Boy Friendzoned

Chapter 24

“Ba’t ba kelangan pa namin sumama?” tanong ko kay Carl. Nasa mall kami ngayon. Nagpasama, magkikita daw sila nung pinsan niya. Isasauli daw yung gitara niya

“Okay lang yan Pao. Paminsan lang naman ako humingi pabor sa inyo e.” sabi niya sabay akbay sa’kin. Tiningnan ko lang siya tas inalis ko yung braso niya. Magpra-practice pa dapat kami para sa preliminaries e.

“Carl, nasan na ba yung pinsan mo?” tanong ni Miggy habang nilalaro yung gitara.

“O nga Carl.” Second the motion ko naman.

Tagal kasi. Kanina pa kami dito. Muk’a na tuloy kaming model ng Penshoppe dito, sa labas ng Penshoppe kami nakatayo e. Pag niloko lang kami nitong mokong na ‘to na ang pinsan niya ang kikitain, babatukan ko talaga to.

“Sandali na lang. Nasa may entrance na daw siya.” sagot ni Carl habang tinitingnan yung cellphone niya.

“Carl!” biglang sigaw nung isang babae. Lingon naman kaming tatlo. Sa wakas dumating na e.

“Langya. Tagal mo.” Sabi ni Carl dun sa babae sabay gulo ng buhok niya.

Tiningnan lang namin sila ni Miggy. Niloko ata kami nitong mokong na ‘to e. Pinsan daw e di naman sila magkahawig kahit konte. Maputi tas chinita yung babaeng lumapit sa kanya e, tas si Carl naman, no comment na lang.

“Sino sila?” tanong nung babae sabay turo sa’min ni Miggy. “Sila ba yung kabanda mo?”

“Ah. Oo.” Sagot nung mokong. “Nga pala Pao, Migz, si Gwen. Pinsan ko.”

Tumango lang si Miggy. Ngumiti naman ako kunwari.

“Hi.” Nakangiting sabi ni Gwen. “Kung ganun kayo pala yung kinukwento ni Carl. Grabe ang cool niyong tingnan. May bitbit pa kayong gitara.”

“Nabanggit mo na’ng gitara, dali na akin na yang baby ko.” sabi ni Carl sabay kuha nung guitar bag sa likuran ni Gwen.

“Hay. Oo na.” sabi ni Gwen sabay bigay nung gitara. “Thanks sa pagpapahiram nung baby mo.” Dagdag niya tas tiningnan niya kaming dalawang ni Miggy. “Hmm merienda muna tayo since nandito na rin lang naman tayo sa mall.”

“Ayos lang sa’kin basta libre mo.” Sagot ni Carl.

“Sila inaalok ko no, hindi ikaw.” Sabi niya sabay dila kay Carl. Magpinsan nga ata sila, magkasing-kulit e. “So ano?”

“Sige game. Nandito na rin lang nga naman tayo tsaka gutom na rin ako.” sabi ni Miggy sabay sabit nung guitar bag sa likod niya. “Basta libre ni Carl.”

“Ah! Migz naman.” Sabat ni Carl.

“Ayos lang din sa’kin. Salamat in advance sa libre Carl.” Sabi ko sabay bitbit nung isa pang guitar bag.

Natawa lang yung pinsan ni Carl sa’min tas pumunta na kami sa McDo. Nilibre nga kami nung mokong. Umorder siya ng 4 na crispy chicken burger, 1 large fries tsaka 4 na coke float. Da’ing pera ngayon e.

Pagkahanap namin ng pwesto, kumain na agad kami. Panay naman ang kulitan ni Carl tsaka nung pinsan niya.

“Paolo, tama?” biglang tanong sa’kin ni Gwen.

“Oo.” Sagot ko naman sabay kagat sa burger.

“Nachismis sa akin ni Carl yung tungkol sa inyo ng bestfriend mo.” Sabi niya sabay subo ng fries. Tiningnan ko lang si Carl.