خيانة رسمية

* الفصل العاشر *

اول ما سمعت شروق الجمله الاخيره جريت برا الباب بسرعه و قفلته نص قفله و عملت نفسها لسه جايه حالا و بتفتح الباب ع خطوه خروج حبيبه من الاوضه .. و اول ما خرجت حبيبه لقت الباب بيتفتح ....
( روايات بسوم )
حبيبه و وقفت مكانها:شروق
شروق:ايه يا ماما .. مالك ؟
حبيبه:ساكته .....
شروق:ايه ده .. انتي لابسه كده ليه !
حبيبه:ها .. عادي
شروق:طب انا عايزة ادخل انتى موقفاني ع الباب كده ليه
مصطفى بصوت عالى:انتي فين يا بيبتي كل ده بتجيبي الاكل
شروق:بيبتى ! مييين اللى جوا يا ماما ؟؟
حبيبه:ده ده .. ده ...
شروق:ده ايييه ما تتكلمى .. انا مبقتش صغيره و عايزة افهم ايييه اللى بيحصل
مصطفى و هو خارج من الاوضه:كل ده فين يا حبي .. شرووق ؟
شروق:ايييه ده !
( روايات بسوم )
..............................................................
صحيت شروق من النوم على رنت موبايلها ... قامت قعدت و ردت ....
شروق:الو
رضوى:ايه يا شوشو صباح الخير
شروق:صباح النور
رضوى:مالك يا شروق في ايه .. مال صوتك ؟
شروق:مفيش بس لسه صاحيه من النوم
رضوى:لا صوتك مش طبيعي و بتنهجي جامد مالك يا بنتى بس ؟
شروق:كنت بحلم حلم وحش صحيت منه ع رنتك
رضوى:مممم حلم ايه ده !
شروق:عادي كابوس من كوابيسي .. ما علينا المهم انتى عامله ايه ؟
رضوى:مش هسألك ع حاجه هسيبك لما تعوزى تحكيلي تبقى تحكيلي
شروق:اوك .. مقولتليش بردو انتى عامله ايه
رضوى:الحمدلله .. وحشتيني
شروق:هههههه يا بكاشه ما كنا مع بعض امبارح
رضوى:لا ملحقناش نقعد مع بعض و بعدين ما انتى عارفه انك ع طول بتوحشيني
شروق:طبعا يا حبيبتي .. انتى كمان وحشتيني اوى
رضوى:هيييييح بقى اشوشتى .. طيب تعالى بقى انهارده نروح عند لؤي و هيثم عشان تصالحي هيثم و نتفسح مع بعض و نعدل اللى حصل امبارح ده
شروق:حاضر بس مش دلوقتي
رضوى:ماشي بس امتى ؟
شروق:على الساعه 4 او 5 كده
رضوى:تمام .. يالا بقى هسيبك تفوقي شويه
شروق:اوك .. عاوزة حاجه ؟
رضوى:سلامتك يا حبيبتي .. يالا سلام
شروق:سلام
قفلت شروق السكه و سابت الموبايل و فضلت قاعده شويه و بعدين قامت عشان تروح الحمام و هى خارجه من الاوضه داخله الحمام رجعت تانى .. لفت نظر شروق حاجه غريبه .....
( روايات بسوم )
شروق:اييه ده ! نور اوضه حبيبه والع ازاى ؟ انا مولعتهوش امبارح خالص و اخر مرة كنت في الاوضه دى متاكده اني طفياه باديا و قافله الباب كمان .. مين فتح الباب و ولع النور ! .. اما اروح اشوف في ايه .... دخلت شروق سابت الفوطه اللى في اديها ع سريرها و طلعت راحت اوضه حبيبه و اول ما دخلت لقت حبيبه قدامها قاعده ع السرير .. وقفت شروق مخضوضه و سكتت شويه ...
حبيبه:وحشتيني يا حبيبتي
شروق:حبيبتك ! متقوليش الكلمه دي تانى .. انتى ايه اللي جابك هنا
حبيبه:طب و هروح فين ؟
شروق:مين طلعك من المستشفى اصلا
حبيبه:انا .. تعبت من المستشفى و زهقت .. مضيت اقرار ع نفسى و خرجت
شروق:لييه تعملى كده انا مش عايزة اشوووفك تانى ايه اللى جابك
حبيبه:انا امك يا شروق بتقوليلي الكلام ده ازاى
شروق:لا مش امي لاااا .. اوعي تقولى انك امى دي تانى استحاله تكونى امي انتي شيطان رچيم مينفعش تكونى ام اصلا
حبيبه:ليه كل ده
شروق:ههه بصي لنفسك في المرايه و انتي تعرفي ليه كل ده .. انتى ازاى جيتي هنا بمنظرك البشع ده و بوشك اللي كله تشوهات ده هتفضحيني تاني ؟ كفايه بقى اللي انا فيه كفايه الفضيحه اللي حصلت بسببك لما لقوكى متشوهه هنا و كان معاكي واحد .. انتي عايزززززة منى ايييييه
حبيبه:مش عايزة منك حاجه عيزاكي تسامحيني بس .. و بعدين متقلقيش محدش شافني و انا طالعه انا جايه هنا من 6 الصبح عشان محدش يشوفني خالص .. متقلقيش
شروق:عمرى ما هسامحك .. و ميخصنيش اذا كان حد شافك او لا .. انا معاكي في بيت واحد مش هعيش و لو انتى هتعيشي هنا انا مش هفضل هنا و همشي
حبيبه:يعني ايه ؟ .. ده بيتي مش همشي منه و انتى كمان مش هتمشي منه
شروق:قولتلك يا انا يا انتي هنا لكن احنا الاتنين لا
حبيبه قامت و حطت اديها ع وش شروق ...
حبيبه:ليه القسوة دى يا بنتى
شروق:بنتك ! اوعي ايدك دي و ابعدي عني .. كانت فين بنتى دي زمان اللى بتقوليها دلوقتي بكل سهوله .. هه تحبي افكرك عملتى ايه فيا و في ابويا و في حياتنا .. تحبي اقولك كام مرة جبتي واحد بيت ابويا و استغليتي عدم وجوده و طبيعه شغله اللى بتجبره ع السفر عشان مراته تخونه .. تحبي افكرك معاملتك ليا و قسوتك عليا .. تحبي افكرك قله ادبك عليا و عدم اهتمامك بيا عشان تقدرى تعيشي حياتك مع .... ههه عشيقك .. تحبي افكرك انك بعاميلك خليتي حياتنا تتهد و بيتنا يتهدم و بابا يطلقك و اعيش انا بين اسره مفككه .. ام خاينه و اب متجوز و صحاب بيبصولى بنظرة وحشه لما يعرفوا ان امي و ابويا مطلقين .. تحبي افكرك يوم ما اتشوهتى بمايه النار و كل اللي معاكى راح و كل ده حصلك من مين ؟.. هاا من اللى ضحيتي بكل ده علشانه .. بحياتك و جوزك و بنتك .. و في الاخر هو سابك و مشي و ياريته سابك سليمه لا دمرررك بمعني الكلمه .. تحبي افكرك انك السبب في حالتى النفسيه و في عقدتى و كل حاجه متدمرة في حياتي بسببك .. حتى صاحبتي اللي بتحبني بكرها و بغير منها بسببك .. عارفه ليه ؟؟ عشان هي عندها عيله و انا لا هي امها كويسه و انا لا هى مخطوبه و كان ليها اهل يقابلوا اهل خطيبها و انا معنديش اهل عشان حتى اوافق اني اتخطب .. مش عارفه ولا قادرة اعترف بحقيقتي و بعدم وجودك في حياتي مش عارفه اجيب اهل منين يقابلوا الانسان اللي عايز يتقدملى .. انتي دمرتيني في كل حاجه و من كل اتجاه .. انتي ظااااالمه انا بكرررهك بجد بكررهك
حبيبه:كل ده يا شروق كل ده يا بنتي ؟ .. سامحيني انا اسفه ارجوكي سامحيني
شروق و مسكت في امها من غير وعي:ابعدي عني بقى اسامحك ع ايه ولا ع ايه .. اسامحك ازاى و انا اصلا مش بنسي .. ابعدي عني بقى و عن حياتي حرام عليكي حرااااام
حبيبه:انا امك مهما كان .. انسي يا شروق ارجوكى لازم تنسي
شروق بعصبيه اكتر:انسي ازاااى هاا هي دي حاجه تتنسي ؟ هو اللى حصل يتنسي انا مش هنسى و مش هسكت و مش هسيبك
حبيبه:اهدي يا شروق اهدي
شروق:اهدي ايييه انا مش طيقاااكى مش قاادرة خلااااص .. ايه اللى جابك مكنتش عيزااكي في حياتي تاني .. انتي اللى مصرة تفكريني .. ليييه كده لييييه ؟؟؟؟؟
( روايات بسوم )
.............................................................
عند هيثم و لؤي في البيت .. هيثم و لؤي قاعدين مع بعض يتكلموا ....
لؤي:فكها بقى اعمنا
هيثم:ما انا فاككها اهو
لؤي:لا انت زعلان من اللى حصل امبارح
هيثم:مش مهم بقى زعلان ولا لا .. اللى حصل حصل
لؤي:عيب عليك انت اخويا يعني انا اكتر حد عارفك و فاهمك و انا عارف انك زعلان
هيثم:خلاص مبقتش تفرق .. دي حتى مفكرتش تتصل بيا .. انا مش هكلمها تاني خلاص
لؤي:ايه ايييه الجنان ده .. اهدى كده اعم هيثم هى بردو اكيد عندها ظروفها
هيثم:ظروف ايه دي اللي تمنعها من انها تتخطبلى و انا اللى كنت بطلب منها ده
لؤي:هى خايفه و باين عليها انها بتخاف من امها اوى .. و بعدين احنا واحده واحده عليها و هنفهم منها في ايه
هيثم:هه ده لو اتكلمت اصلا تاني
لؤي:هتتكلم
هيثم:و انت مين قالك ؟
لؤي:بصراحه رضوى لسه مكلماني و قالتلى انها هي و شروق جاين كمان ساعتين كده عشان شروق عايزة تصالحك
هيثم:بجد ؟؟
لؤي:اها و الله و قالتلى انها عايزانا نفسحهم بقى عشان نعوض اليوم بتاع امبارح اللى باظ ده
هيثم بفرحه:ايوة طبعاا اكيد
لؤي:ايووة يا عم قلبك حن اهو .. شوف بتحبها ازاى
هيثم:اووى يا لؤي بحبها اووي
لؤي:ههههههه اومال ايه بقى مش هكلمها تاني و الكلام ده
هيثم:كنت زعلان يا عم بس مدام هتيجي يبقى خلاص
لؤي:ايووة كده .. يالا روح خد شاور و ظبط نفسك كده و انا هكلم شروق اأكد عليها و هروح البس
هيثم:طب ما تكلمها دلوقتي
لؤي:لا اما تخلص الشاور هكلمهالك عشان بس مايبقاش قدامنا كتير
هيثم:تمام
لؤي:اشطا .. يالا
قام هيثم و راح اخد شاور و بعد نص ساعه خرج و خلص و كان فاضل بس يلبس هدوم الخروج .. و راح قعد مع لؤي
هيثم:كلمتها ؟
لؤي:هي مين ؟
هيثم:ما تركز معايا يا عم .. شرووق
لؤي:اها .....
.........................
#بسمه_ممدوح