شظايا قلوب محترقة

اقتباس

دلف مصطفى إليه وقلبه يتمزق على حالته، اقترب منه وجده جالسًا بالأرضية وحوله صور مراحله منذ الطفولة، ربت على كتفه
-إلياس!! رفع رأسه وليته لم يرفعها، هل هذا إلياس السيوفي، ابتلع آلامه وهتف بتقطع:
حبيبي قاعد كدا ليه، قوم ياالياس مينفعش اللي بتعمله في نفسك دا، انت كدا بتموت نفسك يابني
ابتسم بسخرية يهز رأسه بجمود:
-إلياس ابنك!! طيب ازاي، ايه دا ياسيادة اللوا العظيم الموقر صاحب الاخلاق هم مش عرفوك أنا مطلعتش انا ، ارتفعت ضحكاته وتمدد على الأرضية كالذي فقد عقله
-تلاتين سنة وأنا عايش في كدبة، اب غير الاب وام غير الام ...ام اعتدل ينظر إلى مصطفى
-هو انا بحلم ..هز رأسه يتجول بنظراته
-أيوة أنا بحلم، أيوة بحلم مستحيل دا يكون حقيقي، دا مش حلم دا كابوس..مراتي تطلع بنت أسوأ راجل وأمي تطلع اكتر شخص كرهته، خايف اخويا التاني يطلع اكبر مجرم، ولو ربنا بيكرهني اكتر اكون دمرت حياته من اللي حكمت عليهم وانا معرفش ، صح يابا ..توقف عن الحديث واتجه بنظره إليه
-بابا ازاي وأنت مش ابويا، يعني امي مش امي وابويا مش ابويا، ولا إلياس طلع إلياس...توقف بجسد متخبط لم يستطع الثبات، ترنح كالمخمور يردد إلياس طلع مش إلياس
حياة كلها كدبة، وامي طلعت مش امي ..انت مش ابويا..وانا مش انا
إلياس السيوفي طلع وهم لا طلع كدبة، ظل يرددها وهو يغادر الغرفة

وصلت إليه ميرال
-هتسيبه كدا، لازم تتصرف ياعمو، انا خايفة عليه دا ممكن يعمل حاجة في نفسه،أحس وكأن أحدهم طعنه بمنتصف ظهره ليشعر  بعدم قدرته على الحركة، وانسابت عبراته
-حاولت ومش عارف، مش مهم اللي بيعمله المهم يفضل في البيت ومرجعش ادور عليه تاني..
-اتصل بصاحبه الجديد دا ياعمو ممكن يحاول معاه

الأحداث كل ماندخل فيها بتو.    لع اكتر، ياترى ردة فعل إلياس هتكون ازاي مع فريدة  وخاصة المشهد دا بعد معرفته بفترة طويلة