خيانة رسمية

* الفصل الثالث و الثلاثون *

لؤي:انا ابنك يا امى
يارا:انا اول مرة اسمع الكلام ده .. انا ماخلفتش الا ولد واحد .. انت مين ؟
لؤي:ماما انا لؤؤؤي ماتعذبنيش حرام عليكي .. ايه الكلام ده !!
يارا:ماعرفش حد بالاسم ده
و بعد حوار طال بينهم و كل كلمه من لؤي بتوجع قلب يارا و كلام يارا بيعذب لؤي اكتر .. بدأت يارا تستسلم .....
( روايات بسوم )
يارا بعياط:كفااايه بقى حرام عليك .. ابعد عني و عن ابني انا متبريه منك و مش عايزة اعرفك تانى .. انا ماخلفتش الا ولد واحد بس و ماتفكرش تكلمنى ولا تحاول معايا تانى انت فاهم ولا لا
لؤي:كده يا ماما ؟؟
يارا:انا مش امك
لؤي:لا امى و هتفضلي امى
يارا:سلام
و قفلت السكه ....
لؤي بعصبيه:بقى كده !!!! مااااشي
جه علي من المخزن علي صوت لؤي و كل الدكاترة بقوا مستغربين ماله و بيزعق كده ليه .....
علي:مالك ادكتور لؤي ؟ في حاجه ولا ايه
لؤي:مافيش زفت
و بصلهم كلهم ، و اتكلم .....
لؤي:خلى بالكوا من الشغل و اما تخلصوا ، تقفل و تروح يا علي
على:انت ماشي يا دكتور ولا ايه ؟
لؤي:اها ماشي
و اخد مفاتيحه و موبايله و قام و بصلهم و اتكلم .....
لؤي:سلام
طلع ركب عربيته و مشي من غير ما يسمع اى حد ولا حتى يدي فرصه لحد انه يتكلم معاه ولا يسأله مالك .. وصل لؤي تحت بيت شروق و فضل قاعد في العربيه شويه و سرحان ....
( روايات بسوم )
لؤي لنفسه:انا غلطان اني كلمتها .. هما ليه ما بيحترموش المشاعر .. اذا كانت على رضوى فهي مش من باقية عيلتهم و لو على هيثم ف اصلا شروق ما بتحبهوش .. يبقى هما هيقفوا في طريقنا ليه .. مش عارف انا اللى بعمله صح ولا غلط .. بس اصلا انا مش هوقف حياتي عشانهم .. انا هتحمل نتيجه اختيارى و هكمل مع شروق و مش هسيبها و مش هكلم حد فيهم تانى خلاص
فاق من كل اللي بيدور جواه و ركن العربيه و نزل و طلع عند شروق و اول ما فتح الباب لقى شروق قاعده على الانتريه مع نفسها ....
( روايات بسوم )
شروق:حمدالله على السلامه يا حبيبي
لؤي:الله يسلمك
شروق:جيت بدرى يعني
لؤي:اها مخنوق شويه
و مشي على الاوضه .... 
شروق:ليه بسس ..
و راحت وراه و بتكمل كلام ....
شروق: مالك يا لؤي ؟
لؤي:مافيش حاجه
شروق:انت كلمت طنط يارا ؟؟
لؤي:ايوة
شروق:اهااا يبقى المكالمه زعلتك .. طب حصل ايه ؟
لؤي:محصلش حاجه يا شروق كبري دماغك بقى
شروق:لا ده حصل اووى كمان .. في ايه يا لؤي ماالك احكيلي قالتلك ايه ؟
لؤي و هو بيغير هدومه:قالتلى انت مش ابنى ولا اعرفك و متبريه منك .. ارتحتى لما عرفتي كده ؟ و راح طلع ع السرير و استغطى
قعدت شروق على طرف السرير و اتكلمت .....
( روايات بسوم )
شروق:انا كنت عايزة اعرف عشان اخفف عنك بس مش اكتر .. و انا اسفه بجد ماكنش قصدي اعمل كل ده ولا اعمل كده في حياتك .. روح لمامتك يا لؤي و انساني و انا هحضر ورقي و هسافر و مش هاجي مصر تانى
خلصت كلامها و قامت دخلت المطبخ و فضلت تعيط .. قام لؤي و راح وراها ....
لؤي:ايه الهبل اللي بتقوليه ده .. انا مش هسيبك ابدا
شروق:و انا مش احسن من اهلك يا لؤي .. لازم حياتكوا تتصلح و لازم اخرج منها خالص
لؤي:انا كده حياتى متصلحه .. و مش هسمحلك تخرجى منها ابدا مهما حصل
شروق:انا السبب في كل اللي بيحصل و ماينفعش تفضل بعيد عن اهلك كده بسببي .. لازم ترجع بيتك لاهلك
لؤي:انتى اهلى و انا اخدت قرار انى ولا هكلم حد منهم و لا هيشوفوا وشي تاانى
شروق:بس دى امك
لؤي:ماشي عارف .. بس الموضوع انتهى و ده قرار مش مجرد فكرة
شروق:لا ده عشان انت متعصب بس
لؤي:معنديش كلام تانى اقوله يا شروق .. و اخر كلام عندي انك تشيلي الهبل ده من دماغك
شروق:ساكته و بتعبط
لؤي:و ممكن بقى تبطلى عياط عشان انا مش بحب اشوف دموعك دي خالص .. و مسح لها دموعها و اخدها في حضنه
شروق:انا حاسه اني في دوامه .. خايفه اكون بظلمك و في نفس الوقت مش قادرة امنع نفسي منك
لؤي:انتى هتظلميني في حاله واحده بس .. و هى انك تسبيني
شروق:نفسي اصلحلك حياتك
لؤي:لو عايزة حياتك تبقى صح .. يبقى ماتبعديش عنى .. لو بتحبيني يا شروق اوعى تسبيني
شروق:حاضر يا لؤي مش هسيبك عمرى و هنفضل مع بعض لحد اخر يوم في عمرنا
لؤي:بحبك اوى
شروق:و انا بموت فيك
اخدها لؤي و مشيوا راحوا على الاوضه ....
( روايات بسوم )
...................................................................
في مكان تانى .. هيثم و رضوى بيتمشوا و بيتكلموا ....
رضوى:مكنتش متخيله انك هتيجي تاخدنى من الكليه
هيثم:مكنش ينفع اسيبك تمشي لوحدك .. انتى مش متعوده تروحى لوحدك
رضوى:و انت كنت فاكرنى في عز شغلك ؟
هيثم:ايوة طبعا و بعدين انا بخلص الشغل الساعه 2 ما انتى عارفه .. يعني فاضي .. و بردو مهما كان انتى رضوى يعني قبل ما تكونى خطيبه لؤي كنتى اقرب صاحبه لينا
رضوى:عيطت
هيثم:ايه ده ايه ده بتعيطي ليه ؟؟
رضوى:لؤي .. لؤي وحشنى اوى
هيثم:رضوى ارجوكى اقفلى على الموضوع ده .. انا ماسك نفسي بالعافيه و مش عايز افتكر حاجه
رضوى:مش قادرة انسي
هيثم:و بدأت دموع تملا عينه .. يالا نروح
رضوى:بصت في الارض و مشيوا لحد العربيه و ركبوا ... روح هيثم رضوى و راح على بيته .. دخل من باب الشقه ع اوضته على طول من غير ما يسلم ع مامته حتى .. و شويه و خرج من الاوضه متعصب و معاه الهدايا في ايده .....
( روايات بسوم )
هيثم:اييه اللى جاب الحاجااات دي عندي
يارا:ماالك بس ؟ اهدي يا ابنى .. في ايه ؟؟
هيثم:ردى علياااا .. اييه اللي جاب الحجات دي اوضتى
يارا:هو واحد جه جبهالك و انا دخلتهالك اوضتك
رما هيثم الحاجه في الارض و اتكلم بعصبيه .....
هيثم:انا مش عايز اشوف الحاجات دي تااانى .. ارميها ولعى فيهاااا اعملى اللى انتى عايزاه
يارا:طب و الدهب اللى انت جايبه ده .. مش فلوسك دي بردو يا ابنى !
هيثم:بيعيه اتصرفي فيه انا ماليش دعوة .. مش عايز اشوف حاجه تفكرنى بيها حراااام عليكي بقى
يارا:خلاص يا هيثم حاضر
سابها هيثم و دخل اوضته و رزع الباب ....
( روايات بسوم )
طلعت يارا الهدايا علي السلم عشان الزبال ياخدهم الصبح و اخدت علبه الدهب شالتها في اوضتها ، و قعدت على سريرها مستنيه النوم .. و فضل هيثم في اوضته يعيط و يكلم نفسه لحد ما نام .. و رضوى في بيتها بردو زى هيثم بالظبط ....
( روايات بسوم )
.....................................................................
تانى يوم الصبح في بيت شروق .. لؤي قاعد على السرير و حاضن شروق و بيتكلم في الموبايل ....
لؤي:قدامكوا اد ايه يعني
كرم(رئيس العمال اللي شغالين في شقه لؤي):بعد بكرا هتكون الشقه تمام يا دكتور و هتعجبك اووى
لؤي:طب ياريت تنجزوا
كرم:متقلقش .. 48 ساعه من دلوقتي و هيكون كله تمام .. يعني بعد بكرة زي دلوقتي تيجي تستلم مننا الشقه
لؤي:يعني اقدر انزل احجز العفش و انا مطمن من الميعاد ؟؟
كرم:ايوه يا دكتور .. ظبط كل الفرش على الميعاد ده .. و باذن الله هيبقى كله زى الفل
لؤي:خلاص ماشي يا كرم .. ربنا معاكوا
كرم:تسلم يا دكتور
لؤي:الله يسلمك .. يالا سلام
كرم:سلام
شروق:قالك ايه يا لؤي ؟
لؤي:بعد بكرا هنستلم الشقه جاهزة .. و هننزل دلوقتي نحجز العفش اللي يعجبك و هنجيب كل حاجه ممكن نحتاجها في الشقه
شروق بفرحه:بججد يا لؤؤي؟؟
لؤي:اها و الله
شروق:اخيرا المسافه بتقرب و هنتجوز .. بس مش لازم العفش ناخد العفش اللى هنا
لؤي:نعم ! انتى عبيطه يا بت ؟ احنا لازم نجيب كل حاجه في شقتنا جديده زينا زى اي اتنين بيتجوزوا
شروق:مش عارفه اقولك ايه يا لؤي .. بس انا فرحانه اوى
لؤي:ربنا يفرحك دايما يا حبيبتى و يقدرنى انى اسعدك .. و متقوليش حاجه قومى بس البسي عشان هننزل نعمل اللى قولتلك عليه
شروق:هننزل دلوقتي ؟
لؤي:ايوة طبعاا اومال هنستنى ايه .. عايزين في يومين نخلص كل حاجه فاهمه ؟
شروق بفرحه:فااهمه طبعاا يا حبيبي .. و باسته من خده و قامت نطت عشان تلبس ....
( روايات بسوم )
......................................................................
عند هيثم في البيت .. حاولت كتير مامته تكلمه مش بيرد ولا بيفتح الباب و رضوى اتصلت بيه اكتر من 70 مرة و بردو ما بيردش عليها و محدش عارف ماله .. لحد ما الساعه بقت 8 بليل و يارا بتعيط و مش عارفه تعمل ايه .. و لقت الباب بيخبط قامت تفتح لقيتها رضوى .....
( روايات بسوم )
يارا:رضوى .. ازيك يا حبيبتي
رضوى:الحمدلله يا ماما .. و باستها
يارا:مالك يا بنتى ؟
رضوى:مفيش يا ماما .. وحشتيني
يارا:و انتى اكتر يا حبيبتي و الله
رضوى:حضرتك بتعيطي ولا ايه ؟!
يارا:ادخلى بس .. دخلتها و قفلت الباب و قعدوا
رضوى:مالك يا ماما في ايه ؟
يارا:هيثم من الصبح مش بيرد عليا و لا عايز يفتح الباب
قامت رضوى منطورة:اييه ؟؟ ده حتى انا مش بيرد عليا و بتصل بيه من الصبح و مش بيرد خالص .. تفتكرى في ايه ؟
يارا:مش عارفه مش عااارفه .. و فضلت تعيط
جريت رضوى على اوضه هيثم و وقفت على الباب و فضلت تخبط و بتتكلم و هي بتعيط .....
رضوى:هيثم بالله عليك رد عليا .. لو انت كويس ما تقلقناش عليك اكتر من كده .. حرام عليك تعمل فيا و في مامتك كده .. مامتك هتموت من القلق و من العياط
يارا واقفه جنب رضوي عماله تدعي ربنا انه يكون كويس .. و بعد ربع ساعه كلام من رضوى و خبط على الباب .. قام هيثم فتح الباب و رجع قعد على سريره .. شافوه يارا و رضوى اتصدموا من منظرة .. دموعه مغرقه وشه و عينيه وارمه و وشه اصفر و مش بيتكلم .. كل ده حصل في يوم واحد .. حاولوا كتير يتكلموا معاه او يخلوه يرد عليهم .. بس هو رافض يتكلم تماما و مش بيرد على اى حد و لا كأنه اصلا سامع حد بيكلمه او بيتكلم جنبه و كأنه في عالم تانى لوحده شايف فيه كل حاجه سوده .. فضلت يارا جنبه و لان رضوى اتاخرت مشيت و قالت انها هتجيله تاني يوم .....
( روايات بسوم )
...................................................................
روحوا لؤي و شروق و كانوا حجزوا كل العفش و الاجهزة و كل فرش البيت و جابوا كل حاجه ممكن يحتاجوها .. و طلعوا كل حاجه اشتروها لشقه شروق .. و بعد ارهاق طول اليوم ناموا ع طوول ... صحيوا تانى يوم الصبح نزل لؤي شغله و شروق نزلت الكليه و لما راحت الكليه مالقيتش رضوى فهمت انها اكيد نفسيتها تعبانه .. و بعد ما خلصت الكليه راحت للؤي الصيدليه و كلمت محمود عمها و اسلام ابوها و قالت لهم انها هتتجوز دكتور صيدلي .. و عرفوا منها انه كويس و اتقدملها و هى عايزاه و لؤي كلمهم و وافقوا ( لكن هى حكت كل حاجه كذب و ماقالتش حاجه من الحقيقه) ....
( روايات بسوم )
....................................................................
رضوى قاعده عند هيثم .. و هيثم في نفس حالته .. فقامت يارا اتصلت بالدكتور عشان يجيله .. و بعد نص ساعه وصل و كشف عليه و اول ما خلص ....
يارا:ماله يا دكتور ؟
الدكتور:...
.........................
#بسمه_ممدوح