خيانة رسمية

* الفصل السادس و العشرون *

هيثم خلص لبس و راح للؤي يصحيه .....
هيثم:قوم يا لؤي .. قوووم يا ابني
لؤي:اييه يا عم متسربع علي ايه .. عايز ايه ؟؟
هيثم:قوم بسرعه عشان هنروح لشروق دلوقتي .. و اتصل برضوى عشان تيجي معانا
لؤي:شروق !! دلووقتي .. فييه ايه ؟؟ جرالها حاجه ولا ايه
هيثم:اها لسه مكلمانى دلوقتي و كانت بتعيط جامد و قالتلى ان امها ماتت
لؤي:ايييه امها ماتت ؟؟ لا حول ولا قوه الا بالله .. امتى ده حصل ؟
هيثم:هى لسه مكلماني من ربع ساعه كده و قالتلى حصل دلوقتي او من شويه
لؤي:ايووووة يا هيثم زعلتنى اوى و الله .. دي ملهاش غيرها
هيثم:فعلا .. ربنا يرحمها بقى و يصبر شروق على اللي هي فيه
لؤي:امين يارب
هيثم:روح البس و اتصل برضوى الاول عشان تخلص لبس عقبال ما نروح لها
لؤي:تمام
مشي لؤي و لسه هيتصل برضوى سمع الباب بيخبط .. ساب الموبايل و راح يفتح .....
( روايات بسوم )
لؤي:رضوى
رضوى:انا جايه عشان اروح معاكوا ...
لؤي قاطع كلامها:انتى عرفتي
رضوى:عرفت ايه ؟
لؤي:هيثم لسه قايلى ان ام شروق ماتت
رضوى:ايوة عرفت و شروق قالتلى انها هتقول لهيثم و انا لبست و جيت عشان اروح معاكوا .. لاني قولت اكيد انتوا هتروحوا لها
لؤي:اها رايحين اكيد .. هيثم لبس و انا داخل البس اهو و هننزل علي طول
رضوى:طيب تمام .. بسرعه بس
لؤي:اوك .. اقعدي وقفه ليه
رضوى:حاضر هقعد
قعدت رضوى و دخل لؤي و قال لهيثم ان رضوى جت و راح يلبس .....
( روايات بسوم )
.......................... عند شروق .....................
واقفه شروق في الاوضه و حبيبه بتتغسل و بتتكلم جواها ....
شروق:حار و نار في جتتك الفلوس اللى دفعتهالك .. مش رحماني ولا حيه ولا ميته .. بس اتصدقى مايجوش تمن اني اخلص و ارتاح منك .. هه تعرفي كان نفسي ازعل عليكي كان نفسي من جوايا اكون بموت لما يجي اليوم ده .. كان نفسي اكون منهاره بجد مش تمثيل .. بمعني اصح كان نفسي تكونى امي مش واحده حتى متستاهلش تبقى ام .. الله يسامحك ع اللى عملتيه فيا .. بس حتى لو ربنا سامحك انا مش مسمحاكى
فاقت شروق علي صوت المغسله و هي بتتكلم .....
( روايات بسوم )
عبير (المغسله):هى امك ماكنتش بتصلى ولا ايه يا بنتى
شروق:مش عارفه
عبير و هى كاتمه نفسها و بصوت مخنوق:انا اول مرة اشوف كده بصراحه بجد .. دى حاله بشعه
شروق:لييه ؟ هو في ايه !
عبير:ريحتها بشعه فعلا و جسمها بيزرق مع كل نقطه مايه بتتحط عليها ده غير اطرافها اللى مش قادره اعدلها .. هى اكيد ماكنتش بتصلى .. بصراحه عمرى ما شوفت كده شوفت حلات كتير .. الحاله دى اول مرة تورد عليا
شروق بحزن:ممكن حضرتك ماتقوليش الكلام ده لحد ولا لطنط سمر ولا تقولى الكلام ده قدام اى حد و لو حد سالك علي اطرافها اللى مش معدوله قولى عشان ماتت و قعدت اكتر من يوم فخلاص جسمها جمد علي كده .. بلاش تفضحيها قدام الناس
عبير:استغفر الله العظيم يارب .. استحاله يا بنتى افضح حد ربنا يرحمها و يستر علينا كلنا .. انا مش هقول لحد حاجه خالص دي حاجه بينها و بين ربنا و انا مالى
شروق:ميرسي يا طنط
عبير:ممكن بس اسال سؤال و تجاوبيني و قسما بالله الكلام ده ما هيطلع برا بس اصل لازم اعرف
شروق:اسألى .. عايزة تعرفي ايه ؟
عبير:امك عملت حاجه وحشه في حياتها او ذنب مثلا و ماكفرتش عنه ؟؟
شروق:استغفر الله العظيم .. بصراحه
عبير:هاا ؟؟
شروق:كانت بتخون جوزها و كانت مكمله في العلاقه دي حتى بعد الطلاق و قعدت 18 سنه على نفس الحال
اتغيرت ملامح عبير 360 درجه و نزلت دموعها و فضلت ساكته مده طويله و بعدين اتكلمت .....
( روايات بسوم )
عبير:لا اله الا الله .. ربنا يخفف عنها العذاب .. ادعيلها يمكن تترحم شويه مع انه مستحيل من العلمات اللي باينه قدامي دى
شروق:كل واحد يشيل ذنب نفسه .. بعد اذنك انا هخرج برا و حاولى تخلصي بسرعه
عبير:انا خلاص فاضلى عشر دقايق بالكتير انتى شايفه
شروق:تمام
طلعت شروق من باب الاوضه و قفلت الباب و بتسند ظهرها علي باب الشقه لقت رضوى و لؤي و هيثم في وشها .....
( روايات بسوم )
رضوى حضنتها جامد و باستها و وقفت جنبها .... 
هيثم:مش عارف اقولك ايه .. بس مش هقدر اشوفك حزينه ... و باس ايدها
شروق بحزن مصطنع:انا كويسه يا هيثم كفايه انت جنبي .. ربنا يخليك ليا يارب
هيثم:و يخليكي ليا يارب .. و فضل ماسك اديها و واقف جنبها
لؤي:الباقيه في حياتك يا شروق و ربنا يصبرك يارب
شروق:البقاء لله وحده يا لؤي
لؤي:و نعم بالله
رضوى:هى مامتك اتكفنت ولا لسه ؟
شروق:بتتكفن جوا .. خلاص هانت كلها خمس دقايق
رضوى:تمام .. ربنا يرحمها
ابتسمت شروق ابتسامه بارده .... و سكتوا كلهم و فضلوا واقفين مستنين حبيبه تخرج و خمس دقايق و طلعت عبير و قالت انها خلصت خلاص ، و اخدت فلوسها و مشيت .....
دخلت شروق و سمر عند حبيبه و شغلوا قرأن في الاوضه و قرأن في الصاله و بعد ساعه بدأوا الناس ينزلوا حبيبه للعربيه عشان يودوها للمسجد و فعلا خلصوا و وصلوا للمسجد عشان يصلوا عليها
و بعد ما خلصوا اخدوها و طلعوا كلهم على المدافن و دفنوها و مشيوا ....
( روايات بسوم )
كل ده حصل ف ساعات كتير لان حبيبه كانت بطيئه جدا في خطوتها ...
( معلومه:الميت هو اللى بيمشي الناس مش هما اللى بيمشوه .. علي حسب عمله و علي  حسب هو عايز يتدفن ولا لا ) ..
بطئ حبيبه في طريقها للمسجد و للتربه كان مُلاحظ جدا و كل الناس اخدت بالها منه و شروق كانت مكسوفه اوى من الموقف .. مكسوفه من الناس و اللى هيقولوه و مكسوفه من هيثم و لؤي و رضوى و من الافكار اللى اكيد بتدور في دماغ هيثم بعد اللى شافوا و بدأت شروق تعيط بجد بانهيار و كأنها مستنيه سبب يخليها تعيط .. كانت بتعيط علي الموقف اللى كسفها قدام الناس مش علي حبيبه ، بس طلعت في عياطها كل التعب اللى جواها عذابها و جرحها و حياتها و وحدتها و اللغبطه اللى هى عايشه فيها و افكارها المتشتته و فضلت تعيط و ماحدش عارف ولا قادر يسكتها و الناس اخر ما بتزهق بيسبوها .. بس هيثم ماسبهاش و فضل جنبها لدرجه انه كان بيعيط علي عياطها .. فضلت علي الحال ده لحد ما روحوا البيت عند رضوى و هيثم و لؤي كانوا معاها .. طبعا كلهم ماحدش رضي يروحها بيتها عشان ماتتعبش و قالوا يسبوها عند رضوى .....
( روايات بسوم )
عدا اسبوع على نفس الحال شروق بتعيط علي همها و مش بتسكت و اسماء ( ام رضوى ) و رضوى بيحاولوا يهدوها و هى زى ما هى .. هيثم كل يوم بيزورها و بيكلمها علي طول و مش بيسبها ابدا و بدات تتعلق بيه اكتر و تحس ان فعلا في ناس بتحبها و انها مش وحيده .. عدا اسبوع كمان و بقت كويسه و رجعت بيتها و هيثم بيقرب منها اكتر و اكتر لحد في يوم ....
( روايات بسوم )
هيثم ماسك موبايله و بيعمل مكالمات .....
هيثم لنفسه:مش ممكن كده بجد اكتر من 15 مرة موبايلك غير متاح .. هو في كده يا لؤي بقى
بعد محاولات كتير فقد هيثم الامل ان لؤي يفتح موبايله فأتصل برضوى .....
( روايات بسوم )
رضوى:الو
هيثم:ايه يا رضوى عامله ايه ؟
رضوى:الحمدلله يا هيثم و انت ايه اخبارك ؟
هيثم:تمام الحمدلله .. بقولك يا رضوى انا جهزت المفاجأه اللى كنت قايلك عليها انتى و لؤي
رضوى:مفاجأه اييه ؟
هيثم:المفاجأه اللى عاملها لشروق .. مش كنت قايلكوا
رضوى:ايوة ايوة افتكرت
هيثم:طب انا هروح لها انهارده و عايزكوا تيجوا معايا زي ما اتفقنا
رضوى:ماشي مافيش مشكله .. بس مش كنت تقولى ان المفاجأه انهارده عشان اعمل حسابي
هيثم:معلش بقى اهى جت كده ماتزعليش
رضوى:خلاص تمام .. هزعل ليه انا هلبس علي طول اهو و نروح
هيثم:تمام .. بس موبايل لؤي مقفول و مش عارف اوصله بقالى كتير
رضوى:اها انا رنيت عليه من ربع ساعه كده و لقيته مقفول
هيثم:طب و بعدين هنخليه يجي معانا ازاى !
رضوى:عادي يا هيثم سهله .. هنروحله الصيدليه
هيثم:اتصدقى فكرة .. خلاص تمام البسي بسرعه و انا هلبس و هعدى عليكي اخدك
رضوى:اوووك .. ماتتأخرش انا هلبس بسرعه
هيثم:نص ساعه بالكتير و هكون عندك .. يالا سلام
رضوى:اوك سلام
قفلت رضوى مع هيثم و دخلت تلبس ، و خلصت لبس و هيثم خلص لبس و راح لها و رن عليها نزلتله .....
( روايات بسوم )
................... عند شروق في البيت ................
قاعده شروق بهدوم البيت اللى مش لطيفه خالص .. و معاها واحد و اقعدين في الاوضه بيتكلموا ......
( روايات بسوم )
..:اييه يا شروق ما تتكلمى جيبانى علي ملا وشي و متصله بيا تعالى و عايزاك بسرعه و في موضوع مهم لازم نتكلم فيه .. ايه هو الموضوع المهم ده ؟ و ساكته ليه اصلا اما انتى عايزة تتكلمى !
شروق:مش عارفه اقولك ايه
..:ماتقلقنيش يا شروق .. اتكلمى علي طول
شروق:بصراحه انا مش بحبك .. انا بحب هيثم و اتعلقت بيه اوى و بعد موت حبيبه اكتشفت حبه ليا و ماينفعش اسيبه او ابعد عنه .. انا اكتشفت ان هو الحب الوحيد الحقيقي في حياتي
..:مش فاااهم انا .. يعني ايييه ؟
شروق:يعني نسيب بعض .. ابعد عنى و كمل حياتك طبيعيه و كأن ماحصلش حاجه بينا في يوم و بلاش بقى نظلم حد .. لازم نعدل حياتنا شويه
..:نعمممم انتى بتقووولى اييه ؟؟ انتى هبله .. انا بحبك و مش هقدر اسيبك انتى ازاى بتفكرى كده !
شروق:لاني اكتشفت انى بحب هيثم و عايزاه .. و مش هينفع اظلمه لانه مايستحقش انه يتظلم او يتخان
..:و انا ذنبي ايه ؟؟؟
شروق:ذنبك انك دخلت حياتي في وقت غلط
..:انا ؟؟ انا اللى دخلت حياتك ! ده ازاااى ؟؟ انتى اللى دخلتى حياتى بدون اى مقدمات و انتى اللى اجبرتيني علي حبك و خلتيني ارتبط بيكي و اتعلق بيكي
شروق:لا ماقولتلكش تحبني ولا ترتبط بيا .. انت اللى كنت محتاجلى و اما لقتني اتعلقت فيا .. بس خلاص اللى حصل حصل و لازم نفوق
..:نفووق ازاااى .. انتى مستوعبه كلامك ؟؟
( روايات بسوم )
...............................................................
اخد هيثم رضوى و مشيوا و وصلوا لحد صيدليه لؤي .. نزلوا من العربيه و دخلوا الصيدليه ....
و اول ما دخلوا ......
.........................
#بسمه_ممدوح