👾Chapter - 20
[ ငါ တောင့်ခံနိုင်တော့မှာမဟုတ်ဘူး ]
လင်းဟန်က ထိုသည်ကို ယုံကြည်သွားပြီး စိတ်သက်သာရာရစွာ သက်ပြင်းချလိုက်သည်။ သူ၏ လက်ရှိဒီဇိုင်းအားထိခိုက်နိုင်ခြင်းရှိ၊မရှိကို အသေးစိတ်မေးမြန်းပြီးနောက် စိတ်ကျေနပ်နိုင်လောက်သည့်အဖြေ ရရှိသွားချိန်၌ ခေါင်းငြိမ့်လိုက်ရင်း " ကောင်းပါပြီ။ ဒါဆို မနက်ဖြန်ကျ ကျွန်တော် စီမံခန့်ခွဲရေးရာနဲ့ စကားပြောလိုက်ပါမယ် "
လုအန်းဟယ်သည် အောင်မြင်မှုအလင်းရောင်တစွန်းတစ တွေ့ရှိပြီဟု တွေးလိုက်မိရင်း ဖြေလိုက်သည်။
" ဟုတ်ကဲ့၊ ကျေးဇူးတင်ပါတယ် မစ္စတာလင်း "
" စကားမစပ် " လင်းဟန်သည် ဆက်သွယ်မှုကို အဆုံးသတ်ရန် ပြင်လိုက်သော်လည်း ယင်းနောက် ဟယ့်ယွင်ထင်မှာ နံဘေးတွင် ယခု ရှိမနေသည်ကို သတိရသွားသည်။
" ကျွန်တော် ဒုဗိုလ်မှူးလုကို ကိုယ်ရေးကိုယ်တာမေးခွန်းတစ်ခု မေးချင်ပါတယ် "
" ပြောပါ မစ္စတာလင်း "
လင်းဟန်က လက်ချောင်းများကို ဖောင်တိန်၌ ရစ်ပတ်လိုက်ရင်း ညင်သာစွာ မေးလာသည်။
" ဗိုလ်ချုပ်က ကျွန်တော့်ကို ဘယ်လိုမျိုးမြင်လဲဆိုတာ ကျွန်တော် တကယ်သိချင်နေတုန်းပဲ။ ဒုဗိုလ်မှူးလု ကျွန်တော့်ကိုပြောပြပေးပါ။ ကျွန်တော် ဗိုလ်ချုပ်ကို ပြန်မပြောပါဘူး "
လုအန်းဟယ်သည် တစ်ချိန်လုံးအနားမှာ ' ရှိမနေသည့် ' ဟယ့်ယွင်ထင်အား စိတ်ပျက်ပုံပေါ်လျက် စိုက်ကြည့်လိုက်ရင်း
" အဲ့ဒါက..."
လုအန်းဟယ်က ဘော့စ်၊ ကျွန်တော်ဘယ်လိုရှင်းပြရမလဲဟု အဓိပ္ပာယ်ရသည့် မျက်စိတစ်ဖက်မှိတ်ပြလိုက်သည်။ ဟယ့်ယွင်ထင်သည်လည်း အနည်းငယ် စိတ်ရှုပ်ထွေးသွားသည်။သို့သော် သူက လျင်မြန်စွာ တုံ့ပြန်လိုက်ပြီး လုအန်းဟယ်အနားသို့ ခြေနှစ်လှမ်းခန့် တိုးသွားလိုက်သည်။
သူသည် လုအန်းဟယ်အတွက် အဖြေရေးပြရန် ဖောင်တိန်နှင့်စာရွက်တစ်ခုကို ရိုးရိုးရှင်းရှင်း ရှာချင်ရုံသာ။
YOU ARE READING
ကျွန်တော်က စိတ်ဖတ်နိုင်တယ် but (ဘာသာပြန်)
Science FictionTitle - Description မှာ ထည့်ထားပါတယ် Update- တစ်ပတ် ၂ပိုင်း
