خيانة رسمية

* الفصل الواحد و الاربعون *

اول ما وصلوا قدام شقتهم لقوا حد مستنيهم ......
..:مفجأه صح
لؤي:حبييييب قلبببي
شروق: اتسمرت مكانها
لؤي:احلى مفاجأه في الدنيا كلها .. و حضنوا بعض
..:ليك واحشه يا صاحبي و الله
لؤي:انت واحشنى اكتر .. بس انت وحش امحمد و الله
محمد:ليه كده بس ؟
لؤي:انت سافرت و اختفيت كده و محدش عرفلك طريق و لا كلمتنا ولا حاجه و معرفتش اوصلك عشان رقمك اتغير .. بس انت كان معاك ارقمنا
محمد:و الله الموبايل اللي كان عليه ارقامكوا اتسرق منى في المطار يعني قبل ما اسافر .. و كان نفسي اوصل لحد فيكوا بس و الله معرفتش
لؤي:ولا يهمك يا معلم المهم انك جيت بالسلامه .. تعالى ندخل نتكلم جوا
محمد:ماشي
لؤي فتح الباب و دخل هو و محمد .. و شروق واقفه مكانها ما اتحركتش .....
( روايات بسوم )
لؤي:يا شروق .. شروق
شروق:هاا
لؤي:واقفه مكانك ليه ؟؟
شروق:ها لا عادى .. انا جايه اهو
و دخلت الشقه و قفلت الباب و اضطرت تقعد معاهم .. بس مكانتش قادرة تنطق .....
لؤي:قولى بقي انت كنت قاعد برا من امتى كده ؟
محمد:من ساعه كده او ساعه و النص .. بس انا قعدت اخبط محدش فتح .. كنت همشي بس في بنت صغيره كده من جيرانكوا فتحت قالت انكوا نزلتوا و زمانكوا جاين
لؤي:اهااا .. بس غريبه عرفت عنوانى منين ؟
محمد:انا روحت لهيثم في البيت من يومين و لما ما لقيتكش سالته عنك قالى انك اتجوزت و في تاتش بينكوا و مش بتتكلموا بعض و ما يعرفش عنك حاجه سالته اشوفك ازاى .. عطانى عنوان صيدليتك روحتلك النهارده ما لقيتكش .. بس في عامل هناك عطانى عنوان بيتك فجيتلك ع طول مترددتش خالص
لؤي:و الله احسن حاجه عملتها .. ده انت بعدك عننا اثر فينا اوى و خصوصا انا لانك كنت اقربلى من هيثم كمان
محمد:اها يا لؤي الغربه وحشه و الله .. انت وحشتنى اوى
لؤي:انت وحشتنى اكتر .. هو هيثم صح ما قالكش ايه اللى بنا يعنى
محمد:الصراحه لا .. بس هو في ايه بينكوا ؟
لؤي:عادى مشاكل عاديه كده .. المهم قولى اخبار اخوك مصطفى ايه ؟
محمد:و الله اللي سمعته انه اتحبس بعد ما انا سافرت على طول .. و اتأكدت لما جيت
في اللحظه دى قامت شروق وقفت ....
لؤي:شروق و انبي اعميللنا حاجه نشربها .. شروق ؟
شروق:نعم
لؤي:بقولك اعمليلنا حاجه نشربها
شروق:حاضر
و هى ماشيه بص عليها محمد بكل برود و اتكلم .....
( روايات بسوم )
محمد:انت اتجوزتها هههه ماعرفتناش يعنى يا لؤي بالسنيورة .. ولا صح احنا مش محتاجين نتعرف
التفت لؤي اوى للكلمه و استغرب .. كانت شروق دخلت المطبخ و وقفت تسمعهم هيقولوا ايه .....
لؤي:مش فاهم قصدك ؟ ايه الكلام ده !!!!
محمد:لا يا عم كبر مافيش حاجه
لؤي:لا بقي معلش انا لازم افهم
محمد:ما انت هترجع تزعل
لؤي:لا طبعا مش هزعل .. اتكلم يا محمد لو سمحت
محمد:افتكر ان انت اللى ضغطت عليا
لؤي:ماشي فاكر .. بس لازم افهم معنى كلامك
محمد:بسيطه يا سيدى .. مراتك دى انا كنت حبيبها قبلك
لؤي:نعم ؟؟؟؟؟؟
محمد:اهدا بس .. اومال لو تعرف بقي انها كانت حامل منى بس انا اتصرفت و ساعدتها .. هتعمل ايه ساعتها ؟
قام لؤى وقف و بدأ يتعصب .....
لؤي بصوت عالى:اييه التخاريف اللي بتقولها دي ؟؟؟ انت تجننت ولا ايييه !
محمد:اقعد بس كده و اهدا عشان مينفعش اللي انت بتعمله ده .. انت اللي طلبت تفهم .. و لو عايز تفهم انا مستعد افهمك كل حاجه بس بشرط انك تهدا و متتعصبش .. لكن كلامى لو هيضايقك و هيعصبك .. يبقي انا هسكت و مش هكمل و اظن ان ده احسنلى و احسنلك
لؤي:امممممم ههدا بس الكلام ده ميدخلش عقل
محمد:اقعد يا لؤي لو سمحت
لؤي:حاضر .. و قعد
محمد:لو مش مصدق كلامى تقدر تنادى مراتك و تسألها
في اللحظه دى طلعت شروق جرى من المطبخ .....
شروق بانفعال:كداب يا لؤي متصدقهوش .. انا معرفهوش اصلا .. خليه يمشي ده اكيد هيثم بعته عشان يعمل فينا كده و يوقع بنا .. ده كدااااب
محمد بهدوء:اقعدى يا مدام شروق و هدى اعصابك .. و خلى بالك ان صوتك العالى و انفعالك ده دليل على ضعف موقفك و بيثبتوا للؤي انك انتى اللى كدابه .. اها و بالمناسبه انهارده كان فرح هيثم على الانسه رضوى .. عرفاها ؟
شروق و لؤي بصوا لبعض اوى .....
( روايات بسوم )
شروق:يعنى ايه ؟ مش فاهمه
محمد:يعنى هيثم مالهوش اى مصلحه انه يخرب حياتكوا .. اخ هيخرب حيات اخوه ليه يعنى ؟؟ مش فاهم انا .. اكيد مهما كانت المشاكل اللى بينهم ماتخليهوش يعمل الهبل ده
في الوقت ده قعدت شروق و ماعرفتش ترد .....
محمد:ايوة كده اقعدى و استهدى بالله .. و كده ولا كده جوزك لازم يعرف كل حاجه
لؤي:بااااسسس اسكتوووااا .. اتكلم يا محمد و اخلص .. و اقسم بالله لو سمعت صوتك يا شروق لهقتلك
شروق:حطت اديها على بوقها و هى بتعيط و اتكلمت بصوت مكتوم .. حاضر هسكت
لؤي:كمممل عاااايز افهم
محمد:حاضر انا هحكيلك كل حاجه بس بأختصار
لؤي:اخلص
محمد:انا و هى يا سيدى كنا مرتبطين من زمان .. ياااااه قعدنا سنين طويله مع بعض .. بس و هى عندها 17 سنه الشيطان ضحك عليا و فجأه عرفت انها حامل
لؤي:ازاااااى ؟؟ انا لما اتجوزتها ك .....
قاطع كلامه محمد:قولتلك من شويه اتصرفت .. انا كنت ناوى اتجوزها بس هى اللى طلبت منى و اتحايلت عليا انى اساعدها .. و انا فعلا اتصرفت و ساعدتها و كل حاجه بقيت تمام .. بس فجأه بعد ما الموضوع اتلم وعدى لقيتها بتطلب منى اننا نسيب بعض .. الصراحه انا استغربت جدا و فضلت اسألها و استفسر منها ليه و هى تقولى ظروف و اهلى و مش اهلى فاضطريت اسيبها .. انا يعنى مش هفضل معاها و احبها غصب عنها
لؤي و بيبص لشروق باستحقار:هاا ؟
محمد:الغريب بقي و اللى صدمنى
لؤي:هاا اتكلم .. ايه الغريب ؟؟؟؟
محمد:انى كنت لسه بحبها و متعلق بيها و حاولت اعرف مالها بس ماعرفتش .. ماعرفتش اوصلها خالص لانها تقريبا كده كانت مغيره رقمها .. بس انا ماسكتش و جيبت رقم واحده من صاحبتها و كلمتها و سألتها عنها و طلبت منها تحل المشكله لو في حاجه .. و حاولت اعرف منها ايه اللى غير شروق من ناحيتى و خلاها تعمل كده معايا
لؤي:و قالتلك ايه ؟؟
محمد:فى الاول اتهربت منى .. بس بعد ضغط منى عليها قالتلى ان شروق مرتبطه بكذا شاب غيري .. و قالتلى اسماء منهم كمان بس مش فاكر اوى .. قالت باين كده ياسر و محمود و دياب و قالتلى كذا شخص تانى .. و فهمتنى انها اكيد سابتنى عشان مش بتحبنى و بتحب واحد فيهم
لؤي:نننننعممم ؟؟؟؟!!!!
قامت شروق وقفت في اللحظه دى و انهارت من العياط .....
( روايات بسوم )
لؤي بزعيق:اخررررصي .. بقووولك اخرررصي ما اسمعش نفسسسك
محمد:اهدا يا لؤي .. انا كنت زيك كده بالظبط مصدوم و مش مصدق و منهار .. و لحد النهارده في صدمه .. خيانه ؟ ازاى بالسهوله دى ؟؟
بدأت كلمات محمد تنزل على لؤي و كأنها نار بتحرقه و كأنه في حلم و مش مصدق ولا سامع حاجه .. و شايف كل اللى حواليه سراب و كلام محمد صدا صوت .. و بدأ يسرح ....
( روايات بسوم )
...............................فلاش باك..........................
رضوى:انت بتخوني انا يا لؤي ؟ طب ليه ! قولى لييه ؟ انا عمرى ما عملتلك حاجه وحشه ده انا حبيتك اوى .. لؤي انت فاكررر احنا بنحب بعض من خمس سنين .. ازاى كل العمر ده و كل الحب اللى كان بينا ضيعته بالساهل .. سامع يا لؤي سامع هيثم بيقول ايه جوا بيقول اخويا مش قادر يصدق و حتى لما خونته مش بيقول لؤي بيقول اخويا .. انت بعتنى و بيعت اخوك بالساهل .. هي دي صاحبتي هي دي شروق فعلا اللى الخيانه بتجرى في دمها هي دي اللى انا كنت بدارى عليها كل حاجه بتعملها انا اللى كنت بنصحها و بخاف عليها .. ردتلى كل حاجه عملتها معاها بالعكس .. ردتلى الاخوه و الصحوبيه و الحب بالخيانه
( روايات بسوم )
....................................................................
لؤي سرحان و محمد بيكمل كلامه و كأنه هو كمان في دنيا تانيه .....
محمد:ازاى خانتنى و كنت طول الفترة دى معاها و انا مغفل .. سنين كتير و انا مش حاسس باللى بيجرا من ورايا و اللى بيحصلى .. انا اتدمرت بسببها .. شروق تخونى ؟ ده انا كنت بعشقها و الله كنت بعشقها
بدأ لؤي يفوق من سرحانه و هو بينطق كلمات و مايعرفش انه بينطقها ......
لؤي:هي دي شروق فعلا اللى الخيانه بتجرى في دمها .. ردتلى الاخوه و الصحوبيه و الحب بالخيانه
محمد:تفتكر اللى تعمل كده نجيب حقنا منها ازاى ؟
لؤي:رررضوووى ... بااااس خلالالاص اسكت مش عايز اسمع حاجه اسكت يا محمد
محمد:اهداااا مش دى اللى تعمل فينا كده
لؤي:ظلمتهم بسببها .. هى فعلا خاينه انا مصدقك .. طب ابنى ؟ تفتكر هيكون ابن مين ؟
محمد:مش فاهم ؟
شروق بعياط و صوات:ماتصدقهووووش يا لؤؤؤي ده كدااااب .. انا ماعرفهووش
و بدات تقرب من لؤي و تتكلم بهدوء و هى بتعيط ....
شروق:لؤي ارجوك ماتصدقهوش .. انا بحبك انت و النبي بلاش تظلمنى و الله انا مظلومه .. انت بس حبيبي .. و حضنته
لؤي زقها جامد وقعت على الارض .....
لؤي:ماتقربيش منى تاااانى ابعدى عنى .. انتى طاااالق طااالق طاااااالق
في الوقت ده اتعدل محمد في القاعده و حط رجل على رجل و ابتسم ابتسامه خبيثه .....
مشي لؤي نحيت باب الشقه و شروق بتحاول تقوم تلحقه بس مش قادرة .....
( روايات بسوم )
شروق:ابوس ايدك يا لؤي ما تمشيش .. ابوووووس ايدك ما تبعنيش و الله انا مظلوووومه .. استنى اسمعنى الاول .. و الله انا مش خاينه و الله انا بحبك بجد
بصلها لؤي باستحقار و اتكلم بلهجه كلها حزن ....
لؤي:حتى لو مش خاينه بس كدابه و بنيتى حياتنا على كدب
شروق باندفاع:لا لا و الله لا و الله هو اللى بيكدب مش انا .. انا ماكدبتش عليك
لؤي:لا كدبتى انا مصدقه مش مصدقك انتى .. في ادله كتير بتثبت انك فعلا خاينه وكدابه
شروق:طب استنى .. ماتسيبنيش عشان ابننا بس مش عشانى
لؤي:مش ابنى .. مش متأكد انه ابنى عشان اقعد عشانه
شروق:ماتنهيش كل حاجه يا لؤي ارجووووك
لؤي:كل حااااجه انتهت خلالاص .. انتى طااااالق قولت .. فتح لؤي ساعتها الباب ونزل علي طول
شروق:لؤؤؤؤي يا لؤؤؤؤؤؤؤي .. منك لله يا محمد يا كلب
محمد قام وقف قدامها و بدأ يبصلها بقرف .....
( روايات بسوم )
محمد:هشششش عيب تقلى ادبك او تطولى لسانك عليا تانى .. عشان مهدملكيش الباقي اللي فاضل في حياتك
شروق و بتبصله بكسره:خلاص حياتى اتهدمت مبقاش فيها تانى .. ليه ليييه عملت كده .. ليه قولت الكلام ده
في الوقت ده محمد ماردش عليها بس شدها قومها و قعدها على الكرسي .....
( روايات بسوم )
شروق:ليه عملت كده اتكلم و رد عليا و قولى انا عملت فيك ايه عشان تعمل فيا كده
محمد:عملتى فيا كل حاجه وحشه .. مكنتش هرتاح غير لما ادمرلك حياتك
شروق:بس محصلش حاجه بينا من اللى قولتها للؤي .. ليه كدبت و قولت كده
محمد:عشان اللى قولته حصل
شروق:ايه .... !!
.........................
#بسمه_ممدوح