👾Chapter 36
ဥက္ခာခဲအပိုင်းအစ
"စစ်ဘက်ဆိုင်ရာ လျှို့ဝှက်ချက်တွေမို့ ပြောပြလို့မရဘူး မစ္စတာလင်း... တောင်းပန်ပါတယ်"
လင်းဟန် ပါးစပ်ဟလိုက်သော်လည်း ပြန်မတုံ့ပြန်ရန်ကိုသာ ဆုံးဖြတ်လိုက်သည်။
"ကောင်းပါပြီ"
ဟယ့်ယွင်ထင်၏ မျက်လုံးပြာများက ခံစားချက်အတက်အကျ မရှိလေရာ လင်းဟန်သည်ပင် သူ၏ ကိုယ်ပိုင် ခံစားချက်များအား မည်သို့ ဖော်ပြရမည်ကိုပင် မသိတော့ပေ။
"ဒါဆို ကျွန်တော် သွားတော့မယ်"
ဟယ့်ယွင်ထင် လင်းဟန်အား ကြည့်လိုက်သည်။
လင်းဟန် တံခါးနားသို့ ရောက်သောအခါ ဟယ့်ယွင်ထင်က ခေါ်လာပြန်သည်။
"စကားမစပ် မစ္စတာလင်း... လက်တွေ့လေ့ကျင့်မှုရဲ့ စတုတ္ထအကျော့အတွက် စစ်သင်္ဘောပေါ် လိုက်လာမဲ့သူတွေရဲ့ အချက်အလက်တွေကို ပြန်လည်စစ်ဆေးဖို့ လိုနေတယ်"
ဟယ့်ယွင်ထင် ပြောလိုက်သည်။
"လုအန်းဟယ်ကို မင်းဆီ အကြောင်းကြားဖို့ ပြောထားပြီးသား... မင်း ဒီနေရာကို ရောက်နေပြီဆိုမှတော့ နောက်ဆုံးရ ကိုယ်ရေးအချက်အလက်တွေကို ပေးလိုက်ပါ"
လင်းဟန် တစ်ခဏမျှ အေးခဲသွားလေသည်။
"ကောင်းပါပြီ"
ဤတစ်ကြိမ်တွင် ဟယ့်ယွင်ထင် သူ့အား နေဖို့ မပြောခဲ့သဖြင့် နှစ်ယောက်သားက လက်ဆွဲမနှုတ်ဆက်ခဲ့ကြပေ။
****
တတိယအကျော့ စစ်ဆေးမှုက တရားဝင်ပြီးဆုံးသွားပြီ ဖြစ်ပြီး တပ်စခန်းမှ မောင်းနှင်သူအသစ် နှစ်ရာသာ ကျန်ရှိလေတော့သည်။
သူတို့ ရင်ဆိုင်ရမည့် စစ်ဆေးမှု စတုတ္ထအကျော့မှာ ဤနေရာတွင် ကျန်နေနိုင်ခြင်း မနေနိုင်ခြင်း၏ အဓိက သော့ချက်ဖြစ်သည်။
အခြေခိုက်စခန်းက ပြင်ဆင်မှုများ ပြုလုပ်ထားပြီး ဖြစ်ရာ ဤတစ်ကြိမ် ရွေးချယ်ထားသော လေ့ကျင့်ရေးနေရာက Mဂလက်ဆီ၏ ဝေးလံခေါင်ဖျားသော နေရာတွင် တည်ရှိသည်။ နယ်စည်းမျဥ်းက ဇီဝမျိုးကွဲများပေါင်စည်းစနစ်နှင့် ကပ်လျက်တည်ရှိကာ ကျိုးတို့ကျဲတဲ ဖွဲ့စည်းထားသည့် ကိုယ်ပိုင်အုပ်ချူပ်ခွင့်ရ ဂြိုလ်ငယ်လေးများနှင့် အတန်ငယ် ဝေးလံပေသည်။
YOU ARE READING
ကျွန်တော်က စိတ်ဖတ်နိုင်တယ် but (ဘာသာပြန်)
Science FictionTitle - Description မှာ ထည့်ထားပါတယ် Update- တစ်ပတ် ၂ပိုင်း
