خيانة رسمية

* الفصل الثاني عشر *

هيثم:انا لما طلبت كده امبارح كان قصدي افرحك مش اضايقك ابداااا
شروق:عارفه .. بسس
هيثم:بس ايه يا شروق ؟ عملتى كده ليه و احرجتيني و زعلتيني ؟
شروق:اصل ..
هيثم:ها اصل اييه اتكلمى ؟
شروق:مش عارفه يا هيثم .. بص اصل يعني بصراحه كده امي مش هتوافق عليك
هيثم:ليه يعني ؟
شروق بلجلجه:عشان هي كانت عايزة تخطوبنى لواحد قريبها و انا رفضت و الموضوع ده قريب فلو جيت دلوقتي يعني قولتلها عليك او انت كلمتها و انا قولت اني موافقه هي هتعاند و هترفض
هيثم:ايوة و بعدين يعني !
شروق:يعني انا بقول نستني شويه اخلص بس الجامعه دي تكون هي نسيت الموضوع عشان توافق .. لكن دلوقتي صعب و بعدين هي كمان تعبانه و مش هقدر ازعلها
هيثم:انتي بتضحي بيا ؟
شروق:لا لا و الله .. انا لو سيبتك تروحلها يبقى انا كده بضحي بيك .. انا مش هقدر اقف قصادها يا هيثم دي امي و تعبانه و انا مش هقدر ابعد عنك بردو .. يبقى نخلينا كده دلوقتي احسن لحد بس ما تنسى و نعرف نتكلم معاها
هيثم:ماشي يا شروق اللى تشوفيه
شروق بدلع:يعني خلاص مش زعلان مني
هيثم:تؤ
شروق:تؤ ايه ؟ .. لا تبقى زعلان
هيثم:مش زعلان
شروق:حبيبي
هيثم:ايه يا قلبي
شروق:زعلان لسه ؟
هيثم:مقدرش ازعل منك
شروق:بجد ؟
هيثم:طبعا بجد .. انا بحبك اوى
شروق:و انا كمان
هيثم:تيجي ننزل نتفسح ؟
شروق:ماشي
هيثم:اشطا .. لؤؤؤي لؤلؤؤؤ
لؤي دخل هو و رضوى من البلكونه ....
( روايات بسوم )
لؤي:ننننعم ننننعم احنا هنا اهو
هيثم:يالا ننزل نتفسح
لؤي:اتصالحتوا ؟
هيثم:طبعا .. منقدرش نبعد عن بعض اصلا
لؤي:اوووى بقى .. ايوووة كده
رضوى:الحمدلله .. جدعه يا شروق
شروق:حبيبتي يا دودو
هيثم:يالا بقى عايزين ننزل مش وقته
لؤي:ماشي يالا بينا
هيثم:روح عرف ماما بس اننا نازلين و تعالى
لؤي:اوك
دخل هيثم لمامته اوضتها و قالها انهم نازلين كلهم و رجع لهم .. و كلهم نزلوا و ركبوا العربيه مع هيثم و شروق قعدت جنب هيثم قدام و رضوى ورا جنب لؤي ....
( روايات بسوم )
و هما ماشين و بيتكلموا شغل هيثم اغنيه و فضل يغني معاها و هو سايق و الكل ساكت و شروق بصاله و مصدومه و فرحانه بكلامه و زعلانه في نفس الوقت و حرب جواها مش عارفه تنتصر فيها ازاى ؟؟ ....
( روايات بسوم )
هيثم:هو انا ليه اول ما شوفتك حسيت بأيامى و اوقاتي لقتني بدعي ابقى ليك و تبقى انت شريك حياتي .. يارب تبقى انت اللى ليا و تحس بشوقي اللى في عنيا يارب تحس بحبي ليك حرام عليك ما تحس بيا .. بشوفك بيتوه قلبي مني بحس كأني طير بغني انت عندي اغلى حاجه انت عندي اغلى مني .. ما بقتش عايز اعيش غير ليك و لا يوم يفوت و ما اشوفش عنيك .. بقيت ملكنى بقيت اثرني بقيت بموت في كل ما فيك .. اسأل شفايفك هتقولك اسأل عنيك اسأل قلبك اسأل كل حاجه فيك هتعرف اد ايه بحبك .. يارب تبقى انت اللى ليا و تحس بشوقي اللى في عنيا يارب تحس بحبي ليك حرام عليك ما تحس بيا بشوفك بيتوه قلبي مني بحس كأني طير بغني انت عندي اغلى حاجه انت عندي اغلى منى .. يااااارب تبقى انت شريك حياتى ... خلص هيثم الاغنيه و اخد نفس طويل و سكت .. متكلمش خااالص مع انه ملاحظ نظرات شروق ليه .. دقيقه و رد على نظرات شروق .. بس مش بالكلام .. ابتسم و هو باصص قدامه و مسك اديها جامد .....
( روايات بسوم )
فضلوا يتمشوا كتير بالعربيه بعد كده نزلوا و اتفسحوا و طبعا اتكلموا كتييير و بعد كده ركبوا و مشيوا .. و هما ماشين ....
( روايات بسوم )
شروق:انا مش عايزة اروح
هيثم:ليه ؟
شروق:خايفه
هيثم بانتباه:خايفه من ايه !
شروق:من الكوابيس .. و بصت على رضوى .. خايفه يا رضوى من الكوابيس مش قادرة اقعد في البيت
رضوى:طب تعالى اقعدى عندي
شروق:لا عشان مامتك و باباكى
رضوى:انتى عارفه يا شروق ان ماما و بابا بيحبوكي .. ما تغلسيش بقى تعالى اقعدى معايا يومين عشان متبقيش خايفه
شروق:طب تفتكرى الكوابيس هتروح
رضوى:اما نكون مع بعض هتروح
شروق:ممممم
رضوى:يالا بقى يا شوشو عشان خاطرى تعالى معايا
شروق:حاضر هاجي
رضوى:اشطا بقى .. وصلنا ع البيت عندي يا هيثم
لؤي:يا بختكوا
رضوى:في ايه يا ولا انت
لؤي:ههههههههه مفيش يا معلم بهزر معاك
رضوى:اهااا بحسب
لؤي:لا يا حبيبي متحسبش
شروق:يالا يااا هيييثم انت واقف ليه
هيثم:مش عارف
شروق:طب ااامشي بببقى
هيثم:حاضر
و لسه هيمشي رجع اديه و اتكلم ....
( روايات بسوم )
هيثم:هتروحي ازاى عند رضوى ؟
شروق:عادي زي الناس .. هروح عند رضوى دي فيها ايه يعني ؟!
هيثم:هتروحي ازاى يعني .. طب و مامتك ؟ هتوافق ! ولا انتى مش هتقوليلها اصلا و لا ايه ؟
شروق:ها . اها اها .. هقولها كويس انك فكرتني
هيثم:طب كلميها
شروق:حاضر
طلعت الموبايل و اتصلت بحبيبه .. ثواني و بدأت تتكلم ....
( روايات بسوم )
شروق:ايه يا ماما .. الحمدلله .. ماما انا هروح عند رضوى .. اها .. كده عادي .. لا اصلى زهقانه و مخنوقه و عندنا مزاكرة كمان عايزين نخلصها مع بعض .. بليز يا ماما هقعد عندها يومين بس و هكلمك اطمنك كل شويه .. اها .. ايوة يا ماما .. ما تقلقيش انتي عارفه رضوى يعني .. حاضر اووك .. ميرسي يا ماما .. يالا باااى
هيثم:قالتلك ايه ؟
شروق:اعترضت في الاول بس وافقت في الاخر الحمدلله
هيثم:اوك تمام
شروق:يالا بقى يا ثيمو
هيثم:اوك يا قلب ثيمو
مشي هيثم و هما ماشين بيتكلم ......
( روايات بسوم )
هيثم:مش هتقوليلي مالك بقى
شروق:ما قولت كوابيس عادي
هيثم:كوابيس ايه دى ؟
شروق:كوابيس عادي يا هيثم .. عفاريت في الاحلام .. ما تقفل بقى على الموضوع ده عشان خاطرى .. ممكن ؟
هيثم:اوك يا شروق اللى تشوفيه
شويه و وصلوا لحد بيت رضوى .. و نزلوا رضوى و شروق .. و نزل لؤي ركب جنب هيثم و مشيوا ......
( روايات بسوم )
طلعوا رضوى و شروق و خبطوا الباب ....
اسماء من المطبخ:افتح يا زايد
زايد:ثواني بس يا ماما
اسماء:يالا يا زايد دي تلاقيها اختك .. بسرعه الا ابوك يصحي
( اسماء:مامت رضوى .. زايد:اخو رضوى )
زايد:حاضر يا ماما .. و جرى بسرعه فتح الباب
رضوى:اييه كل دة عشان تفتح
زايد:معلش كنت بعمل حاجه في الواجب .. و مشي
رضوى:انت ياولا .. تعالى سلم ع شروق
زايد:اييه ده .. هى معاكى ؟
رضوى:اها هتقعد معانا يومين
زايد:انا مخدتش بالى .. بججد ؟
رضوى:اها بجد
زايد طلع عند الباب و سحب شروق من ايدها ....
( روايات بسوم )
شروق:عامل ايه يا زايد
زايد:الحمدلله انتى ازيك يا شوشو
شروق:تمام يا حبيبي
قفلت رضوى باب الشقه ....
( روايات بسوم )
رضوى:يالا ندخل جوا
شروق و زايد:اوك
و هما داخلين .....
اسماء:...
.........................
#بسمه_ممدوح