am still on your mind kenan? Wanne qualities kika gani wajan tsoho mai tarin jikoki har kikai sha'awar aurena?" Ta yi masa wani irin kallo kafin ta ce "Tun qualities ɗin dana gani a baya na nace maka, shi ne dai"

"And you left me, har yanzu ban san dalili ba"

Ta ce "Destiny! Ƙaddara mana ita ce dalilin Abba ta raba mu and now we are together, za mu kasance har abada"

Ya yi murmushi yana shafa gemunsa ya ce "In sha Allah" sai ya kalleta sosai ita dai still da garin ƙuruciyarta daman ba wani jikin kirki gare ta, a goge fatarta take ƴar daidai da ita.

"Tahir ɗin da kika sani a baya yanzu fa bashi bane Azizat, ina da yaro mai shekaru wajan 40 gani da jikokai, anya zan iya sauke nauyin ki kowa? Ba ki yi kuskuren zaɓe na a karo na biyu ba?"

Idanunta a kansa ta ce "I'll never regret in sha Allah Abba,in dai kana so na ai komai mai sauƙi ne" bai ce komai ba ya ɗauki wayarsa ya duba, daman tun kiran farko da ta yi masa ya san kwanan zancen yaƙi zuwa wajanta ne sai da ta gama idda, tana gamawa kuma ta masa text via mail kai tsaye, bai tashi zuwa wajanta ba sai da ya tabbatar igiyar aurensa ta hau kanta, bayan shaidu sun shaida. Ya miƙe tsaye ya ce "Zan shige ni" ta ce "Tun yanzu ango?"

"Kina da wajan ajjiye ni ne?"

"Sosai ma" ya girgiza kai ya ce "Kina buƙatar wani abu ne?"

"Babu sai abu ɗaya" har zai tafi ya ce "Me?"

"Bari kaga" ya tsaya ta ƙarasu wajan kafin ya ankare ta rungume shi tare da yi masa kiss a kumatu, ya hangame baki ya zama kamar statue ya ji kamar wani ke jan shi, ta yi masa bye bye yana dai tsaye bayan ya tabbatar ba wanda ya ga wannan abin kunyar ya sauke numfashi ya fice.

Fitowa Abbiey ya yi bayan sun kammala magana da Ridayya ya nufo hadaɗɗan main da yake tsakiya yana gaba tana biye da shi hannunta riƙe da hula, ta dube shi ta ce. "To Allah ya sa hakan shi ne mafi alheri" a nutse ya ce "Amin, shi ne ma tunda bana jin siyasar a raina"

"Haka ne, kawo na saka maka hular"

Ya rausayar da kansa gefe yana kallon yadda take ɗage amma ta kasa ta bashi hular kuma taƙi shi kuma yaƙi sunkuyo da kansa ƙasa "Abbiey please ka miƙo kan" yaƙi cewa komai sai kallon ta kawai da yake da wani irin yanayi mai fisgar zuciyar duk wata budurwa. Ta ɓata rai sai kawai ya saka hannunsa biyu ya ɗago ƙugunta sama "Saka" tana dariya ta saka masa hular tare da tattare gashin ta tura cikin hular.

"Ka yi kyau sosai kamar karka fita ko'ina" ya lumshe idanunsa ya buɗe "Me zan taho miki dashi?"

"A'a ba komai"

Ya haɗe hannuwanta biyu ya riƙe "Allah ya yafe kiki Mimi, hakan kyautatawa iyali ne kuma koyarwar Annabin tsira ne, kawowa iyali tsaraba muddin akwai halin hakan"

"To ka siyo mini vanilla ice cream"

"Banda kayan sanyi" tai shiru tana tunani sosai sai kuma ta ce "Ok Gashasshen nama mai zafi da kuma L&Z"