خيانة رسمية

* الفصل الرابع عشر *

سكتوا هما الاتنين و شروق لفت و شها و غمضت عنيها و نامت و شويه و ....
( روايات بسوم )
............................ فلاش باك ...........................
شروق:ايه ده .. انتي لابسه كده ليه !
حبيبه:ها .. عادي
شروق:طب انا عايزة ادخل انتى موقفاني ع الباب كده ليه !!
مصطفى بصوت عالى:انتي فين يا بيبتي كل ده بتجيبي الاكل
شروق:بيبتى ! مييين اللى جوا يا ماما ؟؟
حبيبه:ده ده .. ده ...
شروق:ده ايييه ما تتكلمى .. انا مبقتش صغيره و عايزة افهم ايييه اللى بيحصل !!!
مصطفى و هو خارج من الاوضه:كل ده فين يا حبي .. شرووق ؟
شروق:ايييييه ده !
حبيبه:ده ...
شروق:انتي بتخووووني بابا
مصطفى:لا مش بتخونه هي بتخوني انا معاه
شروق:يعني ايه !! .. ايه الكلام الاهبل ده ؟؟
مصطفى:دى الحقيقه
شروق:يعني اييييه .. و بصت لحبيبه .. ايه الكلام ده ! انطقى و الا و الله العظيم هتصل ب بابا دلوقتي
حبيبه:لا .. اووعي
شروق:يبقى افهم في ايه ؟؟؟ و دلووووقتي
حبيبه و قفلت باب الشقه:طب ادخلى جوا عشان الناس
شروق:ماشي
و دخلت قعدت و اتكلمت .....
شروق:ها ، افهم بقي
قعدت حبيبه على الكرسي و سكتت ، و اتكلمت شروق .....
شروق:هتفضلى ساكته كده كتير ؟
حبيبه:فهمها انت يا مصطفى
مصطفى:لا ماليش دعوة .. دى بنتك انتي .. اتكلمى معاها انتى و فهميها
شروق:طب و بعدين بقى ؟
حبيبه:بصى .. بصراحه
شروق:هاا ؟؟؟
حبيبه:زمان و انا صغيره في سنك كده كنت بحب مصطفى اوووي و لانه فقير مكنش ينفع يتقدملى و فضلنا 4 سنين مرتبطين و لما كملت 19 سنه ابوكي اتقدملى
شروق:اها و اهلك غصبوا عليكي تتجوزيه .. مش كده ؟
حبيبه:لا للاسف اهلى مفرضوش عليا حاجه .. انا اللى كنت طماعه اووى و لان اسلام كان غنى .. وافقت عليه و اتجوزته و اتخليت عن مصطفى عشان الفلوس
شروق:ايه .. اسلام غني ؟؟ بابا غني ! ده ازااى !!
حبيبه:ها .. لا مش قصدى كده .. هو ....
( روايات بسوم )
شروق:هو ايه و مش قصدك ايه .. انتى قولتى غنى .. طب غنى ازاى و انتى ع طول كنتى بتقولى انك معكيش فلوس و دايما معيشانى في فقر و ذل معاكى .. دايما كنت اقل واحده مع اصحابي في المدرسه و في كل مكان .. ازاى كان غنى و احنا كنا في الفقر دة .. ازاااى ابويا يكون غنى و انا اكووون كده
حبيبه:لا انتى فهمتى غلط
شروق:فهمت غلط ايييه .. انتي هتفهميني كل الحقيقه ولا اروح احكي لبابا كل حاجه .. و الله لو مقولتليش الحقيقه هفضضضحك مش هسسكت
مصطفى:اهدي يا شروق
شروق:اهدي ايييه .. ايه البررررود اللي انت فيه ده !!! انت بني ادمك معندكش دم
حبيبه:شروق
شروق:بلا شروق بلا زفت .. هتقولى و تفهميني و لا اروح انا بقى اسأل بابا ع فلوسه راحت فين و انا حتى المصروف مكنتش باخده و الاكل مش بأكله .. و بصت لمصطفى باستحقار و هي بتتكلم .. انا بصحي من النوم اروح المدرسه و اجي من المدرسه اروح الدرس و عمرى ما شوفت فلوس و اروح البيت بليل اتعشي بس و بفضل طووول اليوم على العشا بتاع اليوم اللى قبله .. انتي متخييييله انتي عملتى اييه ؟؟؟!! انا عمرى ما طلبت منك حاجه ولا عمرى كنت عايزة حاجه .. عشان مش عايزة احملك فوق طاقتك .. بس انتي اللي حملتيني انا فوق طاقتي .. قوليلي كنتى بتودي الفلوس فين ؟؟؟ اتكلمي بقققي
حبيبه:كنت بديها نصها لمصطفى و نصها بشيله اقل من الربع بيتصرف عليكي و ع البيت و الباقى بخليه معايا شروق:عليااا .. بيتصررف عليا فيين !! صرفتي عليا ايه ؟؟
حبيبه:اكلك و مدرستك و دروسك
شروق:نعمممم .. انتي كده صرفتي يعني .. بتعتبري دى مصااارريييف .. انتى واثقه من كلام ده ؟؟!
حبيبه:اها
شروق (في سرها):يا بجحتك .. و الله لوديكي في داهيه
شروق:ممكن اعرف انتي ازاى كنتي بتعملى كده من غير ما بابا يعرف ؟؟
مصطفى:زى ما كانت بتجبني البيت من غير ما يعرف بردو ههههههههههه
حبيبه بعصبيه:اسكت يا مصطفى لو سمحت
مصطفى:و ماله .. ساكت اهو
شروق(و بتشاور علي مصطفى):بعيدا عن الكائن ده .. انا عايزة افهم كل حااااجه
حبيبه:ماشي .. بس لو كلمه وصلت لابوكي انتي حرة
شروق:ماتخافيش .. قوولى
حبييه:عادي بعد اول سنه من جوازى ما خلصت و خلفتك بدأت ادور ع مصطفى تانى لانه اختفى من قبل ما اتجوز بشهر و مكنتش اعرف عنه حاجه .. فضلت اتصرف و اكلم ناس من صحابه لحد ما وصلتله و كلمته و لقيتنى واحشته زى ما واحشني و اكتر كمان و بقيت اعرفه المواعيد اللي بيسافر فيها اسلام و اللي بيرجع فيها .. و بقى اسلام يجي من هنا يديني الفلوس و يقعد الاسبوع الاجازة بتاعه و يسافر .. اول ما يسافر يبدأ مصطفى يجي في الأوقات اللي انتي مش موجوده فيها و سعات بعد ما تنامى و طبعا و انتي لسه صغيره كانت كل حاجه سهله و كان بيجي و بيمشي براحته و كان سعات كمان بيبات معايا بالايام .. و زي ما قولتلك الفلوس كانت بتتقسم هو النص و انا و البيت النص .. و اهم حاجه اني كنت عايشه في سعاده معاه مفكرتش بقى في اي حاجه تانيه خاااالص
شروق:انتي بتتكلمي كده ازاااى ؟؟ .. انتي بتقولى اييييه ؟ و ازاى بتتكلمي عاادي كده !!
حبيبه:عشان ده اللى حصل .. يبقى خلاص الانكار ملهوش لازمه
شروق:محدش قالك تنكرى .. بس متتكلميش بالجرأه دي .. ابويا عملك اييه عشان تعملي فيه كده ؟ دي خيااانه .. ازاى تعملى كده ! دي خيانه بكل بجاااحه
حبيبه:احتررررمي نفسسسك
شروق:انا محترمه غصب عن اي حد
حبيبه:انتى هتقلى ادبك عليا ولا ايه
شروق:ولا اقل ادبي ولا تقلى ادبك
و قامت شروق فتحت باب الشقه و خرجت و محدش قدر يلحقها ولا يرجعها (طبعا شروق كانت بتسجل الحوار كله موقفتش التسجيل .. يعني كانت مكمله و كل كلمه اتسجلت بالحرف الواااحد من اول ما كانت واقفه ع باب الشقه لحد ما نزلت الشارع و وقفت التسجيل) .. نزلت شروق الشارع و فضلت تعيط جامد و ماشيه منهارة من العياط و من التفكير لحد ما اغمى عليها .....
( روايات بسوم )
............................................................
صحيت شروق من النوم ع صوت رضوى ....
رضوى:شوشو .. يا شروق يا حبيبتي
شروق بصوت نايم:ايه يا رضوى
رضوى:قومي يالا الساعه 9
شروق و هي مش حاسه:في اييه يا رضوى
رضوى:حبيبتي اليومين الاجازة خلصوووا خلاااص .. عندنا محاضره انهارده .. قووومي
شروق:حاضر قايمه اهو .. و قامت
رضوى:صباح الخير يا كسلانه
شروق:هههههه صباح النور
رضوى:يالا رووحي اغسلى وشك كده و فوقى عشان تلبسي
شروق:حااضر
( روايات بسوم )
...........................................................
--:انتي نزلتى الشارع ليه وقت ما كنتى قاعده مع حبيبه و مصطفى ؟
شروق:مكنتش قادرة استحمل خاالص القاعده معاهم ولا الكلام و دماغى كانت هتتشل من التفكير و من الصراع اللى بيدور جواها و كنت حاسه اني لو طولت في القاعده شويه هتحصل جريمه
--:يعني ايه ؟! .. انتي تقتلى مامتك مثلا ؟
شروق:لا طبعا .. هي اللى كانت هتقتلني او هتضربني و تعملى عاهه مستديمه مثلا .. لاني مكنتش قادرة اتملك اعصابي في الكلام .. صعب طفله عندها 15 سنه تستوعب اللى حصل و لا حتى ممكن طفله تقدر تفسر يعنى ايه امها بتستغل عدم وجود ابوها و تخونه مع واحد زباله كده .. صعب مش كده ؟
--:ممممممم صعب طبعا صعب اووى
شروق:اتعذبت و اتظلمت كتيرررر
--:فعلااا .. شروق هي بجد حبيبه كانت بتعمل معاكي اللى قولتيه ده ؟؟ و مكنتش بتاكلك و لا بتديكي فلوس !!
شروق:اها و الله بجد .. ده كان بيحصل اكتر من كده كمان .. دة لو مرة جيت في العشا يعني المرة الوحيده اللي باكل فيها طول اليوم .. جيت اكل و الاكل معجبنيش و قولتلها ايه ده يا ماما انا مش بحب ده مثلا .. كانت تزعقلى و تضربني و كنت انام من غير اكل و افضل يومين قاعده كده و نازله و طالعه من غير ما أكل خالص .. ده و الله الناس اللي في العشوئيات كانوا اغني مننا من وجهه نظرى .. من اللي كنت بشوفه من امي .. كنت فاكرة اننا فقراء اوووى
--:يااااه للدرجااادي !!
شروق:و اكتررر و الله اكترر بكتييير
--:لا حول ولا قوه الا بالله .. طيب شروق انتي روحتى فين لما نزلتى ؟؟ و حصل ايه لما اغمى عليكي ؟؟
شروق: ........
.........................
#بسمه_ممدوح