👾Chapter 8:
ဟယ့်ယွင်ထင်မျက်နှာပျက်သွားခြင်း
"ဟုတ်ကဲ့...ဒါဆို မချစ်မိသွားဘူးပေါ့နော်..."
လုအန်းဟယ်က ရိုရိုကျိုးကျိုးလေး ပြန်ပြောလိုက်သည်။
"ဟုတ်တယ်..."
ဟယ့်ယွင်ထင်က သူလိုချင်သည့် တုံ့ပြန်မှု ရသွားသောအခါမှ ခေါင်းကို ပြန်လှည့်ကာ သူ့ရှေ့မှ ကြွေပန်းကန်ထဲရှိ ကြွပ်ရွနေအောင် မီးသင်းထားသော ကရယ်မယ်သကြားခဲများကို ဇွန်းသေးသေးလေးနှင့် ထိုးနေသည်။
ဟယ့်ယွင်ထင်၏အမူအရာများကို အကုန်မြင်လိုက်ရသော လုအန်းဟယ်၏ မျက်နှာကဘာတွေးနေသည်ကို အဓိပ္ပာယ်ဖော်မရအောင် တစ်မျိုးဖြစ်နေသည်။ သို့သော်လည်း နောက်ထပ် ဘာမှဆက်မပြောတော့ပဲ နေ့လယ်စာကိုသာ ကုန်အောင်စားကာ သူ့ဘော့စ် ကရယ်မယ်သကြားစားနေသည်ကို ထိုင်ကြည့်၍ အလုပ်ကိစ္စအကြောင်းကိုသာ ဆက်ပြောရန် ဆုံးဖြတ်လိုက်သည်။
"ဘော့စ်..."
လုအန်းဟယ်က ခေါ်လိုက်သည်။
"ဘယ်နေ့လောက် စိတ်စွမ်းအားနမူနာ ထပ်ထုတ်ပြီး မစ္စတာလင်းကို လာယူခိုင်းလိုက်ရမလဲ...ဒါမှမဟုတ် နည်းနည်းကြာမှပဲ သူ့ဆီကို ပို့လိုက်ရမလား..."
စိတ်စွမ်းအားနမူနာထုတ်ရန်မှာ အချိန်ယူရ၍ ယခင် အလဲခံလိုက်ရသည့် စိတ်စွမ်းအားနမူနာကိုလည်း လင်းဟန်က ဖျက်ဆီးလိုက်ပြီဖြစ်သောကြောင့် ထိုပုံစံနှင့် လုံးဝဆင်တူသော နမူနာကို ထုတ်ရန်မှာ နောက် နှစ်ရက် သုံးရက်ခန့် ကြာဦးမည်ဖြစ်သည်။
ဟယ့်ယွင်ထင်က လုအန်းဟယ်၏မေးခွန်းကို တိုက်ရိုက်မဖြေပဲ နောက်မေးခွန်းတစ်ခု ထပ်မေးခိုက်သည်။
"မင်း ဖုန်းဆက်တုန်းက လင်းဟန်က မက်ခါကို စက်နှိုးပြီး စိတ်စွမ်းအားနမူနာကို မက်ခါရဲ့ AI စနစ်နဲ့ တပ်ဖို့ လုပ်နေပြီလို့ ပြောတာလား..."
"ဟုတ်တယ်...ဘာဖြစ်လို့လဲ..."
လုအန်းဟယ်က အမှန်အတိုင်းပင် ပြောလိုက်သည်။
"ဘော့စ် စိတ်မပူပါနဲ့...မစ္စတာလင်းရဲ့ စကားကို ကျွန်တော်ယုံတယ်...သူက အချိန်မှီဖျက်ဆီးလိုက်တယ်လို့ ပြောတော့ ဘာမှ မဖြစ်လောက်ပါဘူး..."
YOU ARE READING
ကျွန်တော်က စိတ်ဖတ်နိုင်တယ် but (ဘာသာပြန်)
Science FictionTitle - Description မှာ ထည့်ထားပါတယ် Update- တစ်ပတ် ၂ပိုင်း
