Boy Friendzoned

Chapter 29

Pangatlong araw na ng sembreak namin ngayon. Tambay lang ako sa bahay. Labas-labas paminsan pag may gig kami nila Miggy.

“Kuya ang seryoso mo naman sa pagtugtog ng gitara.” Sabi ni Mitchie sabay upo sa terrace.

“Kinakabisado ko pa yung chords ng ipe-perform namin mamaya e.” sagot ko habang tumutugtog.

“Ah. May gig uli kayo mamaya?” tanong ni Mitchie. Tumango lang ako. “Hmm. Pwede akong sumama Kuya?”

“Sumama?” tanong ko.

“Oo. Mamaya sa gig niyo. Sige na. Please.” Sabi ni Mitchie.

“Di na Mitch.” Sagot ko. “Gabi na kami matatapos mamaya tsaka sigurado di ka rin papayagan nila Mama.”

“Grabe. Gusto ko lang naman manood sa gig niyo.”

“Next time ka na manood pag medyo maaga yung oras ng gig namin.” sabi ko. “Tsaka kapagod maging baby sitter mo.” Pang-asar kong dagdag.

“Psh. Puro ka pa palusot Kuya e.” sabi ni Mitchie sabay hampas sa braso ko.

“Next time nga. Promise. Sasama kita.” Sabi ko tas nagpatuloy uli ako sa pagtugtog.

“Okay okay. Basta next time ha.” Sabi ni Mitchie. “Hmm. E si Ate Nadine, Kuya. Nakapanood na ba siya ng gig niyo?”

“Di pa.” sagot ko. “Hindi pa uli kami nagkikita pagkatapos nung finals.”

“Ha?” medyo OA na reaction ni Mitchie. “Ano ka ba Kuya. Dapat binibisita mo rin si Ate Nadine kahit paminsan o kahit sandali lang.”

Tiningnan ko lang si Mitchie. Nag-uumpisa na naman kasi siya sa sermon niya tungkol sa panliligaw ko ke Nadine at kapag nagsimula na siya sa kasasalita siguradong matagal bago na naman to tumigil.

“Hay Kuya. Dapat nga e niyaya mo na rin siya sa isang date. Tulad nung ginawa nung karibal mo.” Patuloy na sermon ni Mitchie. “Sige ka Kuya. Baka di ikaw ang piliin ni Ate Nadine pag nagkataon.”

“Tama na Mitch.” Sabi ko. “Para tumigil ka na, niyaya ko na sa date si Nadine.”

“Baka maging best friend ka na lang niya for li—“ biglang natigilan si Mitchie. “Seryoso Kuya?!”

Tumango lang ako tas nagpatuloy sa pagtugtog. Kulit kasi e.

“Tapos?!! Anong sabi ni Ate Nadine, Kuya?” tanong ni Mitchie sabay hampas sa braso ko. “Pumayag ba siya? Kelan kayo magde-date?” da’ing tanong e.

“Hay. Pwede isa-isa lang Mitch. Grabe. Kulit mo talaga.” Sabi ko. “Oo, pumayag siya at bukas kami lalabas.”

“Yieeeeeee.” Pang-aasar ni Mitchie. “Good job Kuya. Malaking progress na rin yan. Napapayag mo si Ate Nadine na makipagdate sayo. So anong plano mo? San mo siya dadalhin?”

Napaisip ako sa tinanong ni Mitchie. Di ko pa rin nga naiisip kong san ko dadalhin si Nadine bukas pati na rin kung anong gagawin namin.

“Kuya? Teka. Wag mo sabihin na hindi mo pa alam kung saan kayo pupunta bukas.” Sabi ni Mitchie na nakataas ang isang kilay.

Di ako nakasagot tas napakamot na lang ako sa noo ko.

“Kuya, bukas na kayo magde-date pero hindi ka nakakaisip ng pwede niyong puntahan?” tanong uli ni Mitchie.