Boy Friendzoned

Chapter 28

“Pao. Seryoso mo dyan ah.” Biglang sabi ni Miggy sabay upo sa harapan ko. Busy mag-aral sa gazebo e.

“Oy Migz.” Sabi ko sabay alis ng earphones sa tenga ko. “Philo na ang next exam e. Di ko pa masyado maintindihan yung ibang theory.”

“E akala ko ba nag-group study kayo ni Nadine nung weekend.” Sabi ni Miggy.

“Nag-group study nga kami pero di ko pa rin na-gets.” Sabi ko. “Di rin ako makapag-concentrate nung ine-explain na ni Nadine sa’kin yung mga theory.” Dagdag ko tas nagpatuloy uli ako sa pagbabasa.

“Ah.” Sabi ni Miggy. “Hmm. E muk’ang ganado ka atang mag-aral ngayon. Me nangyari ba?”

Tiningnan ko si Miggy. Tiningnan lang din ako pabalik nung mokong.

“Oo. Me nangyari nga.” Sagot ko sabay sarado nung notebook ko. “Niyaya ko si Nadine sa isang date.”

“Lumalakas ng loob mo Pao ah.” Nakangiting sabi ni Miggy. “Nung sabi ni Nadine? Pumayag ba?”

Tiningnan ko lang si Miggy.

“Hoy. Pumayag ba o hindi?” tanong uli ni Miggy.

Tiningnan ko uli si Miggy bago ko siya sinagot. “Pumayag siya.”

“Ayos Pao.” Nakangising sabi ni Miggy. “Kaya naman pala ganado kang mag-aral dyan.”

“Kala ko di siya papayag e.” sabi ko sabay kamot sa ulo.

“Bakit? Ano bang sinabi niya?”

Kinuha ko yung cellphone ko tas pinabasa ko ke Miggy yung tinext sa’kin ni Nadine.

From Nadine:

Pao, sorry kung di agad ako nakasagot kanina. Nagulat din kasi ako sa tinanong mo. Tapos umalis ka rin agad. Tungkol dun sa tanong mo. Okay lang sa’kin. Payag ako.

“Payag naman pala e.” sabi ni Miggy sabay abot nung cellphone sa’kin. “E kelan ba kayo magde-date?”

“Di ko pa rin alam.” Sagot ko. “Itatanong ko pa mamaya sa kanya.”

“Ayos yan Pao.” Sabi ni Miggy. “Ganyan dapat. Ayos lang naman maging agresibo paminsan pero tandaan mo dapat tamang ligaw lang.”

Lakas lang din talaga makapa-buhay ng loob nitong si Miggy e.

“Sige Pao. Una na’ko. Magre-review pa ‘ko sa classroom.” Sabi ni Miggy sabay tayo.

“Sige. Magre-review pa din ako.” sagot ko.

“Sige. Good luck na lang sa exam pati na rin sa date niyo ni Nadine.” nakangising pahabol ni Miggy tas umalis na siya.

Nagpatuloy na lang din ako sa pagre-review sa Philo. Maya-maya pa tumunog na ang bell. Dumiretso na’ko sa naka-assign na room para sa exam. Tas maya-maya pa nagsimula na ang huling exam namin para sa sem na ‘to.

“Grabe ang hirap nung exam sa Philo. Plano ata tayong ibagsak ni Sir e.” sabi ni Dave, barkada ni Nadine.

“Ayos lang naman yung exam e.” sabi ni Nadine sabay upo sa bench sa may finance. “Di naman ganun kahirap.”