خيانة رسمية

* الفصل الثاني و الاربعون ، الاخير *

شروق:ليه عملت كده اتكلم و رد عليا و قولى انا عملت فيك ايه عشان تعمل فيا كده
محمد:عملتى فيا كل حاجه وحشه .. مكنتش هرتاح غير لما ادمرلك حياتك
شروق:بس محصلش حاجه بينا من اللى قولتها للؤي .. ليه كدبت و قولت كده
محمد:عشان اللى قولته حصل
شروق:ايه ؟؟؟ حصل ازاى يعني !! .. انا مش مجنوووونه
محمد:عارف طبعا انك مش مجنونه
شروق:امال ايه الكلام اللى قولته ده ؟؟؟ فهممنى .. ليه قولت كده و ده اصلا محصلش
محمد:لان اللى حصل اقذر من كده
شروق بعياط:ايه اللى حصل انا مش فاهمه حاجه
محمد:اقولك يا بيضه ..اتصلتى بيا تتحججيلى عشان نسيب بعض و لما قولتلك مش هقدر اتقدملك دلوقتى نهيتى كل حاجه في لحظه .. غيرتى خطك على طووول و كأنك ما صدقتى عشان تخلصي منى .. بس للاسف انا بردو كنت غلبان و طيب و حطيتلك اعذار .. و روحت عند المدرسه لاصحابك اللى كنت بشوفك معاهم و طلبت رقمك و طبعا كلهم عطونى الرقم القديم لان مكنش حد فيهم معاه الرقم الجديد .. و مكنتش بشوف رضوى خالص فاضطريت اخد رقمها من صحابكوا و اكلمها أسألها عليكى
شروق بأندفاع:ايوة هى رضوووى اللى قالتلك الكلام ده عليا انا فهمت من كلامك مع لؤي
محمد:بالظبط كده .. اكلم صاحبه حبيبتى و تكون الصدمه انى اعرف منها ان البنت اللى بعشقها بتكلم غيري و ياريته واحد بس الا كتيييييرررررر .. لو مكانى هتعملى ايه ؟ هااا ردى عليااااا
شروق:ده كدب رضوى كداااابه
محمد:بقولك ايييه مسمعش مبرراتك .. عشان رضوى مش كدابه .. انتى اللي قذره و خاينه
شروق:حرام عليك
محمد:انا مش لؤي ها عشان تتمسكنى كده و تعملى الشويتين بتوعك دول
شروق:طب انا مش هبرر حاجه و مش هتكلم .. بس انت ليه قولت للؤي انى كنت حامل منك و ده محصلش .. انا عمرى ما قابلتك الا في مكان فيه ناس .. يبقي ازاى هيحصل حاجه زى دى !!!
محمد:هو محصلش طبعا بس انا قولت كده عشان انتقم منك
شروق:بس انت كده دمرت حياتى
محمد:ههه ما ده المطلوب
شروق:لييييه ؟؟
محمد:عشان وجعتى قلبي و جرحتينى و صدمتيني
شروق:ازاى كنت بتتكلم كده و انت كداب و واثق من نفسك مع انك عارف انى هكدبك و هنكر
محمد:ما ده المطلووووب .. مش بقولك غبيه .. لازم اتكلم بثقه و بجاحه .. عشان انتى تتعصبي و تقولى محصلش و تكدبيني و صوتك يعلى .. و سعتها لؤي هيتأكد انى صادق و انتى كدابه
شروق: يا ابن ال .....
محمد:هووووششش قولنا ايييه .. مش اتفقنا تخلى بالك من لسانك
شروق بكسرة:طب كل حاجه انتهت ليه عملت كده ؟ ليه بتفتح في القديم ؟؟
محمد:عشان حبيتك بجد
شروق:و لما انت بتحبنى اوى كده ماجيتش تخطبنى ليه ؟ ليه اتهربت منى ؟! ما انت لو كنت عايزنى مكنتش هتخليني اضيع منك و كنت هتيجي تتقدملى عشان ابقى ليك .. رد عليا و قولى ليه محاولتش ؟
محمد:لو عرفتى السبب هتكرهى نفسك و حياتك و ممكن كمان متصدقنيش
شروق مسحت دموعها و عدلت نفسها و انتبهت اوى لكلامه ....
شروق:لا لا هصدقك .. بس انا عايزة اعرف
محمد:بلاش احسن يا شروق .. اللى فهمته انك حامل .. و اظن اللى هقوله لو عرفتيه مش هيكون كويس عشانك خاالص
شروق:ارجوووك يا محمد اتكلم و متقلقش مش هزعل نفسي بس اتكلم
محمد:انتى حرة انا حظرتك .. و انتى اللى مصممه تعرفى
شروق:اها اها .. قول بقي
محمد:اسمعى ...
( روايات بسوم )
...................................................................
شيرين:بتعيطى ليه بس يا شروق ؟
شروق:مش قادرة .. مش قادرة افتكر اللى حصل .. شوفتى كمان اللى عملت فيا كده هى رضوى .. هى السبب في كل ده
شيرين:اممممممممممم
شروق:لو ما كانتش قالت اللى قالته لمحمد مكنش هيشيل منى كده و يفكر في الانتقام
شيرين:صح .. عشان كده في اول الجلسات لما قولتيلى انك خونتى رضوى و مش بتحبيها .. و بعد كده قولتى ان هيثم قال انها كانت بتتكلم عليكى كويس انا سعتها قولتلك انها كويسه و انتى قولتيلى معرفش
شروق:ايييوووة لان هى مش كويسه .. هى اللى دمرت اللى فاضلى .. كانت كل الوقت ده معايا و هي خينانى و قايله لمحمد على اسرارى و انا معرفش .. جت عليا اووى مع الدنيا و مع امى و مع كل حاجه وجعتنى في حياتى ..انا الاول كنت بغير منها بس بعد اللى عرفته بقيت بكرها بجد
شيرين:طب اهدى بس .. و لو مش عايزة تكملى و عايزة تروحى تستريحى .. روحى
شروق:لا عايزة اكمل .. انا مخنوقه و عايزة اتكلم
شيرين:طب خلاص اهدى كده و كملى انا سمعاكى
شروق:.....
( روايات بسوم )
..................................................................
محمد:اسمعى ... زى ما انتى عارفه ان ابويا و امى متوفين و قولتلك انى وحيد .. بس انا مكنتش وحيد
شروق:مش فاهمه ؟
محمد:يعنى كان ليا اخ اكبر منى ب 17 سنه .. بس كان زباله بمعنى الكلمه
شروق:ازاااى ؟ ولا اقولك استنى بس عندى سؤال الاول و بعدين كمل
محمد:سؤال ايه ؟
شروق:انا عايزة اعرف انت تعرف لؤي ازاى و عرفت ازاى اننا متجوزين و وصلتلى
محمد:لؤي و اخوه هيثم اصحابي .. و كنا متربيبن مع بعض من و احنا صغيرين
شروق:بججججد ؟؟؟؟ّ!!
محمد:اها و الله
شروق:عمرى ما كنت اتصور ان الدنيا كده ابدا
محمد:ازاى يعني ؟
شروق:ما علينا .. انا عايزة اعرف بردو عرفت انى مرات لؤي ازاى و وصلتلنا عشان تدمرنى .. و متقوليش انها صدفه و انك كنت جايله عادى و فجأه عرفت انى مراته .. لانى مش هصدقك
محمد:هى فعلا مش صدفه لما جيت هنا .. بس هى ابتدت صدفه فعلا .. انا اصلا لحد من كام يوم مكنتش اعرف عنك اى حاجه .. بس لما روحت عند هيثم فهمت بقي
شروق:هيثم ؟ فهمت ايه ؟؟ و قالك ايه ؟
محمد:و الله هو مقاليش اى حاجه و اصلا ميعرفش انى اعرفك و مكنش ينفع اقوله
شروق:طب حصل ايه انا عايزة اعرف ؟؟
محمد:هقولك يا ستى .. انا كنت عنده و دخل يجيبلى صور خطوبته من اوضته عشان يفرجهالى و نسي موبايله مفتوح على الترابيزة .. فمسكته و قعدت العب فيه عادى كالعاده .. بس في وسط الصور لفت نظرى صورة .. فتحتها ساعتها لا ارادى
شروق:ها صورة ايه ؟
محمد .....
( روايات بسوم )
..............................فلاش باك...........................
هيثم:اهم بقى يا .... ايه يا عم مالك مبلم ليه كده ؟!
حماده و وراله موبايله ....
هيثم:نعم ؟
حماده:مين دى ؟؟؟؟!
هيثم:تجاهل كلامه تماما و قعد جنبه و فتح اللبوم الصور قدامه
هيثم:شوفت اخوك و هو عريس بقي .. و غمزله
قام حماده وقف و اتسمر مكانه ...
بصله هيثم بأستغراب ....
هيثم:مالك يا ابنى في ايه ؟؟؟
محمد:في باله .. رضوى ؟ ازاى ؟ يعني هيثم يبقى خطيب رضوى ؟ هى الدنيا صغيره كده ؟؟
هيثم:مالك يا محمد ؟؟ ساكت ليه بس و وقفت ليه ؟
محمد و شاور على الصورة اللى في الموبايل:قولتلك قولى مين دي ؟
هيثم باستغراب: هتفرق معاك في حاجه !
محمد بتفكير و ترتيب:ايوة اصلى حاسس انى شوفتها قبل كده .. بس مش في مصر .. هى اسمها ايه ؟
هيثم:هههههههه لا يا عم مش هي .. دى عمرها ما سفرت اصلا .. و علي العموم دى تبقى شروق مرات اخويا لؤي
محمد بصدمه بس بيحاول يداريها:اخوك ؟
هيثم:اها .. هى كانت صورها علي موبايلى بس مسحتهم كلهم .. مش عارف بقى ماشوفتش دي عشان امسحها ولا ايه .. يلا بقى مش مهم
محمد:لؤي اتجوزها ؟
هيثم:و فيها ايه يعني ؟!!
محمد:قصدي اتجوز امتى لؤي ؟
هيثم:من قريب كده
محمد:اهاااا طب ما تيجي نروحله
هيثم:لا احنا في بينا تاتش و بقالنا فترة كده مانعرفش حاجه عن بعض
محمد:ليه كده يا ابنى بس ؟ في ايه ؟
هيثم:لا عادى مشاكل عاديه كالعاده
محمد:طب انا عايز اشوفه اعمل ايه ؟
هيثم:بص ده ــ ــــــ ــــــــ ــــــ عنوان الصيدليه بتاعته .. روحله هتلاقيه هناك
محمد:خلاص ماشي .. يومين كده و هبقى اروحله
هيثم:تمام
محمد:انتوا عرفتوا بقى مدامتكوا منين ؟
هيثم:عادى انا بحب رضوى و شروق صاحبتها و كده يعني
محمد:اهاا .. المهم يعني عروستك زى القمر
..................................................................
محمد:و مقولتلهوش اى حاجه .. و حسيت طاقه القدر اتفتحتلى لما عرفت مكانك و عرفت طريقك عشان انتقم منك
شروق:ليه ؟ ليييه بتتكلم بالقسوة دي ليييه ؟
محمد:ملكيش دعوووة
شروق:الدنيا دي وحشه اوووى .. عمرى ما تخيلت ان ده يحصل و عمرى ما تخيلت انها بالصغر ده
محمد:ههه شفتى بقى
شروق بعياط:طب انا عايزة اعرف سيبتنى ليه ؟ و ليه بتقول على اخوك زباله ؟ مش فاهمه عمل ايه ؟
محمد:زباله عشان كان يعرف واحده متجوزة .. تعرفي الواحده دى تبقي مين ؟
شروق اتصدمت و بدأت تبلع ريقها و تترعش و هى بتتكلم .....
( روايات بسوم )
شروق:مين ؟
محمد:مدام حبيبه .. امك
شروق قامت منطورة:ايييييييييييييه ؟؟؟
محمد:مش قولنا تهدى اعصابك كده ولا ايه
شروق و بترجع عن عصبيتها:انت بتقول ايه ؟ انا مش فاهمه حاجه
محمد:ابويا و امى سابونى لاخ زباله و ماتوا و سابوه يتحكم فيا و ابقي تحت امرة غصب عنى لانه هو الكبير .. اخويا ده مصطفى اللي كانت امك بتخون ابوكى معاه .. اقول تانى ؟
شروق بانهيار:لا لا مش ممكن لالالالا و الله استحاااااله انا هتجن بجد لا انت اكيد بتهزر .. طب ازاى يعني كل دى صدف .. يعني ارتبط بيك و اخوك هو اللي خرب بيتنا .. طب ازاااى
محمد:و مين قال انها كانت صدفه
شروق:يعني ايه ؟
محمد:افهمك.. في يوم كنت قاعد اتفرج على التيلفزيون بليل عادى .. و لقيت مصطفى داخل من باب الشقه متعصب ....
( روايات بسوم )
...............................فلاش باك..........................
محمد:مالك بس بتزعق ليه ؟
مصطفى:بص انا مش طايق نفسي .. غور من وشي دلوقتى
محمد:حاضر حاضر
دخل محمد اوضته و قفل على نفسه و بعد شويه سمع مصطفى بينادى عليه .....
مصطفى:يااا محمد .. مممحمد
محمد:ايوة ايوة .. نعم يا مصطفى ؟
مصطفى:اقعد عايزك
محمد:حاضر .. و قعد .... ها خير ؟؟
صطفى:هو خير .. بس طبعا عارف انه حتى لو انت مش شايفه خير هتسمع كلامى وهتنفذه
محمد:امممممممم عايز منى ايه يا مصطفى ؟ اتكلم على طول
مصطفى:اللي بحبها عندها بنت .. هى صغيره و جميله بس قرفانا في عيشتنا و كل شويه بتظهر من تحت الارض
محمد:مش فاهم انا .. ايه المطلوب منى يعني ؟
مصطفى:المطلوب يا صغير كالأتى .. هديك عنوان مدرستها و صورة ليها .. هتروح تشوفها و تراقبها لحد ما تلاقيها لوحدها .. تتصرف و باى طريقه و تفتح معاها كلام
محمد:ليه ؟
مصطفى:اسمعنى للأخر
محمد:ماشي كمل
مصطفى:هتفضل وراها مرة على مرة و اوعى تزهق .. لحد ما توقعها في حبك و ترتبط بيها
محمد:و ده ليه بقى ؟؟؟
مصطفى:عشان في الوقت اللي هكون عايز اقعد فيه مع امها انت هتزحها عننا
محمد:ازاااى ؟
مصطفى:يعنى هتكلمها و تطلب منها تنزل تقابلك .. و تقولها قولى لامك رايحه لصاحبتى او اى حاجه .. هي هتروح تقول لامها و هتوافق على طول .. و يبقى هي معاك و مبسوطه و ناسيه كل حاجه .. و انت تروحها بعد ما انا امشي على طول .. فهمت ولا نعيد
محمد:و افرض بقى ده محصلش ؟
مصطفى:هيحصل
محمد:طب و امها موافقه على اللي هيحصل ده ؟
مصطفى:انا لسه مقولتلهاش .. بس متأكد انى لما اقولها هتوافق
محمد:امممممم
مصطفى:مالك ؟
محمد:حرام يا مصطفى .. ليه اعلقها بيا على الفاضي ؟ دى بنت
مصطفى بسخريه:هههههههههههههههههههه و احنا معندناش اخوات بنات .. يعني ريح نفسك
محمد:بس اكيد هنتجوز في يوم و هيكون لينا زوجه و بنت
مصطفى:انا مش هتجوز .. و بقولك ايه بقى بطل كلام الدين بتاعك ده و خليك في مصلحتك
محمد:و هى فين مصلحتى دى ؟
مصطفى و قتها طلع فلوس و رماها قدام محمد ....
( روايات بسوم )
مسك محمد الفلوس بأستغراب و بصلها .....
محمد:ايه دول ؟
مصطفى:مصلحتك .. كل اول شهر هتاخد زيهم .. مدام انت حلو و بتساعدنى
محمد:انت شيطان
مصطفى و صوته على:احترررم نفسسسسك .. انت نسيت انى الكبير ولا ايه ؟ وعلى فكرة برضاك او غصب عنك هتنفذ اللى بقوله .. و لو عملت حاجه من غير اذنى اظن انت فاهم ايه اللي هيحصل .. و هات الفلوس دى لو مش عايزها
لسه هياخد مصطفى الفلوس .. مسكها محمد جامد و بصله اوى و اتكلم .....
محمد:لا سيبهم
ابتسم مصطفى بخبث:ايوة كده .. ما انت شاطر اهو
محمد:ماشي .. ابقي سيبلى صورتها و عنوان المدرسه
مصطفى:روح نام و لما تقوم الصبح هتلاقي الصورة محطوته و مكتوب في ظهرها عنوان المدرسه
محمد:طيب .. تصبح على خير
مصطفى:و انت من اهله يا حبيبي ههههه
دخل محمد نام و هو بيفكر في اللي هيحصل .....
( روايات بسوم )
....................................................................
شروق و بتصوت:يييعنى اييييه يعنى كنت بتلعب بيا !!! .. ضحكتوا عليا كلكوووا .. دمرتووونى كلكوووا ليييييه ؟؟؟؟؟؟؟؟؟؟ لييه عملتوا كده ليييه ؟؟!!
محمد و بدأ يحن:شروق اهدي .. بالله عليكي اهدي
شروق:اهدا ايييه .. ازااااى ؟ ازاااى بجد ازاااى !!! انا مصدوومه انا حاسه انى بحلم و الله بحلم
محمد:كفايه يا شروق .. بطلى عياط و اهدى .. خلاص اللى حصل حصل
شروق:ازاى طيب ؟ حبيبه كانت عارفه ؟ امى كانت عارفه ؟ يعنى هى عرفت ولا لا ؟؟
محمد:اها كانت عارفه مصطفى بعديها قالى انه قالها و هي الاول اعترضت بس اما فهمها اقتنعت و سكتت و وافقت
شروق:طب ازااااى؟ امى تعمل فيا كده ازااى !!! طب و انت ؟ يعنى انت مكنتش بتحبنى و كنت بتتسلى بيا ؟؟؟! صح !
محمد:لالالا و الله العظيم ابدا .. انا كنت بنفذ طلب مصطفى لانى كنت خايف منه و ده كان في الاول بس .. بس و الله حبيتك بجد و الله كنت بعشقك .. و في مرة خليتك تمشي بدرى عشان تعرفي الحقيقه و تكشفيهم لانى كنت بحبك بجد و مش هاين عليا اسيبك كده .. و مصطفى بعدها بهدلنى و ضربنى و انا استحملت و كله عشانك .. بس مكنتش هعرف اتقدملك ساعتها الا اما اتصرف في الموضوع ده و اقنعه ميعرفكيش انه اخويا و اخليه يقنع امك انها متجبش سيره .. و كنت هتجوزك ونسافر و نبعد عنهم .. بس انتى اتسرعتى و نهيتى كل حاجه .. بس انا قبل ما اكلم رضوى عشان افهم مالك و اصالحك .. اتكلمت مع مصطفى في الموضوع و كنت هاجى اتقدملك بس و الله هو اللي رفض و هددنى لو ما شيلتش الموضوع ده من دماغى هيبهدلنى و قالى هقتلك لو السر ده طلع .. بعدها كلمت رضوى و اتصدمت من اللي قالتهولى .. ومن ساعتها و انا عايز انتحر و كان نفسي اجيب حقي منك .. و ده كل اللي حصل
شروق:حرااااام و الله حررااااام انا اتظلمت كتيررر و اتعذبت اوى .. لييه ؟ ليه كلكوا جيتوا عليا و عملتوا فيا كده .. اتكلم .. حد يقولى لييييه .. انا عااايزة امووووت و لازم امووووت مينفعش اعيش .. فضلت شروق تصرخ بأعلى صوتها ومحمد يهديها لحد ما وقعت في الارض اغمى عليها ......
( روايات بسوم )
...................................................................
شيرين:اهدى بس يا شروق و بطلى عياط
شروق بتنهيدا:انا كويسه اهو
شيرين:طب كملى حصل ايه تانى ؟
شروق:مش عارفه .. انا صحيت لقيت نفسي نايمه على السرير و مستغطيه و جنبي مايه و على راسي فوطه مبلوله
شيرين:عمل حاجه ؟
شروق:لالا .. هو تقريبا حطلى فوطه على دماغى عشان كنت سخنه باين كده .. و كان جنبي كبايه مايه .. شكله شربنى .. بس انا لقيت نفسي زى ما انا و مستغطيه
شيرين:امممممم و هو راح فين ؟
شروق:مش عارفه .. انا قومت دورت عليه في البيت كله ما لقيتهوش .. بس لقيته سايبلى رساله على البوفيه
شيرين:رساله ايه ؟
شروق:كان بيقولى .. متزعليش منى يا شروق .. الحقيقه كانت لازم تبان .. ياريت تسامحينى و انا كمان هسامحك .. و على فكرة لما تصحى من النوم هكون انا خرجت برا مصر .. لان معاد طيارتى 5 الفجر .. اها على فكرة انا قولت لهيثم انى سافرت وقت فرحه مع انى عارف ان طيارتى 5 الفجر .. بس انا ما رديتش اروح الفرح عشان لو رضوى شافتنى ممكن الفرحه تبوظ عليها .. و حرام انا بقول كفايه كده .. و ياريت بقي ملكيش دعوة بحد سيبيهم يعيشوا و لو لؤي نصيبه يكمل معاكى هيرجعلك .. خلى بالك من نفسك .. سلام يا شروق
شيرين:انتى صحيتى من النوم الساعه كام ؟
شروق:الساعه 7 الصبح
شيرين:و هو اصلا كان عندكم من امتى ؟
شروق:تقريبا كده حوالى الساعه 12 بليل .. بس وقت ما انا اغمى عليا كانت تقريبا 2 او 3 بليل
شيرين:فهمت انا كده
شروق:فهمتى ايه ؟
شيرين:هو فوقك لما اغمى عليكى .. بس بعدها شربك مايه فيها منوم عشان تنامى و يلحق ميعاد طيارته .. و عشان يتلاشا الشوشرة
شروق:احييييه ! تفتكرى ؟
شيرين:طبعااا
شروق:بتعيط
شيرين:بطلى عياط وحياه ابنك يا شروق .. و ردى عليا
شروق و بتمسح دموعها:حاضر .. نعم ؟
شيرين:حصل ايه تانى بعد كده ؟
شروق:قعد يوين لؤي مختفى .. و دورت عليه و ما لقيتهوش وموبايله غير متاح دايما .. و تالت يوم صحيت من النوم على صوت جرس الباب
شيرين:كان لؤي ؟
شروق:لا .. كان البواب جايبلى ظرف
شيرين:ظرف .. في ايه الظرف ده ؟
شروق:ههه فيه ايه ؟ في ورقه طلاقي .. و ورقه مكتوب فيها .. الشقه هتتأجر و الناس هتستلمها بكرة .. لمى كل حاجتك و روحى على بيت امك .. و متحاوليش تدورى عليا عشان انا بيعت الصيدليه و انسي انك تشوفى وشي تانى
شيرين:يا نهاااار ابيض .. و بعدين ؟
شروق:ولا قابلين .. لميت حاجتى و رجعت شقه حبيبه تانى و حاولت كتير ادور عليه بس ما لقيتهوش خالص
شيرين:انتى دلوقتى قاعده في بيت امك ؟
شروق:ايوة .. و لما الناس سألونى قولت ان جوزى مسافر
شيرين:امممممم وحكايتك خلصت لحد كده .. و من ساعتها و انتى بتجيلى هنا
شروق:ايوة 7 شهور
شيرين:طبعا كل ده جلسات بسمعك .. بس ما قولتلكيش انتى جاتلك حاله نفسيه من ايه ولا ايه اللى خلاكى تعملى كل اللي عملتيه في حياتك ده
شروق:اها .. هو انا عمرى ما هخف ؟
شيرين:مجرد قوتك انك تقعدى قدامى و تحكى و تعترفي بغلطك و تقولى على كل اللي عملتيه في حياتك .. ده في حد ذاته دليل انك خفيتي .. لانك عارفه اللي جواكى و معترفه بيه .. يبقى مش محتاجه علاج
شروق:امممم طب انا ليه عملت كده .. ليه خونت محمد و خونت هيثم و رضوى ؟ ليه ؟
شيرين:هقولك .. اللى خلاكى تعملى كده حاجتين .. اول حاجه نموك في بيت بتشوفي فيه امك بتعمل كده و بتخون والدك و مش بتحافظ على بيتها .. ده لوحده ربى جواكى الخيانه بدافع الانتقام .. كل مرة كنتى بتكلمى فيها واحد كنتى بتحسي انك بتنتقمى .. عايزة تاخدى حقك بس مش عارفه ازاى ولا من مين اصلا .. بس هو ده كل فكررك انك تنتقمى و بس
شروق:ايوووة ايوة صح .. فعلا كنت بحس بكده
شيرين ابتسمت و كملت:تانى حاجه انك كنتى مفتقده الحنان .. يعني اب مسافر و ام مش منتبها ليكي اصلا و عايشه حياتها و كل تعاملتها معاكى قسوة و زعيق و بس .. فكنتى بتدورى على الحب و الحنان و الامان في اي حد بتشوفيه بس دايما كانت مشاعرك بتتلغبط .. في الاول تفكريه حب و بعد كده تكتشفى انك مش حاسه بحاجه و غصب عنك متعرفيش تبعدى و تربطي نفسك بشخص جديد و ترجعى تكتشفى نفس اللي اكتشفتيه مع الاول و هكذا .. انتى عايزة تحسي بالامان فده وصلك لحيرة .. و بدأت مشاعرك تتلغبط بين الحب و الاحتياج للامان و الانتقام و اللي هو اهم شئ في الموضوع .. و بعد ما بدأتى تغيري حياتك معرفتيش وكله بسبب النشأه من الاول ، بسبب الام .. ضيعتى وقتك مع ناس غلط و افكار غلط .. و لما جه الوقت الصح و اللي هتفضلى فيه مع الانسان الصح .. الغلط ضيعلك الصح و وقتك اللي ضاع في الغلط جنى على الصح خالص
شروق:صح فعلا كل كلامك صح .. طب اعمل ايه ؟؟ قوليلي حل
شيرين:شروق .. انتى خفيتي على فكرة .. بس مش فاضل الا حاجه واحده بس هتصلحلك حياتك و نفسيتك
شروق:ايه هى ؟
شيرين:عارفه عنوان الشقه اللي كان هيتجوزك فيها هيثم ؟
شروق:اها .. بس ليه ؟
شيرين:طبيعي يكون اتجوز رضوى فيها يعني مش هنروح بعيد
شروق:ممكن .. بس و بعدين يعني ؟
شيرين:هتروحيلهم و هتتكلمى معاهم و تخليهم يسامحوكى و اكيد هيكونوا عارفين مكان لؤي .. يمكن يدلوكى عليه و ترجعيله قبل ما تولدى و حياتك تتعدل و ابنك يعيش بين ام و اب
شروق:بس ....
قاطعت كلامها شيرين:ما بسش يا شروق .. ما تكابريش .. هو ده الحل الوحيد مفيش غيره
شروق:تفتكرى هينفع ؟
شيرين:ايوة طبعااا .. شروق مش انتى قولتيلي انك في اواخر الشهر التاسع و الدكتورة روان قالتلك انك هتولدى الاسبوع الجاى
شروق:ايوة
شيرين:طيب و مستنيه ايه ؟ لازم ترجعى للؤي قبل ما الاسبوع ده يخلص .. مش انتى بتحبيه
شروق:ايوة طبعا بحبه اوووى و وحشنى بجد
شيرين:يبقى لازم ترجعيله .. اللي بيحب لازم يحارب لحد ما يوصل .. و لو حاولتى هتوصلى و انا متأكده انكوا هترجعوا لبعض
شروق:يااااارب يارب يا دكتورة
شيرين:انزلى دلوقتى روحى .. و لو قدرتى توصلى للؤي .. اعتبري دي اخر جالسه ليكي وخلى بالك من بيتك بقى و ابقى اتصلى بيا طمنيني عليكي .. لكن لو بعد الشر ما عرفتيش توصلى للؤي او ترجعيله .. يبقى هتيجيلى في معاد الجلسه الجايه
شروق:خلاص يا دكتورة حاضر .. و بجد انا بشكرك اوى مش عارفه اقولك ايه
شيرين:ماتقوليش حاجه .. المهم تخلى بالك من نفسك .. و ربنا يوفقك و يارب تقوميلنا بالسلامه
شروق:يارب .. ميرسي اوى يا دكتورة .. عايزة منى حاجه ؟
شيرين:سلامتك يا حبيبتى .. متنسيش تروحى لرضوى و هيثم
شروق:هنزل من هنا هروح لهم على طول
شيرين:ربنا معاكى يا حبيبتى .. مع الف سلامه
شروق:مع السلامه
طلعت شروق من العياده و نزلت راحت على طول على شقه هيثم .. و اللي فعلا اول ما خبطت رضوى فتحت لها .....
( روايات بسوم )
رضوى بصدمه:شوق !
شروق:ايوة انا
رضوى:عايزة ايه مننا يا شروق
شروق:رضوى انا تعبانه و اديكي شايفه انى حامل و مش قادرة اقف .. ممكن ادخل و نتكلم جوا
قبل ما ترد رضوى سمعت شروق صوت هيثم بيتكلم .....
هيثم:ايوة طبعا اتفضلى .. احنا مش بنوقف ضيف على بابنا و خصوصا انك تعبانه
رضوى بغيظ:اتفضلى
شروق:شكرا يا هيثم .. و بصت لرضوى و ابتسمت
دخلت شروق قعدت و قفلت رضوى الباب .....
( روايات بسوم )
هيثم:اظن قعدتى يا مدام .. تقدرى تقولى اللي عيزاه عشان احنا بننام بدرى
شروق:بصوا انا مش جايه عشان حاجه .. انا بس عيزاكوا تسامحونى و تدونى عنوان لؤي عشان اكيد تعرفوه لانى بجد محتجاله
هيثم:ههههه مكنش انعذر
شروق:بالله عليك يا هيثم لتديني العنوان او الرقم .. عشان خاطرى يا رضوى ما تيخلوش بيا .. انا جايه اتأسفلكوا و عيزاكوا تسامحونى
رضوى ببرود مصطنع:على فكرة يا شروق انتى متعنيش عندنا شئ عشان اصلا نشيل منك .. عشان تطلبي مننا اننا نسامحك
شروق:مش فاهمه ؟
رضوى:يعني ريحي نفسك يا حبيبتى .. انتى مش في دماغنا اصلا
شروق:طب لؤي .. عايزة عنوانه او تيلفونه بالله عليكوا
هيثم بصلها باستحقار و بدأ يتكلم باستهزاء .....
( روايات بسوم )
هيثم:على فكرة يا مدام شروق احنا منعرفش حاجه عن لؤي .. هو جالنا اربع مرات و ما رديناش نسامحه و سيبناه يمشي و من اخر مرة مرجعش تانى .. اما بالنسبا لعنوانه ف هتلاقيه ف الشارع
شروق:يعني ايه ؟
هيثم:يعني لؤي عايش في الشارع .. نفسيته تعبانه بعيد عنك
شروق:و سبتووووا ؟؟
هيثم:شوفتى ! للاسف .. و معنى كده انوا مبقاش غالى عندنا .. و انتى اكيد مش اغلى عندنا من لؤي
شروق:تقصد ايه ؟
هيثم:قصدي انتى فهماه كويس .. يعني تقدرى تقومى تفتحى الباب من سكات و تنزلى و ياريت ما توريناش الوش السمح ده تانى
شروق:يا هيثم ارجوك ......
هيثم:الكلام اللى عندي قولته و خلص و ما اظنش عندى كلام تانى اقوله
شروق:لازم الاقي لؤي .. لازم يشوف ابنه
هيثم مردش و مشي بهدوء ناحيه باب الشقه و فتحه و بص لشروق و اتكلم و هو بيشاور على برا .....
هيثم:نورتى يا مدام .. مع السلامه
بصت شروق في الارض ساعتها و ما قدرتش تتكلم و قامت من سكات نزلت الشارع .....
( روايات بسوم )
فضلت ماشيه كتير على رجليها بتحاول تلاقي لؤي و عماله تدور عليه في وشوش الناس بس مفيش امل .. لحد ما رجليها وجعتها و وقفت تسند على عربيه و سرحت بعنيها بعيد .. و فجأه لفت نظر شروق حد قاعد على الارض .. شكله صعب اوى .. مش ده ابن الناس الدكتور اكيد لا مش هو .. واحد لابس هدوم غريبه و شكلها وحش جدا و شعرة طويل خالص كانه محلقش شعرة و دقنه من 10 سنين و قاعد حاطط ايده على دماغه و باصص على الارض .. بس هى فعلا ملامحه .. ملامح لؤي .. الغمازة اللي ظاهرة في وشه دايما و بتبان من بعيد و تدويرة وشه اللي شروق حفظاها .. و كل حاجه فيه بتثبت ان هو .. في اللحظه دى مقدرتش شروق تصدق نفسها و جريت نحيته و هي بتنادى عليه .....
شروق:لؤؤؤؤي لؤؤؤؤؤي ... في اللحظه دي عربيه جت باقصي سرعه ليها خبطت شروق .. للاسف العربيه ماقدرتش تفرمل لان شروق جريت فجأه و ما كانتش باصه حواليها ... و قعت شروق في الارض مكانها و عامت في بركه دم و الناس كلها اتلمت و كان من ضمنهم لؤي .. و شروق ما بقتش شايفه حد غيرة .. حركت اديها بشويش و مسكت اديه و بدأت تتكلم بصوت متقطع و نفس رايح خالص و كل شريط حياتها بيمر قدام عنيها في اللحظات دى .....
( روايات بسوم )
شروق بصوت متقطع:لؤي لؤ ل لؤي .. انا بح ب ححبك بجد و الله بحبك اوى و عايشه على ذكرياتنا طول الفترة اللي فاتت .. الحقنى يا لؤي ودينى المستشفى .. الحق ابنك بس يتولد قبل ما يموت جوايا و خده ربيه و خليه يعيش بجد و حافظ عليه و ارجع لحياتك .. و انا خلاص هموت بس الحق ابنك منى قبل ما يموت .. انا كده كده في التاسع يعنى هيتولد هيتولد
الناس كلها من حوليهم مستغربين و اللي بيقول لا حول ولا قوة الا بالله و اللي بيقول لا اله الا الله و اللي اتصل بالاسعاف .. و لؤي ساكت بس بيسمع شروق و بعدين اتكلم ......
لؤي:شروق .. جيتي ليه يا شروق .. انا هلحقك يا شروق عارفه ليه ؟
شروق:بتبتسم و بتهز راسها ب ليه ؟
لؤي:عشان اطلع الروح اللي جواكى عشان لو بجد ابنى ما ابقاش رميته .. و بدأ صوته يعلى و يزعق .. لكن انتى كلببببه و خااااينه و ماتستهليييش .. انا هنقذه عشان لوطلع ابنى لكن لومطلعش ابنى هدفنه معاكى .. فااااهمه ولا لا هااا فااااااهمه ولا مش فااااهمه
شروق بدموع و نفس طالع بالعافيه:ابنك و الله ابنك و الله كلام محمد كان كله كدب .. صدقنى يا لؤي و بلاش تظلمنى تانى
لؤي بعصبيه ودموع لا اراديه:مسمعش نفسسسك ما تتكلميش ابدااا .. فاهمه ولا لا .. انا هنقذ ابنى لكن انتى لالالالالالالا .. و بص للناس و كمل كلام .. حد يجيب الاسعاااف حد يلحقنى بقى
واحد من الناس:ماتقلقش يا ابني احنا كلمنا الاسعاف و زمنها جايه
لؤي:مسك ايد شروق و عيط و بص للناس تانى و اتكلم .. بسرررررررررررعه
و اول ما شروق راسها وقعت و قطعت النفس كانت الاسعاف وصلت .....
( روايات بسوم )
فضل لؤي يصرخ باعلى صوته:ماااااااتت مااااتت خلالالالالالاص .. بعد اييييه .. جيتوا بعد ايييه ما مااااتت ماااااتت ماااااتت
بدأوا الناس يمشوا .. واللي فضل يهدى لؤي و اللي بيقول إنا لله و إنا اليه راجعون و اللي دمع من اللي حصل و اللي طبطب على لؤي و قالوا البقاء لله .. و طبعا مع كل ده كانوا رجال الاسعاف غطوا وش شروق و شالوها و حطوها في الاسعاف و مشيوا .. و فضل لؤي في الشارع لوحده بيعيط بانهيار لحد ما وقع علي الارض ......
( روايات بسوم )

تمت .........
#بسمه_ممدوح

ياريت تدوني ارائكم ، محتجاها جداً بجد .. و يارب تكون عجبتكم ❤❤