خيانة رسمية

* الفصل الرابع و العشرون *

شروق:و مين قال انى مش بحترمك يا محمود
محمود:اللى سمعته
شروق بخوف:مش فاهمه .. سمعت ايه ؟؟!
محمود:انا سمعت المكالمه كلها
شروق:ازااى يعني .. مكامله ايه ؟
محمود:المكالمه اللي انتى لسه مخلصاها دلوقتي .. و اقولك كمان كانت عباره عن ايه .. انك بتكلمي شاب اسمه محمد و بتخرجي معاه و بتستغلى وجودك عندي عشان تخرجي براحتك و بتقوليله انا هنزل في اى وقت اشوفك .. اصل عمى ها عمى العبيييط مش هيقولى انتي رايحه فين و جايه منين اصله بيثق فيا
شروق:انا !
محمود:اوعي تنكرررى .. انا سمعت المكالمه كلهاااا من اولها لاخرها و خصوصا الحب و الغرام اللي فيها
شروق:انا اسفه .. بس انا استحاله اغلط في حضرتك يا عمى و عمرى ما اقول عبيط ولا الكلام ده ابدا و ماكنش قصدي حاجه من اللي قولته
محمود:عارف انك ماقولتيش عبيط انا قصدى ده معني كلامك .. و لكن مش متأكد اذا كنتى ماتقصديش حاجه من اللى قولتيه ولا لا
شروق:و الله انا اسفه و الله ماكنتش اقصد و كله الا زعلك .. انت غالى عندي اووى
دخل محمود و قعد جنبها بعد ما صعبت عليه و اتكلم ......
( روايات بسوم )
محمود:عارف انك ماتقصديش و عارف بردو اني غالى عندك .. بس اللى انتى ماتعرفيهوش ان انتى عندي اغلى من اى حد في الدنيا و بخاف عليكي اوووى بعيدا عن انك بنت اخويا .. انا بحس انك بنتى او اختي الصغيره و مسؤله منى و كأنى هتحاسب عليكى
شروق بحزن:انا عارفه و حقك تزعل منى
محمود:انا خايف عليكي .. انا شاب و عارف يعني ايه شاب .. انتى فاهمه ؟
شروق:فاهمه .. بس و الله يا محمود انا بحبه بجد و هو كمان بيحبني
محمود:لا انتى بتحبيه اها .. لكن هو مش بيحبك
شروق:يعني ايه !!
محمود:يعني لو بيحبك مش هيكلمك في السر و مش هيخليكي تخرجي تقابليه من ورا اهلك
شروق:مش فاهمه يا محمود تقصد ايه ؟؟ .. يعني هو بيتسلى بيا كل ده !
محمود:شروق انتى بقالك اد ايه تعرفيه .. او اد ايه بتتكلمي معاه
شروق بحزن:حوالى اربع سنين او اكتر
محمود:يا نهاااااررر اسووود يا شروووق .. كل ده !
شروق:اها و هو بيقنعني انه بيحبني
محمود:عمره قالك انه هيخطبك ؟
شروق:سكتت و بصت في الارض بنظرة تفكير
محمود:سكتى ليه ؟ .. عمرة قالك انه هيتقدملك مثلا اما يكون نفسه او اما يتخرج .. اى حااااجه ؟؟؟
شروق:هزت راسها ب (لا مقلش)
محمود:يبقى هو كده بيحبك ؟ اللى بيحب حد بيبقى عايز يعيش معاه و دايما بيوعده انه هيكون ليه .. مش حتى عمرة ما فكر يقولك هخطبك
شروق:بتدمع في صمت
محمود:شروق
شروق:نعم
محمود:اوعى اشوفك بتدمعى تاني .. انتى فاهمه
شروق:حاضر
محمود:هقولك ع حاجه تعمليها .. بس لازم تكونى قد الفراق و تستحمليه
شروق بفزع:فراااق !
محمود:انا متاكد انه هيكون اخرتها فراق و لكن هنحاول و نشوف رد فعله ايه
شروق:هنعمل ايه ؟
محمود:بصي .. هتتصلى بيه دلوقتى و تقوليله عمى سمع المكالمه كلها و زعقلى و قالى انه هينزل يتصل ببابا و يقوله ع اللى حصل و يخليه يمنعنى منك خالص .. لو بتحبنى كلمه و قوله انك عايز تخطبنى عشان منبعدش عن بعض .. تمام ؟
شروق:ممممممم يعني احكيله اللي حصل و اقوله انك هتبعدني عنه
محمود:ايوة بقى خلصي .. و اوعي تحسسيه اني قاعد جنبك فاهمه ؟
شروق:حاضر
مسكت شروق الموبايل و اتصلت بمحمد و اول ما رد بدات تعيط .....
( روايات بسوم )
محمد:مالك يا شروق في اييه ؟؟
شروق:الحقني يا محمد
محمد:في ايه بتعيطي ليه .. انتى كويسه ؟
شروق:و انا بكلمك من شويه عمى كان واقف ورا الباب و انا معرفش و سمع كل حاجه
محمد:يا نهاااار مش فاايت .. و عملك ايه ؟
شروق:اول ما قفلت معاك لقيته فتح الباب و ..... حكتله كل حاجه
محمد:طب و بعدين ؟
شروق:هو دلوقتي راح يلبس و هينزل يتصل ب بابا و هيقوله علي كل حاجه
محمد:ليه هيعمل كده !
شروق:عشان يبعدني عنك
محمد:ايوووووووو بقى
شروق:محمد انت بتحبني ؟
محمد:ايوة طبعا .. انتي بعد كل السنين دي جايه تسألى دلوقتي بحبك ولا لا !
شروق:كنت بتأكد .. بس اللي بيحب حد بيبقى عايز يفضل معاه علي طوول
محمد:اكيد طبعا .. بس تقصدى ايه ؟
شروق:لو بتحبني كلم عمى و قوله انك عايز تخطبني .. عشان مايبعدنيش عنك و نفضل مع بعض علي طول و نتجوز
محمد:ايه ؟؟
شروق:انت سمعت انا قولت ايه
محمد:ايوة
شروق:امال ساكت ليه ؟!
محمد:انتى عارفه اني ظروفي وحشه و ماقدرش اتقدملك دلوقتي لاني لو اتقدمتلك هترفض
شروق:يعني ايه ؟ يعني هتخليه يبعدنا عن بعض
محمد:لا طبعا هنتكلم من وراهم
شروق:اكيد مش هعرف هيكون في رقابه عليا و هياخدوا منى الموبايل
محمد:و انا ذنبي ايه ؟
شروق:ذنبك انك كنت بتقول بحبك .. و بحبك دي مش كلمه و بس المفروض دي تكون افعال .. اخرت الحب ده ايه ؟؟
محمد:مممم جواز اكيد بس مش دلوقتي لسه بدرى
شروق:انت مش صغير
محمد:بس ماعيش فلوس
شروق:خلاص مادام مش هتضحى عشانى يبقى ماتستاهلنيش و ماينفعش نكمل مع بعض
محمد:هي بقت كده يا شروق ؟
شروق:ايوة هى كده
محمد:خلاص اللي تشوفيه .. ربنا يوفقك
شروق:اوك سلام
محمد:سلام
قفلت شروق مع محمد و مابقتش عارفه تودي وشها من محمود فين و مابقتش قادرة تتكلم ......
( روايات بسوم )
محمود:هتفضلى ساكته ؟ .. مش عيب اننا نغلط بس العيب اننا مانتعلمش من الغلط
شروق:صح
محمود:اتاكدتى بقى انه حيوان و مايستحقش انك تحبيه و مايستاهلش انك تعملى حاجه من ورا اهلك عشانه
شروق:ايوة صح .. انا ندمانه اوى و زعلانه اوى
محمود:حبيبتي الندم و الزعل مش بيرجعوا اللي راح و لا بيصلحوا اللي حصل ولا بيعدلوا من اللي جاى
شروق:بتعيط
محمود:ولا الدموع بردو بتعمل حاجه .. كل ده لعب عيال و انتى مش اول واحده ولا اخر واحده تحب .. عادي يا شروق بس المهم متغلطيش تانى و تفهمي ان الحب مش كلام الحب افعال و اللي يثبتلك حبه هو ده بس اللي يستحقك .. فهمتى
شروق:فهمت .. انا اسفه
محمود:ماتتأسفيش انتى بتتأسفي ليه ؟ انا مش زعلان منك عشان تتاسفى انا خايف عليكى
شروق:ربنا يخليك ليا يا محمود
محمود:و يخليكى ليا يا حبيبتى
( روايات بسوم )
..................................................................
فاقت شروق من سرحانها علي حد ماسك اديها .....
بتبص شروق و ساكته ، و الشخص ده بيتكلم .....
..:القهوة اللى طلبتيها بردت .. قاعده بتفكرى في ايه ؟
شروق:عرفت ازاى انى هنا ؟؟
( روايات بسوم )
..................................................................
--:ممممم فهمت انا كده .. يعنى عمك محمود هو اللى بعدك عن محمد
شروق:ايوة
--:و محمد ماحاولش يكلمك تانى ؟
شروق:عدا اليوم ده و اليوم اللى بعده و ماكلمنيش و تالت يوم عمى محمود غيرلى الخط بتاعى
--:و بعدين ؟
شروق:بس كده و من ساعتها و معرفش عن محمد حاجه .. و في نفس اليوم اللى غيرت فيه الخط رجعت البيت عند حبيبه
--:اشمعنا ؟
شروق:انا مكنتش قادرة اقعد مع عمى خالص كنت مكسوفه منه اوى
--:و ما مشيتيش في نفس اليوم ليه ؟؟
شروق:كان هيفهم و كان هيزعل منى .. فانا جيت ع نفسي يومين و بعد كده مشيت بحجه الهدوم و الكتب بتاعتي و كده
--:امممم طب و علاقتك استمرت بيه ازاى ؟
شروق:طبيعيه عادى .. لحد ما سافر و بعدها بكام يوم حصلت الحادثه لحبيبه و كلمته قولتله و كان بيطمن عليا كل يوم و بعد كده بقى بيكلمني كل شهر مرة
--:ليه يعني ؟!
شروق:ظروف شغله .. بقى مش فاضي دايما
--:ممممممم تمام .. المهم احنا وصلنا لحد اليوم اللى حبيبه ماتت فيه
شروق:بالظبط .. و انا كنت قاعده في الكافيه و القهوة بردت
--:ايوووة
( روايات بسوم )
...................................................................
..:القهوة اللى طلبتيها بردت .. قاعده بتفكرى في ايه ؟
شروق:عرفت ازاى انى هنا ؟؟
..:انا ماكنتش اعرف انك هنا
شروق:مش فاهمه .. ازاى ماتعرفش و ازاى واقف قدامى كده
..:كل الحكايه انى ....
.........................
#بسمه_ممدوح