خيانة رسمية

* الفصل الخامس و العشرون *

..:القهوة اللى طلبتيها بردت .. قاعده بتفكرى في ايه ؟
شروق:عرفت ازاى انى هنا ؟؟
..:انا ماكنتش اعرف انك هنا
شروق:مش فاهمه .. ازاى ماتعرفش و ازاى واقف قدامى كده
..:كل الحكايه انى كنت زهقان و قولت اجي اقعد هنا مع نفسي شويه .. بس اول ما دخلت شوفتك جيت اكلمك لقيتك سرحانه قولت اغلس عليكي و اشرب من القهوة بتاعتك بس اما مسكتها لقيتها بارده
شروق:اقعد طيب و انده الجارسون يجيب واحده غيرها
..:يا بخيله واحده بس .. انتى مش شيفانى ولا ايه
شروق:لا دى ليك .. انا مش عايزة
..:طب و لما انتى مش عايزة كنتى طلباها ليه ؟
شروق:مش عارفه نفسي اتسدت
..:ممممم عشان انا جيت يا شروق !! خلاص بعد اذنك
شروق:رايح فين ؟؟ انت عبيط !
..:انتى اللى مش طيقانى و مش مديانى ريق حلو من ساعت ما شوفتى وشي
شروق:مخنوقه و الله
..:ليه يعنى ! كل ده عشان امك ماتت
شروق:لا طبعا .. بس انا قلقانه و في هم كده علي قلبي
..:مالك يا شروق .. في ايه ؟ اتكلمى
شروق:لو اعرف مالى ماكنتش سكت
..:طب انتى ليه قاعده لوحدك هنا .. و ليه ماكلمتنيش اجى اقعد معاكى بدال ما تقعدى لوحدك
شروق:ماجاش ف دماغى كنت مخنوقه و نزلت علي طول ماكنتش قادرة اقعد في البيت
..:طيب يا ستى هنعديها .. ممكن اعرف بقى لابسه اسود ليييه !!
شروق:عشان الناس .. مش عايزة حد يلاحظ انى مش زعلانه عليها .. لازم امثل الدور شهر حتى و بعدين ارجع لطبيعتى
..:ااممممم يا بنت اللذينا
شروق:ههههه علي فكرة انا زعلانه اوى بجد
..:علي حبيبه ! و ده اللى هو ازاى ؟؟
شروق:انا ماقولتش علي حبيبه .. انا زعلانه علي نفسي و خايفه على نفسي اووى
..:لييه بتقولى كده .. مالك يا شروق ؟!
شروق:مش عارفه او يمكن زعلانه عشان بقيت وحيده
..:و انا روحت فين .. و هى يعنى امك كانت جنبك اوى عشان تفرق حياتك فى غيابها ؟
شروق:مش كده .. بس مليش ولا ام ولا اب ولا حد خالص .. انا محطمه نفسياً بجد
..:حبيبتى انا جنبك .. مهما حصل هفضل جنبك و هحارب اى حاجه عشانك .. ولا انا بقى مش كفايا عليكى ؟؟؟
شروق:كفايه عليا طبعا .. ربنا مايحرمنيش منك يا حبيبي
..:يارب ولا يحرمنى منك ابدا يا احلى حاجه في حياتى
شروق:تيجى نتمشي شويه ؟
..:ياريت .. يالا بينا
شروق:يالا
و بعد ما قاموا ....
( روايات بسوم )
شروق:مش هتحاسب علي القهوة ولا ايه يا ابنى انت
..:هههههه انا اللى سيبتها تبرد بردو .. ماشي ماشي
شروق:ههههه احاسب انا يعني
..:امشي يا اختى امشي .. انتى حيلتك حاجه
شروق:الصراحه لا
..:هههههه يبقى تسكتى خالص
شروق:حاضر
ساب الحساب و اخد شروق و طلعوا من الكافيه و فضلوا يتمشوا و يتكلموا كتير لحد الساعه ما بقت 11 بليل ......
( روايات بسوم )
..:الساعه بقت 11 بقالى كتير بتحايل عليكي عشان اروحك .. يالا بقى عشان لو اتأخرتي اكتر من كده الناس هتتكلم عليكي
شروق:مش عايزة ارروح مش قاادرة ادخل البيت
..:معلش استحملى .. لازم تروحى مينفعش تتأخرى برا البيت اكتر من كده
شروق:اووووف ماشي خلاص روحني
..:انا خايف عليكي .. و قولتلك ميت مرة متنفخيش في وشي
شروق:حاضر .. انا اسفه
..:ماشي يا ستي .. يالا بينا
شروق:يالا
وصلها لحد البيت و مشي و هى طلعت و اول ما طلعت لقت سمر فتحت الباب و قالتلها ان عم احمد خلص كل الاجرائات و دخلت مع شروق الشقه بعد ما شروق طلبت منها تبات معاها عشان خايفه .. غيرت شروق هدومها و ناموا و صحيت شروق تاني يوم الساعه 8 الصبح .. و اول حاجه عملتها مسك الموبايل و عملت مكالمه .....
( روايات بسوم )
شروق:الو
..:ايه يا شوشو .. صباح الخير
شروق:صباح النور
..:وحشتيني اوي
شروق:و انت كمان يا حبيبي
..:ها عملتي ايه ؟
شروق:لسه معملناش حاجه .. انا لسه صاحيه حالا
..:ممممممم
شروق:المهم عايزة افهمك حاجه
..:خير ؟ قولي
شروق:حبيبه ماتت النهارده الصبح ها ؟
..:ازاى يعني .. مش فاهم !
شروق:يعني هقول لهيثم و لاصحابنا في الجامعه ان امي ماتت انهارده الصبح .. لكن طبعا رضوى صاحبتي تعرف كل حاجه بس مش بالتفصيل اوى .. بس تعرف ان حبيبه في المستشفى حاليا
..:اها .. و بعدين ؟؟
شروق:هقولها انها جت امبارح بليل من المستشفى و كانت تعبانه اوى و صحيت النهارده الصبح لقيتها ماتت
..:ممممم اوك تمام
شروق:خد بالك بقى
..:تمام تمام .. انا معرفش حاجه اصلا
شروق:تمام كده يا حبيبي
..:اوك .. اجيلك امتى ؟؟
شروق:شويه كده .. هشوف بس طنط سمر جارتنا و هشوف هيغسلوا حبيبه امتى
..:خلاص ماشي .. عايزة حاجه دلوقتي ؟
شروق:لا عايزة سلامتك
..:الله يسلمك يا حبيبي .. يالا باااي
شروق:سلام يا حبيبي
قفلت شروق و صحت سمر من النوم .....
( روايات بسوم )
سمر:صباح الخير يا شروق .. صحيتي امتى ؟
شروق:لسه حالا يا طنط .. هى ماما المفروض هتتغسل امتى ؟
سمر:على 9 كده عشان الطالعه هتكون علي صلاه الظهر
شروق:طيب تمام .. الساعه 8:15 دلوقتي
سمر:طيب انا هقوم اشوف عم احمد و هنكلم المغسله و نخلص كل حاجه
شروق:ربنا يخليكي يا طنط .. تعباكي معايا
سمر:مافيش تعب ولا حاجه يا حبيبتي .. عيب ماتقوليش كده تاني
شروق:تسلمي يا طنط .. اها استنى كده صح
سمر:ايه يا بنتى؟؟
شروق:فتحت الدولاب و طلعت منه فلوس .. اتفضلي يا طنط
سمر:ايه دول يا بنتى؟
شروق:دى فلوس الكفن و كل حاجه متعلقه بالدفن .. لاني طبعا انا مش بفهم في الحجات دي و حضرتك و عم احمد اللى بتتصرفوا .. فخلى الفلوس دي معاكي عشان تخلصى كل حاجه
سمر:عيب كده يا شروق .. احنا معانا فلوس مينفعش اللى بتعمليه ده
شروق:معلش يا طنط .. عشان بس متبقاش زعلانه منى و هي ميته
سمر:ليه يا حبيبتي بس .. ربنا ما يجيب زعل
شروق:يبقى خلى الفلوس معاكى و اصرفي منها عشان دي فلوسها .. انا مليش دعوة
سمر:مش عارفه و الله يا شروق اقولك ايه
شروق:متقوليش حاجه يا طنط .. روحي بس يالا شوفي عم احمد عشان نخلص
سمر:ماشي يا حبيبتي .. عايزة حاجه منى ؟
شروق:سلامتك يارب .. اها يا طنط في حاجه عايزة اقولك عليها
سمر:ايه يا بنتى؟ قولى
شروق:لما اصحابي من الجامعه يجوا اوعى تقولى اى حاجه .. متتكلميش عن ماما خالص سبيني انا لو حد سألنى علي حاجه ارد عليه
سمر:حاضر يا حبيبتي اللى تشوفيه
شروق:تسلمى يا طنط
سمر:الله يسلمك يارب .. بعد اذنك
شروق:اتفضلى
مشيت سمر و راحت لعم احمد و شروق قعدت في الاوضه و اتصلت برضوى .....
( روايات بسوم )
رضوى:صباح الخير يا شوشو
شروق:صباح النور
رضوى:كنت لسه هصحيكي .. بس ايه النشاط ده بقى صاحيه لوحدك يعني !!
شروق:اها .. ما لازم اصحي انهارده
رضوى:ليه بقى يا عم .. هيثم جاى معانا ولا اييه
شروق:لا لا .. بس سبب تانى
رضوى:ايه في ايه ؟ و مال صوتك !
شروق:حبيبه ماتت
رضوى:بججد ؟ عرفتي ازاااى !؟
شروق:جتلى امبارح بليل و كانت تعبانه اوي و قولتلها طلعتي ليه .. قالتلى زهقت من المستشفى و مضيت اقرار علي مسؤليتى و طلعت
رضوى:ها و بعدين ؟
شروق:بس و دخلت نامت و انا نمت و صحيت من شويه ادخل الحمام .. روحت ابص عليها لقيتها ماتت بس كنت مفكراها عندها غيبوبه ندهت الجيران شافوها قالولى انها ماتت
رضوى:لا إله الا الله .. الباقيه في حياتك يا شروق
شروق:انتى هبله ! بتعزيني في ميييين ؟؟! انتى عاررفه اني مبحبهاش .. احسن انها ماتت عشان اقدر اواجه الدنيا و اقدر اتخطب لهيثم بقى من غير خوف من وجودها في حياتى
رضوى:مممم شرووق اوعي تكونى! ....
شروق:اوعى تكملى .. انتي ازاى تفكرى كده يا رضوى ! ..انا اقتل بردو ؟
رضوى:ممكن لحظه شيطان عشان تخلصي منها
شروق:لا طبعااا انا عمرى ما اعمل كده و بعدين الجيران هما اللي شافوها و هما اللي قالولى انها ماتت
رضوى:طيب يا شروق الحمدلله .. طمنتيني
شروق:ماشي .. بس في حاجه
رضوى:حاجه ايه ؟؟
شروق:هيثم و لؤي عارفين ان امى عايشه معايا .. يعني ماينفعش يعرفوا اى حاجه .. انتى فاهماانى ؟؟
رضوى:ايوة طبعا فهماكى .. و انا استحاله اقول حاجه يا شروق انتى عرفانى
شروق:اكيد طبعا .. المهم انا هقولهم اننا نمنا عادي و صحيت عشان الكليه .. و دخلت اصحيها عشان اديها الدوا لقيتها ميته .. فهمتى ؟
رضوى:تمام فهمت
شروق:اوك يا موزتى
رضوى:تمام .. شويه كده و هلبس و هجيلك و لو قولتى لهيثم .. يبقى هاجي بقى انا و هيثم و لؤي
شروق:انا هكلم هيثم دلوقتي .. ابقى تعالى معاهم بقى
رضوى:خلاص تمام انا هقوم البس و هروح لهم و اجي معاهم
شروق:اووك .. هقفل ناو و هكلم هيثم
رضوى:اوك يا شوشو .. باي
شروق:باى
قفلت شروق و اتصلت بهيثم 3 مرات ماردش و في رابع مرة رد .....
( روايات بسوم )
شروق بعياط:كل ده مش بترد ليه ؟؟
هيثم بصوت نايم و مخضوض:كنت نايم .. في ايه يا شروق ؟؟ بتعيطي ليه !! ماااالك ؟
شروق:امي ماتت يا هيثم .. ماما ماتت اعمل ايييه
هيثم:اهدي اهدي يا حبيبتي .. انتى اتاكدتي ازاى من الكلام ده
شروق:انا صحيت عشان الكليه و روحت اديها الدوا لقيتها مش بتتحرك .. حاولت كتير اصحيها و احركها مش بترد .. فضلت اصوت و اعيط و الجيران جم و شافوها و اتاكدوا انها ماتت و قالولى كده
هيثم:لا إله الا الله .. إنا لله و إنا إليه راجعون .. ماتعيطيش يا شروق اهدي عشان خاطرى
شروق:مش قادرة يا هيثم مش قادرة
هيثم:طب اهدي يا حبيبتي .. خلى بالك من نفسك عقبال ما اجيلك .. انا هقوم البس بسرعه و هصحي لؤي و هاجيلك انا و لؤي و هنجيب رضوى معانا و مش هنسيبك ما تقلقيش
شروق:خايفه اوى يا هيثم و مش مصدقه
هيثم:حبيبتي ده قدر ربنا .. خلى بالك من نفسك و انا جايلك ع طول .. نص ساعه بالكتير مش هتأخر
شروق:حاضر يا هيثم
هيثم:سلام يا حبيبتي
شروق:مع السلامه يا هيثم .. قفلت شروق مع هيثم و عقبال ما لبست هدومها كانت سمر و عم احمد جم و معاهم الست اللى هتغسل حبيبه .. دخلت شروق مع الست اوضه حبيبه و قفلوا الاوضه و وقفت سمر برا و معاها عم احمد و الجيران ....
( روايات بسوم )
........................ في بيت هيثم .....................
هيثم خلص لبس و راح للؤي يصحيه ....
هيثم:قوم يا لؤي .. قوووم يا ابني
لؤي:اييه يا عم متسربع ع ايه .. عايز ايه ؟؟
هيثم:قوم بسرعه عشان هنروح لشروق دلوقتي .. و اتصل برضوى عشان تيجي معانا
لؤي:شروق !! دلووقتي .. فييه ايه ؟؟جرالها حاجه ولا ايه
هيثم:اها لسه مكلمانى دلوقتي و كانت بتعيط جامد و قالتلى ان امها ماتت
لؤي:......
.........................
#بسمه_ممدوح