خيانة رسمية

* الفصل السادس و الثلاثون *

شيرين:استنى يا شروق
شروق بصتلها بخوف:نعم ؟
شيرين:ممكن تقعدى و تسمعينى للاخر
شروق:حاضر .. و قعدت
شيرين:مين قال انى هبلغ عنك ؟ هو مش لؤي قالك ان الموضوع انتهى و ملهوش لزوم يتفتح تانى
شروق:اها
شيرين:طيب انتى بقى متعرفيش ان اى حاجه تتقال عند الدكتور النفسي مهما كانت لازم تفضل سر و متخرجش ابدا مهما حصل
شروق:لا معرفش
شيرين:طب اديني قولتلك اهو عشان تبقى فاهمه .. اى حاجه قولتيها هنا يا شروق اعتبري نفسك مقولتيهاش اصلا و لا انا سمعتها
شروق:حاضر
شيرين:و بعدين على رأي لؤي نسيب السجن لحاجه اكبر
شروق:هههههههه
شيرين:ايوة كده
شروق:انا متشكرة اوى يا دكتورة
شيرين:متقوليش كده .. و يالا قومى روحى و ارتاحى كده عشان شكلك مرهقه اوى
شروق:ايوة فعلا انا تعبانه جدا
شيرين:طيب روحى و متنسيش الجلسه الجايه بعد بكرة .. و عايزاكى تفرحيني بقى
شروق:بأيه ؟
شيرين:نسيتي يا شروق ! مش قولتيلى ان ميعاد الدكتورة بتاعتك بكرة و هتعملى سونار و تعرفي ولد ولا بنت
شروق:ايوة ايوة صح .. بس هو اكيد هيبان ؟
شيرين:مش انتى في السابع ؟
شروق:اها في السابع
شيرين:خلاص يبقى هيبان ان شاء الله و هتفرحيني بعد بكرا
شروق:ميرسي يا دكتورة شيرين ربنا يخليكي
شيرين:متقوليش كده يا حبيبتي .. يالا روحى و هستناكى بعد بكرا الساعه 3
شروق:باذن الله .. بعد اذنك
شيرين:اتفضلى
قامت شروق مشيت و وصلت البيت .. دخلت اوضتها و ولعت النور و قعدت على السرير تعيط و تتكلم مع نفسها ....
( روايات بسوم )
شروق:وحشتني اوى يا لؤي .. نفسي اشوفك بقى .. سبتنى و مفكرتش هعمل ايه من بعدك ولا فكرت لما اولد هعيش ازاى انا و ابني من غيرك .. يارب بين الحق عشان انا مظلومه ..
و طلعت موبايلها و اتصلت بلؤي كذا مرة ....
شروق:خمس شهور الموبايل غير متاح .. يارب نفسي يتفتح مرة واحده بس .. نفسي اسمع صوته ...
فضلت تعيط و قامت غيرت هدومها و رجعت على سريرها تفكر و تعيط لحد ما تنام ....
( روايات بسوم )
.................................................................
في شقه تانيه الباب بيخبط .. قامت واحده تفتح ....
..:احيييييييييه
..:في ايه يا رضوى ما تهدي
رضوى بخوف:عايز ايه يا لؤي .. احنا مش قولنا هتبعد عننا بقى
لؤي:لا مش هبعد عنكوا خالص .. يا هيثم يا هيييثم
هيثم طالع من الاوضه جرى:في ايه يا رضوى .. لؤي !! عايز ايه يا لؤي ؟؟؟
لؤي:عايزك تسمعنى مش كل مرة هتعمل كده
هيثم:لا انا سمعتك مرة و مش مصدقك و كل مرة هعمل كده .. ياريت تمشي بقى و تخرجنا من حياتك خالص
لؤي:لا يا هيثم مش همشي .. احنا اخوات
هيثم:لا مش اخوات .. انا قولتلك مرة زمان انى ماليش اخوات .. كان ليا اخ و مات .. و اظن ان دي رابع مرة تيجي فيها يا لؤي في خمس شهور وكل مرة بقولك نفس الكلام .. اسمع كلامى مرة بقى و شوف حياتك انا بقولك مفيش امل
لؤي:ماتخلنيش اعمل تصرفات تضايقكوا
رضوى بعياط:و انبي يا هيثم خليه يبعد عننا
هيثم:اهدي يا حبيبتي ماتعيطيش .. هيمشي و مش هيجي هنا تانى
لؤي:لا هاجى .. انت بتتكلم بلسانى ليه
هيثم:بص انا ممكن اعزل و مش صعب عليا خالص و مش هتعرف توصلى تانى .. بس خلينا كده احسن و امشي يا ابن الحلال من هنا و بلاش تيجي هنا تانى
لؤي:انت في كل مرة بتبيعني .. و هتبيعنى المرة دى كمان
هيثم:و في كل مرة هبيعك و عمرى ما هدخلك حياتي تانى
رضوى:انت مش شايف نفسك عامل ازاى .. انت شكلك يخوف انت مجرم .. ازاى انت تبقى اخو الاستاذ هيثم قدام الناس .. بلاش دى .. طب لو رجعت حياتنا تانى هتبوظها خالص .. ده مش بعيد حد يضايقك تموته
لؤي بصلها بنظرة كلها غيظ:قصدك ايه ؟ قصدك ان انا مجنون و متشرد يعني ! صح ؟؟؟
رضوى:لا يعني ....
قاطع كلامها هيثم:اسكتى انتى يا رضوى ما تتكلميش تانى خالص
رضوى:حاضر
هيثم:بص يا لؤي وجودك في حياتنا مش هيكون كويس .. كلنا كده احسن اذا كان احنا او انت .. و انا لو بعد موت امك مكنتش بيعت شقتها كنت خليتك تقعد فيها .. بس للاسف بيعتها .. و المفروض و اللى اعرفه انك عندك شقه بس مش عارف مش قاعد فيها ليه ولا بيعتها ولا ايه
لؤي بعصبيه:ملكش دعوووة
هيثم:ايوووة هو ده بالظبط .. لا انا ليا دعوة بيك ولا انت ليك دعوة بيا .. ياريت تبعد عننا احسنلك لان بعد كده في شرطه و في مستشفى امراض نفسيه
لؤي:قصدك ايه !
هيثم:قصدي اللى سمعته .. امشي و مترجعش تانى احسن
لؤي بغيظ:ماشي يا هيثم
و سابهم و مشي ....
قفل هيثم الباب و اخد رضوى في حضنه .....
( روايات بسوم )
رضوى بعياط:انا خايفه اوى يا هيثم
هيثم:ما تخافيش يا حبيبتي .. انا جنبك ما تخافيش
رضوى:انا خايفه عليك اوى منه
هيثم:متقلقيش مش هيقدر يعمل حاجه .. هيخاف ولا هيقدر يجي جنبي ولا حنبك تانى خلاص
رضوى:عرفت ازاى ؟!
هيثم:بعد تهديدي ليه بالشرطه و المستشفى .. هيخاف يتحبس
رضوى:تفتكر يا هيثم ؟
هيثم:ايوة طبعا .. المهم انتى تبطلى عياط كده و متخافيش و متحطيش في دماغك اى حاجه .. انا جنبك اهو و مش هسيبك ابدا
رضوى:حاضر .. ربنا ميحرمنيش منك ابدا
هيثم:ولا يحرمنى منك يارب
( روايات بسوم )
..................................................................
نازل لؤي على السلم .. عنيه كلها دموع و وشه كله حزن و بيتكلم في نفسه ....
لؤي:انا اللى عملت في نفسي كده .. انا اللي خليت امى تغضب عليا و تموت من غير ما اشوفها او تشوفني .. و انا اللي امنت لواحده زى شروق و بعت اهلى و حبيبتى عشانها .. انا استاهل .. بس خلاص انا هفضل كده مرمى في الشارع على طول .. اكيد ده عقاب ربنا اكيد .....
( روايات بسوم )
نزل من العمارة و راح مكانه فضل قاعد لحد ما نام غصب عنه ... و تانى يوم الصبح صحى على صوت الراجل اللي بيصحيه كل يوم .....
- قووووم يا اخويا قوم من هنا .. مش مكان نوم ده
لؤي:ايه ايه .. عايز منى ايه بس
- عايزك تتكل على الله من هنا يالا .. و شوفلك ماتوه بعيد عني
لؤي:هو انا عملتلك حاجه يا حج بس
- اها عملتلى .. يالا بقى بالسلامه ورانا مشاغل
لؤي:حاضر حاضر
و قام مشي و فضل ماشي في الشوارع لحد ما الشمس بدأت تختفى ....
( روايات بسوم )
.....................................................................
عند شروق .. لبست و اخدت شنطتها و موبايلها و نزلت .....
وصلت عند الدكتورة .. و بعد ما جه دورها دخلت و كشفت .....
شروق:ها يا دكتورة .. بنت و لا ولد ؟
روان:ممممم ولد
شروق:بجد !!
روان:اها و الله .. زعلتى ولا ايه ؟!
شروق:لا طبعا .. انا فرحانه اوووى بجد
روان:ربنا يفرحك يا رب .. و عقبال لما يشرف بقى
شروق:ياااااارررب
روان:ماتنسيش معادنا الاسبوع الجاى ها
شروق:لالا ماتقلقيش ما اقدرش انسي طبعا
روان:ماشي يا حبيبتي .. خلى بالك من نفسك
شروق:ان شاء الله .. مع السلامه
روان:سلام
مشيت شروق مش مصدقه نفسها من الفرحه .. و اتصلت بعمها محمود ....
( روايات بسوم )
محمود:الو
شروق:عامل ايه يا مودي وحشتني
محمود:الحمدلله يا شروق .. و انتى اخبارك ايه ؟
شروق:الحمدلله .. مالك !!
محمود:لا مافيش بس المدام بقى ههههههه
شروق:هههههه اهاا مااشي .. المهم انا قولت افرحك
محمود:خير ؟
شروق:طلع ولد
محمود:هو ايه ده !
شروق:ابني يا حوده في ايه
محمود:اهاااا .. مبروووك يا شوشو الف مبرووك
شروق:الله يبارك فيك .. بابا جنبك ؟
محمود:لا برا .. بس لما يرجع انا هقوله و افرحه
شروق:خلاص ماشي .. عايز حاجه بقى
محمود:سلامتك يارب
شروق:الله يسلمك .. و سلملى على مريهان (مراته)
محمود:يوصل ان شاء الله
شروق:باذن الله .. يالا سلام
محمود:سلام
قفلت شروق و روحت فرحانه اوى و نامت .. و قامت تانى يوم الصبح فطرت و لبست و نزلت راحت للدكتورة شيرين .. و دخلت الاوضه .....
( روايات بسوم )
شيرين:تعالى يا شروق .. عامله ايه ؟
شروق:الحمدلله تمام
شيرين:اقعدي واقفه ليه
شروق:حاضر .. و قعدت
شيرين:ها طمنيني .. عملتى ايه امبارح ؟
شروق:الحمدلله دكتورة روان طمنتنى و قالتلى انه ولد
شيرين:بجد ؟؟
شروق:اها و الله .. انا فرحانه اوى و حاسه ان ربنا هيعوضنى
شيرين:اكيد .. و باذن الله ابنك هيبقى سندك في الدنيا و هيعوضك عن كل حاجه وحشه شوفتيها في حياتك
شروق:يارب .. نفسي اشوفه بقى
شيرين:باذن الله هيجي بالف سلامه و هينورنا
شروق:يارب يا دكتورة
شيرين:يالا بقى بما انك مبسوطه كده .. نبدأ الجلسه ولا ايه ؟
شروق:اها نبدأ
شيرين:تمام .. اكيد بقى انتى فاكرة اخر جلسه وصلنا لايه مش كده ؟
شروق:طبعا .. كنا يوم الخميس اليوم اللى قبل كتب كتابي انا و لؤي بيوم ... و وصلت مع حضرتك لحد ما نمنا
شيرين:تمااام .. يعني هنبدأ من الجمعه الصبح ؟
شروق:بالظبط
شيرين:اتفضلى .. انا سمعاكى
شروق:اوك
( روايات بسوم )
......................................................................
تانى يوم الصبح .. صحي لؤي قبل شروق ....
لؤي بيهمس في ودن شروق:شوشتى .. يا قلبي
شروق:بتفتح عنيها
لؤي:على فكرة اتأخرنا اوى في النوم
شروق بصوت واطى:ليه يعني .. هي الساعه كام ؟
لؤي:الساعه 12 يا ستى .. يالا قومى ولا مش عايزة تروحى الكوافير بقى
شروق:كوافير ايه يا لؤي .. انت بتهزر
لؤي:اها بهزر .. قومى يالا و مالكيش دعوة
شروق:ده كتب كتاب يا لؤي يعني
لؤي:انتى هبله .. هعوووضك
شروق:هههههههه مش حهون عليك
لؤي:مشكلتى انك عرفانى .. يالا قومى البسي عقبال ما انا كمان البس عشان اوديكي الكوافير .. اخلصي
شروق:حاضر حاضر
( روايات بسوم )
قامت شروق تلبس و لؤي كمان لبس و خلصوا و اخدوا الفستان بتاع شروق و نزلوا .. وداها لؤي الكوافير و رجع هو البيت ظبط نفسه و لبس و الساعه 6 نزل بس المرة دى نزلت معاه سمر و سامى اخوها و عم احمد .. و وصلوا عند الكوافير و ......
.........................
#بسمه_ممدوح