I'm HERS

Chapter Twenty Five

Elle's POV

"Guys. Balik muna ako sa hotel. Masama pakiramdam ko eh." Paalam ni Chanyeol sa amin.

"Babalik ka pa talaga ng hotel?" Tanong ko sa kanya. Ngumisi lang siya sa akin, "Bakit, gusto mo dito ako sa dagat maglabas ng sama ng loob?"

"Yuck! Kadiri ka Park Chanyeol! Umalis ka na nga!" Tinulak ko siya palayo sa akin. Tinawanan niya lang ako pati na rin ang iba.

Umangat siya sa tubig at nagsimula nang maglakad.

"Babalik ako agad." Kumaway siya sa amin.

"Kahit wag na." Sabi ko sa kanya. Ngumuso lang siya sa akin saka nagpatuloy sa paglalakad.

Nang medyo malayo na siya ay inenjoy ko ulit ang pag s-swimming.

"Eonnie, hindi mo naman kailangan maging ganun kay Chanyeol Oppa eh." Sabi ni Cess.

Binigyan ko lang siya ng blank stare kaya napabuntong hininga lang siya.

"Tama si Cess, Elle. You shouldn't be that hard to your boyfriend." Dagdag pa ni Casey.

"I don't know what you're talking about." Pagmamaang-maangan ko sa kanila.

I heard them all sighed.

"Noona, alam namin na alam mo ang ibig naming sabihin." Sabi ni Sehun. Teka, bakit nandito 'to? Eh nasa dalampasigan si Llanah ah.

"Ya. Bakit ka nandito, Sehunnie? Akala ko ba dapat mong samahan si Llanah?" Nanlaki ang mga mata niya tapos bigla na lang kumaripas ng tumakbo pabalik sa dalampasigan. Napailing na lang ako at tumingin ulit sa kanila.

"What?" Maangas kong tanong ko sa kanila. Lahat kasi sila nakatingin lang sa akin.

"Elle." Napatingin ako kay Suho Oppa, "Waeyo Oppa?"

"Let's talk." Hinawakan niya ang kamay ko at marahan akong hinila paalis ng dagat. Nang makarating na kami sa dalampasigan ay binitawan niya ang kamay ko at naunang maglakad kaya sumunod lang ako sa kanya. Huminto siya sa paglalakad ng makarating kami sa isang malaking bato.

"Oppa, ano bang pag-uusapan natin?" Tanong ko sa kanya.

Umupo siya sa buhangin at tiningala ako. He signaled me to sit beside him, so I did.

"Elle."

"Hmm?"

"Bakit ganun na lang kung tratuhin mo si Chanyeol?" Diretsong tanong ni Suho Oppa.

Napakurap ako ng tatlong beses.

"A-ah..."

Nagulat na lang ako nang bigla na lang siya tumayo at umakyat sa bato at umupo sa pinakatuktok.

"Oppa. Bumaba ka nga diyan. Baka mahulog ka." Sabi ko sa kanya. Pero hindi siya nakinig.

"See Elle, that's what I am talking about." Bigla niyang sabi kaya nagtaka ako, "Bakit ang bait-bait mo sa amin ng mga kaibigan mo pero pagdating kay Chanyeol e ang init-init na lang palagi ng ulo mo?"

Ganun ako kay Chanyeol?

"Mianhae. Ayoko sanang makisawsaw sa problema niyo pero kasi bilang kaibigan ni Chanyeol ay hindi ko maiwasang mag-alala." Napayuko ako sa sinabi niya, "Sana naman ay i consider mo din ang nararamdaman ni Chanyeol."

Naramdaman ko na lang na may kamay na nakahawak sa magkabilang balikat ko. Napatingala ako sa kanya.

"Ano ba talagang meron, Elle? Ano ba talaga ang problema mo kay Chanyeol?" Mahinahon niyang tanong.