خيانة رسمية

* الفصل الثاني و العشرون *

محمود:ههههههه تيتا وحشتك .. بسم الله الرحمن الرحيم انتى اتجننتى يا بت ولا ايه
شروق:ههههه لا طبعا انا في كامل قوايا العقليه
محمود:ههههه ما هو واضح .. تيتا وحشتنى و هى ماتت اصلا !
شروق:ذكى اوى انت يا مودى .. ما انا عارفه انها ماتت بس لما باجي هنا بحس اني مبسوطه و بعدين دى تيتا الله يرحمها هي الوحيده اللى كانت حنينه عليا
محمود:اخص عليكي يا معفنه .. طب و انا يعني مش حنين عليكي و بحبك و بخاف عليكي
شروق:ايوة طبعا .. من الاخر هي الحنيه في البيت ده و بس
محمود:لا و انبي
شروق:اها و انبي .. روح بقى اولا اعملى اكل عشان الوليه بت الكلب نزلتنى جعانه
محمود:مين بت الكلب ههههههه امك ؟
شروق:هو فى غيرها هههههههه
محمود:الصراحه لا
شروق:هههههه طب اشطا .. اجرى بقى بسرعه بدال ما اكل اى حاجه في الشقه
محمود:مفجوعه و تعمليها
شروق:غور ياض
محمود:غور و ياض .. ده انا عمك يا مقشفه
شروق بنبره حزينه:ايوة عارفه .. انا اسفه كنت بهزر
محمود:انتى هتمثلى ع امي و تعملى فيها زعلانه .. من امتى بتتاسفي اصلا
شروق:من دلوقتي
محمود:ضربها بالقلم (بهزار) .. قومى يا اختى ساعدينى بدال ما اسيبك تعملى كل حاجه لوحدك
شروق:طب مش قايمه
محمود:هتقومى
قامت قامت شروق اتعلقت في رقبته بس من ظهرة .. محمود مشي بيها علي المطبخ و نزلها قدام البوتجاز ، ضحكت شروق و اتكلمت ....
( روايات بسوم )
شروق:جاى تولع فيا
محمود:ههههههه انا اقدر
شروق:لا طبعا ههههههههههه
محمود:طب امسكي يا اختى البصله دى قشريها
شروق:من عنياااا
محمود:يعني هو لازم اشيلك شبه الحمار عشان تعملى اللي بقول عليه
شروق:انا حمار يا حوده
محمود:انا قولت شبه .. ده الا بقى ان انتى شايفه نفسك كده سعتها مقدرش اتكلم
شروق:ههههههههههههه بقى كده يا مودي
محمود:لا يا قلب مودي
شروق:ههههههه عسل يا ناااس يا ريت كل العمام زيك
محمود:انا عمله نادرة يا بنتى
( روايات بسوم )
....................................................................
شروق:ههههههههههههههههههههه
سمر:شروق يا شروق .. قومى يا بنتى
شروق و بتفتح عنيها:ايه في ايه ؟
سمر:بتضحكى ع ايه بصوت عالى كده !! .. الناس تسمعك تقول علينا ايه و امك ميته جوا
شروق بتتكلم و مش حاسه:اييه بقى
سمر:مالك يا شروق ؟ في ايه بس !
شروق:حوده وحشنى اوى
سمر و هزتها جامد:حوووده مين يا بت
شروق اتفجعت و بصت لها:محموود .. عمى محمود
سمر:اهااا .. طب قومى قومى الساعه بقت 7 المغرب
شروق:طيب قايمه
سمر:صحيح كنتى بتضحكي على ايه !
شروق:كنت بحلم بعمى .. في حاجه يا طنط ؟؟
سمر:لا مفيش بس ضحكتك كانت عليا خفت الناس تسمعك
شروق:اهاا .. معلش حصل خير
سمر:طب انا هروح الحمام و انتى قومى بقى كفايه نوم
شروق:ماشي يا طنط .. دخلت سمر الحمام و قامت شروق مسكت الموبايل و فتحته .....
( روايات بسوم )
...............................................................
--:انتى كنتى بتقولى للحجه سمر دي ان محمود وحشك صح ؟
شروق:اها
--:انتى كنتى بطلتى تشوفيه ولا ايه ؟؟
شروق:اها للاسف
--:ليه يعني .. فهميني ؟
شروق:هو كان مخلص كليه زراعه و مكنش بيشتغل و كان طالب من بابا انه يشوفله شغل .. و مع الحظ قبل الحادثه اللي حصلت لحبيبه ب 3 ايام كان بابا بعتله عشان يسافرله بعد طبعا ما جابله شغلانه كويسه
--:ممممممم يعني انتي تقريبا من ساعت الحادثه مشفتيهوش
شروق:بالظبط .. كل الناس اللى بتحبني و بحبهم لازم تحصل حاجه تبعدني عنهم
--:لا ازاى لسه في ناس بتحبك و مش هيبعدوا عنك هي بس حياتك محتاجه شويه تعديلات صغيره و كل حاجه هتتصلح باذن الله
شروق:يارب
--:المهم شروق قوليلي .. انتى فضلتى قاعده مع عمك في البيت لحد ما باباكي بعتله عشان يسافرله ولا مشيتي قبلها ولا ايه النظام ؟؟
شروق:لا .. اليوم اللي اتخانقت فيه مع حبيبه و روحت فيه عند محمود كان قبل الحادثه بشهرين .. انا قعدت عند محمود شهر كامل و قبل الحادثه بشهر رجعت البيت تانى
--:ليه رجعتى يعني ؟؟
شروق:بصراحه كنت مكسوفه منه اوى و مكنتش قادرة ابص في وشه و كنت لازم امشي
--:ليه ايه اللى حصل !
شروق:كنت قاعده مرة في اوضه تيتا اللى انا بنام فيها .. كانت الساعه 4 العصر تقريبا
--:و حصل ايه ؟؟
شروق:......
( روايات بسوم )
...............................................................
قامت شروق مسكت الموبايل و فتحته و اتفاجأت بكميه الميسدكول اللى وصلت لها .. واصل من هيثم 83 ميسدكول و مسدچين بيقولها فيهم:(شروق انا قلقت عليكي اوى و الله ماينفعش كده ، انا هصبر ل 8 بليل لو ماكلمتنيش انا هجيلك) ....
شروق اول ما شافت المسدج دي ارتبكت جدا و خافت ، و اتكلمت في نفسها .....
شروق:يا نهار ابيض الا يجي بجد
سكتت ثواني ، و اتصلت بيه ....
( روايات بسوم )
هيثم:الو
شروق:ايه يا هيثم
هيثم:كنتى قافله موبايلك ليه !
شروق:كنت نايمه معلش
هيثم:طب ممكن بقى تتفضلى تلبسي عقبال ما اجي اخدك عشان نتمشي شويه
شروق:لا لا لا مش هينفع خاالص
هيثم بعصبيه:ليييه بقى ان شاء الله
شروق:امى تعبانه اووي يا هيثم مينفعش انزل و اسيبها
هيثم:اديها الدوا و لما تنام انزلى
شروق:لا طبعا و افرض احتاجتلى و انا مش موجوده .. تعمل ايه ساعتها من غيري ؟
هيثم:مممم طب بصي انا هجيلك اطمن عليها و اقعد معاكى شويه و همشي
شروق:لا طبعااا يا هييثم انت بتفكر ازااى بس .. انت لو جيت هتعملى مشكله كبيره اوى و امي مش هتسكت
هيثم:في ايه بقى يا شروق ! انتى حافظه الحجج
شروق:و الله ما بتحجج بس انا خايفه
هيثم:خلاص يا شروق ما تخافيش انا اسف
شروق:ما تتأسفش يا هيثم انت مش غلطان بس انا خايفه .. متزعلش منى عشان خاطرى
هيثم:مش زعلان .. ايه صوت الوايت ده
شروق:فين ده ؟
هيثم:عندك .. في حد بيتصل بيكي ؟؟
شروق:استنى كده اشوف ... لا محدش بيتصل
هيثم:انا سامع وايت
شروق:و الله ما عندي يمكن عندك
هيثم:لا مش عندي
شروق:ماشي يا هيثم .. امي بتنادي علي فكرة ممكن اروح لها بقى اشوفها عايزة ايه ولا لا ؟؟
هيثم:اتفضلى يا شروق روحيلها .. يالا سلام
شروق:سلام
قفلت شروق و ردت على الوايت علي طول .....
( روايات بسوم )
شروق:ايه في اييه .. ميت مرة بتتصل انت مش شايفني واايت
،،:شايفك زفت بس عايزك تخلصي .. كنتى بتكلمى مين ؟
شروق:هيثم .. و سمع الوايت و عرف ان فيه حد بيتصل بيا
،،:طب و فيها ايه .. هو عرف مين ؟
شروق:لا اكيد بس ممكن شك انى بكلم حد تانى
،،:طب ما كنتى قولتيلوا اي حد و خلاص كان هيصدق
شروق:لا بغبائي قولتله ماحدش بيتصل .. خليته يشك اكترر
،،:مش مهم بقى كبري دماغك
شروق:ماشي
،،:انتى ماتصلتيش بيا ليه اول ما فتحتي موبايلك
شروق:كنت بكلم هيثم قولتلك
،،:يعني ماشوفتيش المسدجات اللى بعتهالك ولا شوفتى كام ميسدكول منى وصلك !!
شروق:لا و الله .. اول حاجه شوفتها مسدجات هيثم فتصلت بيه على طول .. و بعدها اتلككت اما لقيتك بتتصل و قفلت معاه و رديت عليك
،،:يعني هو اهم منى ؟ .. ما انا كمان باعت مسدجان كتير .. متصلتيش ليه بيا انا الاول ؟
شروق:و الله ما شوفت مسدجاتك اول حاجه شوفتها مسدجات هيثم عشان كده كلمته
،،:ماشي يا ستى
شروق:خلاص بقى
،،:اوك .. المهم بقى حضري نفسك عشان انا جاي
شروق:لالا ماتجيش النهارده
،،:ليه يعنى اشمعنا انهارده لا !
شروق:الجيران عندنا في البيت و الشقق مفتوحه هتطلع ازاى و تدخل عندي اصلا ازاى ؟؟؟
،،:ليه يعني الجيران عندكوا و الشقق مفتوحه .. هو في حاجه ولا ايه ؟؟
شروق:اها يا اخويا في
..:في ايه يا بنتى ! ما تتكلمى
شروق:حبيبه ماتت
..:ايييه امك ماتت ؟؟
شروق:.....
..........................
#بسمه_ممدوح