اني في هواك متملك ( قصة جريئة )

المشهد رقم 1

مشهد رقم 1 🔥

فتحات باب الطموبيل و ركبات حداه و هي ماشي علا بعضها الخوف واضح من تصرفاتها و رجفة يديها و من صوتها فاش نطقات : هانا بالزربة ا [...] .. دوي لا عاقت بيا ماما خارجة فهاد الليل اتخليها عليا ..

[...] كان مضيق فيها عينيه و مميل راسو فيها مخلي غير الضو د الزنقة لي يدخل مضبب مع الزاج لفيمي هو لي يبينها ليه ... عض علا شفايفو و نطق بصوت رجولي كلو خشونة مثقل بثمالة الشراب : ما علموكش تسلمي على حبيبك هو لول ...

[...] بلعات ريقعا و بدات كدور فعينيها و نطقات : ماشي وقتو ايوسف و ماشي تا بلاصتو هادي ..

[...] تبسم بهداوة مراقب حركة شفايفها الكرزية و دار ديمارا الطوموبيل و نطق : انغيروها لشي قنت ناخدو فيه راحتنا ..

[...] خرجات فيه عينيها و قبطات فدراعو و هو سايق و نطقات بخوف : لا لا ا [...] اويلي واش تسطيتي...

[...] بقا مكمل سياقتو ما داهاش فرغيبها .. كان غير مرة مرة كيشوف فيها و هو مبتاسم ديك الإبتسامة الساحرة ديالو .. فلحضة خلاها تسها فيه مرة اخرى و بحال كل مرة .. صفنات فتفاصيل ملامحه الرجولية كثافة لحيتو و حواجبو .. منخرو لي كيف شي سيف حاد و مدبب ملامحه كانت بقدر ما هي صوفاج كانت وسيمة بزاف .. وسامة رجولية خشنة..

سكاتها و سهوها خلاوه يتبسم و هو كيفراني مسكت الطوموبيل فواحد لكوان قدام القهوة ديالو من الجهة لورانية .. و شاف فيها و هو كتكي على الكوسان و مرجع راسو لور .. و نطق بخشونة : بغاو يفرقونا ادنيا ديالي .. تا الوليدة ما بغاتش ..

[...] خرجات فيه عينيها لي بسرعة البرق تجمعو فيهم الدموع تقول كانو كيتسناوه غير ينطق بداك لكلام .. و نطقات حتى هي : علاش ..

[...] شاف قدامو و زفر بضيق مانع نفسو انو يصارحها بداك الشي لي قالت مو و نطق : ما بغاتش و صافي قالك داويا مع الخالة و ناويين ياخدو ليا بنتها ..

[...] قلبها تطعن من كلامو و الريق مرار فجوفها .. و دموعها نزلو و نطقات بصوت هامس مرتجف : وانا ..

[...] شاف فيها و عيونو الحمرين جاو فعينيها الدامعين و المقهورين .. تنهد و قربها منو واخد يدها بين يديه و باسها و شاف فيها و نطق : نتي الدنيا ديالي .. نتي هي كلشي .. يا نديك يا نديك ..

[...] بلعات ريقها و زادو دموعها دازو و نطقات : و اش غنديرو و ماما وماماك ما بغاوش زواجنا ..

[...] بقا ساكت كيشوف فيها .. تا كسر الصمت فاش نطق : نهربو..

[...] خرجات فيه عينيها : كيفاش ..

[...] حرك راسو بالإجاب ناطق : هربي معايا .. نتزوجو ... بيني بينك ... ديري يدك فيدي و نقصدو لعدول نتزوجو و نعيشو بجوح فدارنا بعيد على المشاكل ..