خيانة رسمية

* الفصل السابع و العشرون *

اخد هيثم رضوى و مشيوا و وصلوا لحد صيدليه لؤي .. نزلوا من العربيه و دخلوا الصيدليه .....
و اول ما دخلوا .. لقوا على (عامل في الصيدليه) اول ما شافهم على اتسمر مكانه و افتكر حاجه ......
( روايات بسوم )
لؤي:اسمع .. لو حد اتصل بيك او حد جه سأل عليا هتقول اللى بقولك عليه كل يوم فاهم ؟
على:ايه هو .. بتقول ايه ؟
لؤي:انا قولت انك غبي .. تقول الدكتور لؤي لسه ماشي حالا عشان رايح يمضي على استلام ادويا و احتمال يتاخر .. فهمت ولا اقول تاني
على:فهمت يا دكتور
لؤي:ماشي يا زفت ربنا يستر منك .. ساب الصيدليه و طلع و رجع تاني
على:خير يا دكتور لؤي
لؤي:هات مفاتيح العربيه من الدرج .. مش بقولك غبي
على:طلع المفاتيح و بيدهاله .. انا قصرت في حاجه يا دكتور ؟ او زعلتك !
لؤي:لالا معلش بس انا متاخر و قلقان من حوار كده .. متزعلش و خلى بالك من الصيدليه
على:حاضر يا دكتور .. مع الف سلامه
طلع لؤي من الصيدليه و مشي ....
( روايات بسوم )
....................................................
هيثم:عامل ايه يا على
على:الحمدلله يا استاذ هيثم .. اتفضل
هيثم:فين لؤي .. عايزينه
على:دكتور لؤي .. الدكتور .. اصله مشي
هيثم:مالك .. مشي راح فين و ماشي من امتى ؟
على:لسه ماشي من عشر دقايق تقريبا و راح مصنع الادويه عشان يمضي ع استلام ادويه جديده
هيثم:يووووة .. ماقالش هيجي امتى ؟
على:لا و الله يا استاذ مقالش بس هو اما بيروح المصنع بيتأخر
هيثم بعصبيه:ماشي يا على شكرا .. بعد اذنك
على:ما تخليك منورنا يا استاذ هيثم .. اقعد اجبلك حاجه تشربها
هيثم:شكرا شكرا .. كتر خيرك يا على .. يالا يا رضوى
اخد هيثم رضوى و طلعوا ركبوا العربيه و الاتنين متضايقين و متعصبين جدا .....
( روايات بسوم )
رضوى:طب و بعدين بقى .. بعد ما نزلنا مش هنروح ؟
هيثم:لا هنروح .. مش مهم لؤي انتى صحبتها و انا حبيبها يبقى كفايه مش محتاجين لؤي في حاجه
رضوى:ممممم يعني هنروح دلوقتي
هيثم:مفيش حل غير كده بقى
رضوى:خلاص بقى مدام هنروح يبقى تفرد وشك كده و تضحك .. و تتفضل تمشي و هات الورد بقى عشان نروح ع طول و الا و الله هفتح الهديه و هاكل الشيكولاته
هيثم:ههههههه لالا كله الا كده .. انا هبقى اجيبلك شيكولاته بس سيبي الهديه في حالها
رضوى:خلاص يا عم هسيبها .. و اضحك كده و يالا بينا
هيثم:اشطا يالا بينا
(هيثم جايب علبه حمرا كبيرة و فيها شيكولاته كتيررر و ملفوفه لفه جميله اوى و كلها جليتر و جاب بوكيه ورد احمر كبير اوى و ورده منهم علبه لما تتفتح فيها دبلتين و توينز و خاتم .. و مفاجأته لشروق انه يعرض عليها الجواز تانى و متفق مع مامته اول ما يكلمها تنزل و تروحلهم عند شروق .. و لما توصل لهم هيكلم والد شروق في الموبايل هو و مامته و يخطبها منه) .....
( روايات بسوم ) 
جاب هيثم الورد و حط الورده العلبه في نص البوكيه و ظبط كل حاجه و وصلوا لحد بيت شروق و طلعوا ، وقف هيثم جنب الباب عشان لما شروق تفتح ماتشوفهوش و وقفت رضوى قدام الباب تخبط .....
( روايات بسوم )
.................... في الشقه عند شروق .................
شروق:حرااام عليك بقى .. انا حياتي بايظه سيبني اعدلها .. خليني اعمل حاجه صح و لو مرة في حياتي
..:حرام عليا اني بحبك ؟ .. انا هعدلك حياتك و انا فيها و هخليكي اسعد انسانه في الدنيا
شروق:....
قاطع كلامها جرس الباب و هو بيرن .....
..:مين جايلك !
شروق:مش عارفه .. اعمل اييه ربنا يستر
..:اهدي كده في ايه بس ؟ .. تلاقي حد من الجيران او جارتك اللى جنبك دي
شروق:طب و بعدين هنعمل ايه
..:ولا حاجه هنفتح
شروق:طب استنى هنا و انا هروح افتح
..:لا استنى انتى .. هتروحى تفتحى ازاى باللبس ده انتى هبله ؟؟ اقعدي و انا هروح افتح
شروق:انت مجنون .. لا طبعا
..:يا ستى طول ما هتخبيني يبقى بنعمل حاجه غلط و لو حد شك اني موجود في الشقه هيبقى شكلك وحش .. انا هروح افتح و لو جارتك ولا حاجه هقول اني زميلك في الجامعه عادي يعني
شروق:مممم طب اخلص الجرس بيزييد
..:ماشي ماشي
طلع و فتح باب الشقه و اول ما فتح .....
( روايات بسوم )
رضوى بصدمه:ايه دة !! لؤي .. بتعمل ايه هنا ؟؟
نزل اسم لؤي على هيثم و كأنه صاعقه او خنجر قتله .. وقف جنب رضوى و فضل باصص للؤي و هما الاتنين مش قادرين ينطقوا ، و رضوى مش بتعمل حاجه غير انها بتدمع و بتقوله بتعمل ايه هنا رد عليا و هو ساكت .. دخل هيثم في الشقه و بدأ يتكلم .....
( روايات بسوم )
هيثم:بتعمل ايه هنا ؟ و ليه قولت ل على انك رايح المصنع ! و قافل موبايلك ليه ؟؟ و ايه اللي يخليك تيجي عند حبيبتي صاحبة خطيبتك و هى في شقه لوحدها ؟؟؟ رررردد عليااااااا
لؤي:هيثم انااا ...
هيثم:انت ايه و زفت ايييه ؟؟
سمعت شروق من جوا الصوت و سمعت اسم هيثم ، فضلت تترعش و قامت وقفت و ما بقتش قادرة تفكر ولا تتصرف ولا تعمل اى حاجه .....
( روايات بسوم )
لؤي:انا كنت بطمن عليها عادى
هيثم:طب و هي فين .. انت بتفتح الباب لييه ؟؟
لؤي:يا هيثم ...
هيثم:اتكلم ساكت لييييه
وقع الورد و الهديه من ايد هيثم .. و زق لؤي في صدرة من غير وعى و دخل جرى على اوضه شروق .. و اول ما وقف قدامها اتصدم ....
ملامح شروق المخطوفه - ارتباكها - رعشه كل اطرافها - لبسها اللى مايصحش تقعد بيه قدام صاحبتها حتى - نظرتها ليه و سكوتها .. كل ده وصل هيثم لاخر مرحله من مراحل الزهول مش حاسس بنفسه بيعمل ايه ولا بيتصرف ازاى .. بس بيعيط .. راجل بيعيط على واحده ماتستاهلش ! دموعه مغطيه كل وشه بيضرب شروق ب الاقلام و هو مش حاسس و بينهار اكتر و صوته بيعلى اووى و دموعه بتزيد ....
( روايات بسوم )
هيثم:ليييييه لييه تعملى فيا كده .. اخويا ؟ طب ليه و ازااااااى استفادتي ايييه !! رفضتى تتخطبيلى عشان اخويا ؟ جرحتيني و خونتيني و انا اديتك كل حاجه و وفرتلك كل وسائل السعاده .. و انتي بتعملى كل ده من ورايا ؟! صورة ايدك و ايده اللي حاطتها خلفيه موبايله و انا كنت مستغرب و مش قادر اصدق ان دي مجرد صورة .. دي ايد حبيبتي اللى حافظها صم .. بس كدبت نفسي .. كميه الرسايل و المكلمات اللي شوفتها علي موبايله باسم شوقى .. و هو ميعرفش حد اسمه شوقى كنت شاكك بس ماحطتش في دماغى عشان كانت اخر حاجه اتوقعها انك تخونيني و مع مين ؟ مع اخويا !! شقيقي .. خطيب صاحبتك ؟! انا هتجنن
شروق بعياط:ارجووك يا هيثم ماتظلمنيش و ماتفهمنيش غلط
هيثم:غلط !! انتى خليتي فيها غلط .. انا شايف الصح اهو بعيني مافيش كلام تانى ولا تفسير تانى .. و بعدين مين اللي يظلم مين .. انتى اللي ظلمتيني و دمرتيني انا عمرى ما ظلمتك .. انا جيت كتير علي نفسي عشانك بس انتى ماقدرتيش و ماحستيش
شروق:اديني فرصه افهمك .. فرصه لاول و اخر مرة في حياتي
هيثم بفقدان امل:للاسف مافيش فرص خلاص ، ماينفعش جرح زى ده يتلم بفرصه .. يا خسارة قلبي اللى ضيعته في حبك
شروق منهاره:انا بحبك يا هيثم و الله العظيم بحبك اوى .. سامحنى و اسمعني ماتسبنيش ارجوك
بتقول كلامها و هي بتحاول تقرب منه .....
( روايات بسوم )
هيثم:ابعدي عني مش عايز اعرفك و لا اتكلم معاكي .. الخيانه مالهاش سماح
شروق:ماخونتكش انت مش فاهم حاجه سيبني افهمك
هيثم و بيمسح دموعه:اتفضلى فهميني .. قولى حجج و اعزار .. اعمليلي حوار .. و كأن محصلش حاجه و اخدك في حضنى و اقولك انا اسف انا الغلطان .. قولى سامعك .. برئي نفسك .. فهميني الحقيقه اللى عايزة تألفيها
شروق:...سكتت
هيثم:سكتى ليه ؟ .. ما تتكلمي
شروق:انا .. انا ... و سكتت تانى
هيثم:عرفتي ان مافيش حاجه تقوليها ، عرفتي انك بجد خاينه و ماتستحقيش حبي و قلبي اللى اديتهم لك .. للاسف دمرتي كل حاجه و ضيعتي كل حاجه بغبائك .. ضيعتينى منك عشان حد اصلا ماينفعش يبقى ليكى .. اخويااااا !! مش قادر اصدق
شروق:يا هيثم .. انا ..
هيثم:بلا انا بلا مش انا .. اديتك فرصه تتكلمى و مالقيتيش حاجه تقوليها يبقى خلاص فرصتك خلصت
قال جملته ، و اخد نفسه بقهر ، و سابها و طلع من الاوضه خالص .....
( روايات بسوم )
في نفس الوقت اللى كانوا بيتكلموا فيه .. برا في الصاله رضوى قاعده علي الارض و بتعيط و لؤي واقف قدامها بيسمعها و مش قادر يتكلم و لا يقول اى كلمه ....
رضوى:انت بتخوني انا يا لؤي ؟ طب ليه ! قولى لييه ؟ انا عمرى ما عملتلك حاجه وحشه ده انا حبيتك اوى .. لؤي انت فاكررر احنا بنحب بعض من خمس سنين .. ازاى كل العمر ده و كل الحب اللى كان بينا ضيعته بالساهل .. سامع يا لؤي سامع هيثم بيقول ايه جوا بيقول اخويا مش قادر يصدق و حتى لما خونته مش بيقول لؤي بيقول اخويا .. انت بعتنى و بعت اخوك بالساهل .. هي دي صاحبتي هي دي شروق فعلا اللى الخيانه بتجرى في دمها هي دي اللى انا كنت بدارى عليها كل حاجه بتعملها .. انا اللى كنت بنصحها و بخاف عليها .. ردتلى كل حاجه عملتها معاها بالعكس .. ردتلى الاخوه و الصحوبيه و الحب بالخيانه .. طب انت يا لؤي ازاى عملت كده هاينه عليك دموعى ؟ هاينه عليك دموع اخوك ! انت ازاى كده .. انت عمرك ما كنت كده .. انت ازاى حبيبي اللى كنت ليا كل حاجه !!!???
بدأ صوتها يعلى و يعلى و الكلام بيبقى زعيق و الزعيق بيبقى صوات .. قامت وقفت و قربت من لؤي ، و كملت كلام  .....
( روايات بسوم )
رضوى:انت خااااين انت كداااب انت عيشتنى في الاوهاااااام .. منك لله .. عشان كده كنت بتضحك يوم عيد ميلادها لما رفضت هيثم .. عشان كده كنت بحسك متضايق اما هيثم بيقولها كلام حلو او بيمسك ايدها .. كنت بشوف في عنيك الغيره بس كنت بكدب نفسي و اقول استحاله .. ليه يعني هيغير ! .. اتاريها هي حبيبتك مش انا .. اتاريك بتغير عليها فعلا و كانت كل نظرة منك ليها حقيقيه و انا كنت بطلعلك اعزار .. عشان هبله و بحبك لكن انت خااااين و ماتستحقش .. انت انسااان زباااله
لؤي:اوعى تغلطي فياا
رضوى:اول كلمه تنطقها تقولى كده !! مش هغلط فيك ماقدرش اغلط فيك للاسف .. امسك يا لؤي
قلعت شبكتها كلها و رمتهم علي الارض ، و كملت كلام .....
رضوي:شبكتك اهى علي الارض زي ما انت رميت مشاعرى .. انا كمان رميت اقل حاجه انت قدمتهالى .. و ابقى عدي علي البيت بكرا خد كل حاجتك يا هه دكتور
لؤي:اعتبري اى حاجه عندك هديه منى ليكي
رضوى:ماقبلش هدايا من واحد زيك .. الهديه اللى تلزمنى تكون من راجل
لؤي بعصبيه:رضوووى
في الوقت ده كان خرج هيثم من اوضه شروق .....
( روايات بسوم )
هيثم:يالا بينا يا رضوى
سكت ثواني و بص علي لؤي نظرة احتكار و اتكلم
هيثم:اتفووووووه علي دي اخووة .. ياريت ماتورنيش وشك تاني .. يا اخويا يا كبير ياللى مكان ابويا .. هي دي فعلا الاخوه
لؤي بدموع:هيثم .. كله الا انت
هيثم:كان بردو كله الا انت.. و لو كنت خيرتني بينك و بينها استحاله كنت اخسرك عشانها .. بس انت اخترت حبيبتي و خسرتني عشانها .. يالا بينا يا رضوى من هنا
مشيت رضوى نحيت باب الشقه و هيثم فتحت الباب و لسه هيطلعوا .....
لؤي:هيثم...
.........................
#بسمه_ممدوح