اني في هواك متملك ( قصة جريئة )

Part 10

10

مساء النور عليكم  حبايبي .. نتمنى تكونو بيخير قبلما نبداو نفكركم عافاكم تفاعلو و خليو تعليقات بحال لبارح ما تبخلوش عليا 🩷 و عندكم ليوم 3 د الأجزاء تبرعو ليا مع راسكم 🔥🤭

فضلا و ليس أمرا Vote + commentaire 🤍
___________________________________

بعنوان " انـي فـي هـواك مـتمـلك "

بقلـم : ImaneImy_

  إني اقترفتكِ عامداً متعمداً...و إن كنتِ عاراً  يا لروعة عاري... 🖤

نهار جديد .. فاقت منى و يوسف فطرو مجموعين .. كيدويو على لبروكرام و اش غيديرو فيه و فين غيمشيو .. فالأخير قررو يمشيو يديرو لكواض ..

لبسو عليهم لباس مناسب لديك لبلاصة .. و خرجو يديهم فيدهم بعضياتهم.. باش يبداو مغامرة جديدة مع بعضياتهم .. كان الحماس بادي على منى بزاااف .. غير كضحك و تصور .. و لي عجباتها تصورها .. 

و يوسف شاد ليها الخاطر بحال شي بنية صغيرة .. ما كيخصر ليها فحتى حاجة مخليها تعيش احسن ايام حياتها فالمدينة لي كان حلمها تمشي ليها ..

ما خلاو فين  مشاو بداو بلكواد ..  دارو مراكش كاملو و منو زادت عشقات لمدينة حيت كانت من النوع لي كيعجبها و يثيرها كل ما هو تاريخي .. و مراكش وحدة من المدن التاريخية العالمية ..

عند حادة .. كانت جالسة فالصالون هي و بنتها الصغيرة وصال .. هاد الأخيرة لي غارسة راسها فطيليفونها كدوي مع خطيبها و مغيبة مخليا حادة كدوي غا بوحديها : اوا راه قالك بقات ليكم 3 يام و بجيو .. مشاو علا سيمانة صدقو طالعين دابا فالتالتة مشات تلوات عليه تماك لحرامية ..

شافت فبنتها خاشيا راسها فااطيليفون و ساهية و هي تهز وسادة ضرباتها بيها و نطقات بغضب : كندوي مع الحيط انايا ..

وصال كتحك فبلاصة الضربة و نطقات : و مالك اماما .. ما سمعتكش ..

حادة : الكسدة معايا و لعقل معاه .. بحالك بحال باك ..

وصال تنهدات : دابا مالك اماما ..

حادة : خوك من هنا 3 يام جاي ..

وصال بعدم اهتمام : اوا الله يجيبو على خير ..

حادة قوسات فيها حواجبها و هزات وسادة اخرى شيرات عليها بيها خوات ليها و نطقات بغضب : نوضي تحركي غير من حدايا يشويني فيك محزمة بلخلاااا الله يخليها سلعة .. هادي هي لي غتعاني على لحرامية