اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
التسريب رقم 1 ⚠️❌
هزات بين يديها داك التيست و عينيها كيلمعو مخلطا عليها الفرحة مع التوتر مع الخلعة بحكم ما كانتش ضاربا لحساب للحمل و هي كانت واخدا كل احتياطاتها ..
زفرات بالجهد و حطات داك الطيسط فوق لافابو د الحمام و حطات يدها على فمها و دموعها كيدوزو و حطات يدها الثانية على بطنها كتتحسيو بحنان و عينيها الدامعين باقيين على داك التيست و همسات برجفة : حاملة ... والله تا حاملة ..
التسريب رقم 2 ⚠️❌
هزات الطيليفون بين يديها كتلعب بيه و هي مبتاسمة ابتسامة خبيثة و عينيها كلهم شر و مكر و نطقات : هادا هو لي غيخليه يلوحك لزنقة كي الكـ لبة يا لحرامية .. و الا ما دارهاش ما تسمينيش الحاجة حادة ..
التسريب رقم 3 ⚠️❌
كانت مخرجا فيه عينبها برعب و كلها كتترعد حرفيا و هي كتشوف ديك القسوة كولها فعينيه الحمرين لي كيخلعو ناهيك عن قبضتو الفلادية باش كان شاد دراعها و مزيررر عليها ... و نطق بقسوة اكثر و هو مزير على فكو : اتعاودي تباني قدامي تا بالضحك اتشوفي معايا لخر كتفهمي .. اتشوفي معايا لخر .. الطريق لي نكون دايز منها انا نتي خويها باش ما نرزيكش فعمرك ..
و طلق منها بالجهد تا جات طايعا فالأرض و نطق بإحتقار و هو مقبح ملامحو بقرف: و داك لوسخ لي فكرشك شوفي منين جبتيه .. لوسخ كيولد لوسخ ..
التسريب رقم 4 ⚠️❌
تبسمات بإنتصاو و هي كطلع و تنزل فيهم بجوج و نطقات : ياك قلت ليك والله تا نطلقك منو و نزوجو بلالاك.. قلتها و لا ما قلتهاش .. ممم ؟
ميلات راسها و قربات حتى لوجها اكثر و نطقات بنبرة كتلها شماتة : اوا جي غدا تحضري لهديتو مع لالاك .. لمأصلة بنت الأصل ..
التسريب رقم 5 ⚠️❌
كانت كتطل من الصرجم و هي مفجوعة ..عينها على ديك لي كتدق فداك الباب و تغوت و تبكي و هي بدوك لحوايج لي حرفيا ما ساترين والو .. بلعات ريقها و هي مترددة ما عارفاش ما دير لكن لي عارفة انو ديك البنت قطعات ليها فقلبها بقات فيها بزاف حيت الحالة فاش كانت ما تبغيهاش لعدوك ...
دمعو عينيها و غلبها قلبها الحنون ، ناضت هزات وحدة من جلالتها لغلاض لي كيتفتحو بالصدايف ..و تمات خارجة فداك السم د البرد و الجو د شتا .. وصلات عليها و هي هاكداك متكيا على ديك الباب و طايحة للأرض و منهارة كتبكي بحرقة.. و حطات ليها ليك الجلابة علا كثافها و نطقات : نوضي ابنتي لبسي عليك و سيري بحالك من هنا نوضي ..
التسريب رقم 6 ⚠️❌
جات عينها فعينو و هو وسط اهلو و ناسو دايرين بيه و صوت الصلا على النبي و الزغاريت و الدقايقية و هو هاز بوكي د الورد فنفس لون البوكي لي جاب ليها غير هادا كان كبر .. بلعات ريقها بمرارة و دموعها كيفيضو .. و هي كتناضرو بعتاب مخلياه هو فمكانو ينفاصل على داك الحدث فين عايش و ركز معاها هي فقط .. و اه من قلبو و الألم لي كان حاس ببه فديك اللحضة ممكن يعادل المها او اكثر كاع ..
لكن فالأخير زطم على قلبو الكافر كيف سماه هو و عطاها نضرة كلها برود و كأنو ما كيعرفهاش و ما حركات فيه والو و اشاح بنضرو من عليها راجع لجو خطبتو مخليها تنهار بين يديه خالها و هي كتردد كلمة وحدة : ما يمكنش ...
التسريب رقم 7 ⚠️❌
تبسم ابتسامة هادية و قرب باس ليها على راسها و عنقها و نطق : نتي ماشي يتيمة ..عندك انا .. عندك جدك و عندك حتى جداتك ..
منى هزات فيه عويناتها الدامعين و هي باقي فحضنو و نطقات : و علاش ما جاوش يشوفوني ؟ فينهم .. ؟
التسريب رقم 8 ⚠️❌
كانت الحسرة علين تقتلها .. من نهار الجلسة وهي مصدمومة و غير كتبكي ما قادراش تيق انو صافي كلشي سالا .. صافي بين ليلة و نهار لقات راسها مطلقة بديك الطريقة و سمعتها زادت تمرمدات فالأرض ..
دخلات عليها عايدة و هي هازا فيديها بلاطو فيه الماكلة .. بانت ليها هاكداك جالسة و غير كتبكي رجعات حالتها حالة وجها كولو حمر و خدودها و عينيها منفوخين بالدموع .. تنهدات مانعا نفسها انها تبكي و تنهار قدام حالة بنتها .. مصطانعة القوة حيت عارفة هادشي لي وقع ماشي ساهل ... كتشوف راسها فبنتها فنفس السن الفرق الوحيد انو معاناه بنتها فهاد اللحضة كثر بزاااف .. جلسات حداها مادا ليها ديك لبلاطو و نطقات بحنان :منى .. نوضي احبيبتي تاكلي ..
منى حركات راسها بالنفي خاطرها هارب لبها من الحياة عامةً هاد الساعة و نطقات بهمس : ما فياش..
عايدة تنهدات و زادت قربات لعندها كدوز يديها على شعرها و نطقات بحنان : كولي ليك ابنتي غير شي لقمة .. الا ماشي على ودك على ود لي فكرشك مسكين ما عندو حتى شي ذنب فهادشي كامل ...
التسريب رقم 9 ⚠️❌
حط يدو على يدها مخليها تخرج فيه عينيها و جبداتها لعندها بالزربة و نطقات : واش تسطيتي نتايا ؟
زفر بهداوة و بقا ماد ليها يدو ليها و نطق بنبرة رجولية خاترة : عايدة انا ماشي دري صغير جاي نلعب عليك ولا ندير عليك الأفلام انا باغي نجمع الشمل لي تشتت هادي 18 عام .. باغي نصلح لا كاينشي ما يتصلح ..
___________________________________
حبايبي توقعاتكم و آرائكم الموفصلة فكل تسريب ضروري ومؤكد 🔥🔥🔥🔥⛔️
Instagram : @itsimaneimy دوزو عندي لأنستغرام باش تعرفو الجديد و الحصري على القصة 🩷 و الجديد انني كنحط ريل كل يومين و الكونط لي كيدير اكبر عدد ديال التعاليق عندو تسريب حصري ليه بوحدو 🤤🔥
