خيانة رسمية

* الفصل الثالث *

قامت شروق قعدت و شويه و قامت غسلت وشها و فاقت و راحت الاوضه و اخدت موبايلها و اتصلت برضوى ....
( روايات بسوم )
رضوى:ايه يا موزة فوقتى ؟
شروق:اها
رضوى:طب بقولك ايه البسي يالا
شروق:ليه
رضوى:عشان لؤي جاي يفسحني و انتي هتيجي معايا
شروق:و انا اجي ليه .. لا خليكي مع خطيبك انا مليش لازمه
رضوى:ازاى بقي من امتي انا بروح مكان من غيرك .. يالا البسي و بعدين كمان هيثم هيجي معانا و نبقي احنا الاربعه مع بعض
سكتت شروق شويه ...
رضوى:ايه يا شوشو ساكته ليه ?
شروق:هيثم جاى
رضوى:اها و الله
شروق:مممم
رضوى:يالا البسي عشان ساعه كده و ننزل
شروق:خلاص اوك
رضوى:تمام و انا اما اخلص هكلمك
شروق:ماشي .. يالا سلام
رضوى:سلام
قفلت شروق مع رضوى و راحت تحضر الهدوم اللي هتلبسها .. و هي واقفه قدام الدولاب بدأ تسرح ....
( روايات بسوم )
............................ فلاش باك ..........................
شروق:مش هعرف انزل
محمد:يا سلام .. لا اتصرفي
شروق:طب و هقول لماما ايه
محمد:اي حاجه ما انتي بتعرفي تتصرفي على طول
شروق:طب فكر معايا
محمد:قوللها انك رايحه لصحبتك رضوى دي
فجاه ...
شروق بفجعه:ماما
حبيبه:بتعملى ايه ?
شروق:كنت بكلم رضوى
حبيبه:مش عايزة تروحلها ؟
شروق بفرحه:اها ياااريت يا ماما .. دي كانت عيزاني ازاكر معاها
حبيبه:طيب روحي
شروق:بجد
حبيبه:اها و الله
قامت شروق تلبس و نزلت ...
بعد ما وصلت ......
محمد:جدعه عرفتي تخلعى
شروق:الحمدلله
محمد:عملتى ايه عشان تيجي
شروق:ماما هي اللي قالتلى انزل
محمد:ليه !!
شروق:معرفش
محمد:مش ملاحظه انها بتسربك ?
شروق:يعني ايه !
محمد:ولا حاجه
( روايات بسوم )
....................................................
خلصت شروق لبس و رضوى كلمتها و نزلت راحت لرضوى و بعدها جه لؤي و هيثم اخدوهم و نزلوا ....
في الطريق ....
هيثم:انتى جميله اوي يا شروق
شروق:ميرسي
هيثم:انا عرفت من رضوى انك مش مرتبطه
شروق:اها صح
هيثم:و انا كمان ع فكرة
شروق:ماشي
هيثم:مالك قافله كده ليه
شروق:مش قافله ولا حاجه بتكلم عادى
هيثم:مممممم .. شكلك هتاخدى وقت
شروق:ع ايه ؟
هيثم:متخديش في بالك .. يالا وصلنا
نزلوا من العربيه كلهم و دخلوا المكان اللي رايحين يتفسحوا فيه .. مشي لؤي و رضوى و هيثم اخد شروق و راحوا يتمشوا ....
هيثم:مالك بقي
شروق:مليش
هيثم:ع فكرة انا معجب بيكي اوي
شروق:مممممم
هيثم:مش قصدى اضايقك
شروق:مش مضايقه طبعا
هيثم:طب انتي مش حاسه نحيتي بحاجه ؟
شروق:بصراحه حاسه
هيثم:حاسه بايه ؟
شروق:معجبه بيك بردو
هيثم:بجد
شروق:اها .. و بصت للبحر و سرحت
( روايات بسوم )
............................. فلاش باك ..........................
رضوى:بتعملى ايه يا شروق
شروق:و انتي مالك يا رضوى
رضوى:براحتك بس انا خايفه عليكي
شروق:خايفه عليا من ايه ؟
رضوى:من تصرفاتك
شروق:و انا عملت ايه يعني
رضوى:انتي كنتى لسه مع محمد امبارح و انهارده بتتكلمى في الموبايل و بتقولى يا محمود و انا شوفتك الصبح و ياسر جايبك لحد المدرسه
شروق:انتى بترقبيني يعني
رضوى:انتى عارفه اني عمرى ما هراقبك و عارفه اني بخاف عليكي و لو شيفاكي وحشه او انا من نحيتك وحشه مكنتش عرفتك من زمان بس انا بحبك و بخاف عليكي عشان انتى اكتر من صحبتي
شروق:عيزاني اعمل ايه يعني
رضوى:تبطلى اللى بتعمليه
شروق:انا مليش زنب و الله ضحيه
رضوى:ضحيه ايه .. مش فاهمه
شروق:مش لازم تفهمى .. سبيني في حالى مش عايزة حد يكلمني انا تعبت بجد تعبت اووووى
( روايات بسوم )
.....................................................
هيثم:شروق .. شوشو
شروق:ها .. نعم .. بتكلمنى ؟
هيثم:بكلمك ! ده انتي مش معايا خالص ده انا بنده عليكي بقالي ساعه
شروق:بجد و الله ؟
هيثم:اها و الله
شروق:معلش انا سرحت شويه
هيثم:ولا يهمك .. بس ممكن اعرف سرحتى في ايه
شروق:لا عادي متشغلش بالك .. منظر البحر و كده اخدنى
هيثم:اهاا اوك
شروق:اوك
هيثم:قولتي ايه بقي
شروق:قولت ايه في ايه ؟
هيثم:في اني بحبك
شروق:ايه !
هيثم:بحبك .. ايه ما بتسمعيش
شروق:ازاى ده .. من يوم !
هيثم:شفتك يوم و اتحكالى عنك كتير و حاسس اني شفتك من سنين
شروق:يا سلام
هيثم:اها و الله انا بتكلم بجد و حاسس اني بحبك من زمان
شروق:اها
هيثم:ردى يا بنتى قولى اى حاجه
شروق:اقول ايه ؟
هيثم:قولى احساسك نحيتي
شروق:مممم انا حاسه يعني اني مشدوده من نحيتك بردو و كانى اعرفك من قبل كده
هيثم:يعني ايه .. انطقى موافقه ترتبطي بيا ؟
شروق:مش بالسرعه دى
هيثم:كده احسن و الله ما هتخسري حاجه
شروق:بس ممكن اندم
هيثم:اوعدك انك عمرك ما هتندمى انك عرفتيني و اى خطوة هتخديها معايا عمرك ما هتندمى عليها
شروق:و لو ندمت ؟
هيثم:انا وعدتك و الايام هتثبتلك
شروق:مممم اوك
هيثم:ايه ؟ موااافقه
شروق:اها
هيثم:بجد
شروق:بجد
فضلوا يتكلموا شويه و يتمشوا و هما بيتمشوا لقوا لؤي و رضوى قدامهم .....
( روايات بسوم )
لؤى:ايه ده .. حلوة الصدفه دي
هيثم:لا و الله
كلهم:هههههههههه
رضوى:كنتوا فين ؟
هيثم:بنتمشى
رضوى:انا زهقت
شروق:و انا كمان
هيثم:نعم .. زهقتى منى احنا لحقنا
شروق:لا طبعا مقدرش ازهق منك
هيثم:ايوووة بقي
لؤي:ايه دة ايه دة .. في ايه يا عم منك ليها زهقتى منى و لا مقدرش .. هو في ايه بيحصل و انا مش فاهم
شروق:هيكون في ايه يعني .. عادي
هيثم:في كل خير يا معلم
لؤي:ايووووة عايز اعرف انا الخير ده
هيثم:.......
رضوى بصدمه:اييييه !!
.........................
#بسمه_ممدوح